Proveb 14:12 - Buka Blahi Ka Cheke Holo

¹² Keha naiknore te ghathoni na, mare ne thofno leghuni nabrou te doglo na eghu. Nu theo eghu, nabrou te leghuni mare igne mala lehe.

Proveb 14:12 Iomraidhean Croise

Ululahu Kings 12:26

Mae Jeroboam ne cheke eghu ka nagnafagna na, “Nogu naikno iara igre ginauna nake figri ke pulo ka vikegna King Devet.

Ululahu Kings 12:28

Kate ghaoghatho fakelini igne, mae Jeroboam ne edi phei mumuju buluka nalhaꞌudi ka gol. Aonu mana ne cheke eghu ka naiknore, “Kmana fata ghotilo tei tarai koba Jerusalem, nu gognarona ghotilo thosei ke tei jare. Filo si ghotilo. Igre phei nomi god ghotilo maemi Israel ra. Phiamare neke hata kuꞌemi ghotilo tifa ra neke jifla Ijep.”

Proveb 12:15

Mae te fameomekro na ne doglo neu kolho eghu ka gaoghathogna na. Nu mae ihei te autagna gaoghatho te keli na fanomho ka farirhiu.

Proveb 16:25

Keha mae jau ghathoni nabrou te leghuni mare igne thofno keli kolho eghu. Nu theo eghu. Nabrou te leghuni mare igne mala tei ka glehe.

Proveb 30:12

Keha maere ne doglo eghu ka gaoghathodire, nu mare theome thofno snagla ka nakhibo.

Luku 13:24

“Fariuriu fara mala ruma ka grengatha te gobro na mala tei ka nabrougna kligna na. Naugna te chekeni iara ka ghotilo na, kmana naikno ginauna fariuriu ruma jare, nu mare ginauna theome tangomana.

Letas Teke Riso Tei Mae Pol Ka Khiloau Rom 6:21

Tutuani, ghotilo neke theome hatini kaisei glepo te keli kolho ka nakhibo teke edi ghotilo re, eghuteuna ghotilo gognaro na mamaja nomi fara eidi puhi tuare. Thogheiro na nafnata puhi te diꞌa tuare mala fafnota ghami themi kolho ka God tifa tifa.

Galesia 6:3

Jame kaisei mae ghaoghatho eghu ka nagnafagna na, “Iara gne kaisei mae biꞌo fara!” Nu mana chaghini thegna, naugna mana kaisei naikno kolho.

Efesus 5:6

Ghotilo thosei snakreni kaisei naikno te mala chaghi ghami ka cheke te theome tutuani are. Tutuani fara, God ginauna na fatedi naikno te theome leghuni mana nu leghudi puhi te diꞌa igre teuna.

Jemes 1:22

Ghotilo mala leghuni koba u chekegna God na. Eghuteuna te cheke eghu ghotilo na, “Ghehati la nomhinihi chekegna God na” teu ghotilo, nu tiromi leghuni unha te chekeni mana na teuna, ghotilo chaghi ghami kolho themi.