Proveb 14:14 - Buka Blahi Ka Cheke Holo

¹⁴ Mae te tei kokoni God na, ginauna fodu ka puhigna thegna te diꞌare. Nu mae te keli na ginauna au nogna kmana glepo te keli.

Proveb 14:14 Iomraidhean Croise

Nodi Khoje Hatimare Mae Jiu 109:17

Mae igne neke magnahaghei te tibri falehedi keha naiknore. Eghume, jame te keli na, tibri teke edi mana tuare mala ke thokeni thegna! Mana neke theome magnahaghei te eni kaisei glepo te keli ranghidi keha naiknore. Eghume, thosei snakreni kaisei glepo te keli te mei ka mana na!

Proveb 12:14

Famane cheke te edi mana igre ginauna fakelini mana, eghuteuna te loku heta mana na ginauna toghoni mana mala au fakeli.

Proveb 12:21

Puhi biꞌo theome tangomana te thokeni mae te doglo na. Nu nakarhagna mae te diꞌa na fodu ka puhi biꞌo.

Proveb 14:10

Theo kaisei mae te laseni nogna diꞌanagnafa keha naikno na. Eghuteuna mana thegna kolho te laseni nogna gleale'a na.

Proveb 14:15

Naikno te iho na, ginauna fiti fatutuanidi kolho unha te nomhire. Nu naikno te lalase na, ginauna ghatho fakelini puhi te mala leghuni na.

Proveb 18:20

Jame te keli chekemu iagho na, thiꞌamu iagho na ginauna gleale'a fara.

Proveb 9:12

Jame te au ka iagho gaoghatho te keli na, iagho ginauna gleale'a. Nu jame te tirouni iagho gaoghatho te keli na, iagho ngala nate au papara ginauna.

Profet Jeremaea 17:5

Lord ne cheke eghu, “Ihei te figri tagru ghau iara, nu rouronu kolho ka nogna nolaghi naikno te mala fakarhini na teuna, iara ginauna fateni naikno tuana mala thokeni hoholo biꞌo.

Profet Jeremaea 2:19

Ghotilo tei koko ghau iara, eghume iara ginauna na snakre ghami ghotilo mala tei au fakhaba ka iara mala eni fabrahu ghotilo puhi te diꞌa na. Eghuteuna ghotilo ginauna na au papara fabrahu jare. Naugna igne, ghotilo ginauna filo glani puhi te tei koko ghau iara na, nei theome ghatho tahu ghau iara teuna. Igne thofno puhi diꞌa fara, naugna igne, ghotilo ginauna au papara.” Igne chekegna Lord God mae ihei te au nolaghi fateote'o.

Profet Jeremaea 8:5

Nu ghotilo naikno te au ka namono Jerusalem, ghotilo tei koko ghau iara, ghotilo tiromi teke figri mei ka iara na. Ghotilo fatutuanidi nomi chaichaghi themire neke tiromi pulo mei ka iara.

Profet Esikiel 22:31

Eghume, diꞌatagu iara na biꞌo fara jateula khaꞌaghi brana ra eghu, eghuteuna iara ginauna goigonidi mare naugna eidi glepo te diꞌa te edi mare are. Igne nogna cheke Lord God!”

Profet Hosia 4:16

Phaꞌumi ghotilo maemi Israel igre jateula phaꞌu buluka eghu theome lalase. Iara magnahaghei te faghamu ghami ghotilo jateula mae greireghi sipu ra eghu. Nu theo eghu, naugna ghotilo ne patugama fara.

Profet Sefanaea 1:6

Iara ginauna paradi naikno te figri tagru ghau, nei tirodi leghu ghau, nei tirodi mei mala toghodi, nei mala saghe leghudi eghu iara.”

Jone 4:14

Nu ihei te koꞌu ka khoꞌu te tusu ranghini iara na, mana ginauna nake theome roi koꞌu. U khoꞌu nate tusu mei iara igne na jateula ngau glokha eghu na fura mei fabrahu ke lamnagna mana. U khoꞌu igne ginauna na tusu ranghini mana u karha fei tifa na.”

Fapea Korin 1:12

Igne unha te fahaehagheni nei thofno laseni teu ghehati ka nagnafamire, eigna ghehati theome leghuni nogna glalase naikno na kate edi gobigna lepore ka nakarhamire. Theo. Tutuani, naugna God tusu mei u khokofakasai ranghi ghami, ghehati leghuni kolho puhi te doglo te magnahagheni God na nei ghehati cheke tutuani koba. Leuleghu fata ka nakarhami kani au teku balumi ghotilo na, ghehati neke eni fara igne.

Galesia 6:4

Kaisei mae theome naba te fananabani thegna ka keha naiknore. Soasopai mae na fifilo fakeli ka nogna gloku thegna na, te loku fakeli ba theo. Te loku fakeli mana na, mana tangomana te fahaehagheni unha teke eni thegna na.

Galesia 6:8

Mae ihei te joꞌu ranghini thegna puhi te diꞌa na, puhi glehe nate jifla mei ka tuana ginauna. Nu mae ihei te joꞌu puhi te keli, te keli tagna mae Tharunga te Blahi na, u karha fei tifa na ginauna jifla mei ka unha teke joꞌu mana tuana.

Hibru 3:12

Eghume, kheraguro, fiofilo fakeli ghami ghotilo ia, na eghunu tei fajafra gaoghathomire mala theome fatutuani ni mae Kraes nei figri tagruni God mae ihei te nolaghi tulao na eghu!