Proveb 14:10 - Buka Blahi Ka Cheke Holo

¹⁰ Theo kaisei mae te laseni nogna diꞌanagnafa keha naikno na. Eghuteuna mana thegna kolho te laseni nogna gleale'a na.

Proveb 14:10 Iomraidhean Croise

Jenesis 42:21

Kate tarabana teu mala ke pulo ka namono di na teu igne, mare ne cheke eghu fari thedi, “Tahati gne kabru eidi unha najafra teke edi theda ranghini mae thabusida igne. Tahati neke filoni mana teke tanhi nei eha neku ka tahati mala toghoni teku, nu tahati neke tiroda fanomho ka mana neku. Naugna igne tahati gognaro na kabru tughudi unha teke edi tahati ka mana ra eghu.”

Fapea Kings 4:27

Nu kate mei naꞌa ka mae Elisa ka thogele na, naꞌa turupuku soru ne loku ka ghahegna mae Elisa na. Mae Gehasi filoni te eni naꞌa igne ne magnahaghei huju fadeleini naꞌa. Nu mae Elisa ne cheke eghu ka mae Gehasi, “Lisani naꞌa. Iara laseni, naꞌa au diꞌanagnafa fara. Nu Lord ne theome chekeni ka iara nogna diꞌanagnafa naꞌa na.”

Thoutonu Eigna Mae Job 10:1

“Iara hongo ghau ka nakarhagu na. Eghume iara ginauna cheke fajiflani gaoghathogu na. Iara ginauna cheke fajiflani puhi te thofno diꞌanagnafani iara na.

Thoutonu Eigna Mae Job 21:25

Eghuteuna keha naiknore kokhonidi nei diꞌanagnafa fara eghu eghuteuna theome au fakeli kolho ghilei thoke mei narane te lehe na.

Thoutonu Eigna Mae Job 7:11

“Gaoghathogu iara na fodu ka puhi biꞌo, eghume iara theome tangomana te au kmu na, iara mala cheke. Iara thofno diꞌanagnafagu fara, eghume iara na cheke fajiflani gaoghathogu na.

Thoutonu Eigna Mae Job 9:18

Mana ginauna theome snakre ghau iara mala ke phanga ghu iara, eghuteuna mana ginauna eni nakarhagu iara na mala diꞌa fara.

Nodi Khoje Hatimare Mae Jiu 25:14

Lord, iagho kheradi iheire te leghu nigho iagho re. Iagho farerheta u nhaꞌa cheke teke eni iagho ka mae ku'emi tifa ra.

Proveb 15:13

Tathagna nei foflogna teu mae te gleale'a na, ginauna famane maꞌe muhi fara. Nu mae te diꞌanagnafa na, ginauna diꞌa fara.

Proveb 18:14

Jame mana fogra, eghuteuna nheta gaoghathogna na teuna, mana ginauna uluni fogra igne. Nu jame te theome doglo mana gaoghathogna na, faꞌunha eghu ke keli fapulo si mana gnea?

Profet Esikiel 3:14

Aonu nogna nolaghi God igne pala ghau iara ne tei ka maloa, eghuteuna Lord ne habo ghau iara ka nogna nolaghi biꞌo na. Nu iara theome keli gaoghathogu ne diꞌatagu fara.

Jone 12:27

Mae Jisas ne cheke eghu, “Gognaro na iara thono diꞌanagnafagu fara eigna glepo nate mei ginauna. Na cheke faꞌunha eghu iara ka mae Mama? Iara na cheke eghu, ‘Mama, thosei snakre mei ke klignagu iara glepo te biꞌo igne na eghu’? Theo. Naugna igne ngala teke meini iara ka nauthoglu igne na mala ruma ke lamnagna glepo te ninhigrana igne.

Jone 14:18

Iara na theome tei koko ghami ghotilo, jateula goro sua te theo ihei nga te mala tajidi ra eghu. Naugna iara nake pulo mei mala au balumi ghotilo.

Jone 14:23

Mae Jisas ne cheke eghu ka mana, “Tutuani fara, mae ihei te namha ghau iara na, mana ginauna leghudi nogu farirhiu iara re. Mae Mama ginauna jaola namhani mana, eghuteuna ghepa mae Mama ginauna mei ka mana mala au fabrahu balugna mana.

Filipae 4:7

Eghuteuna God ginauna tusu ranghi ghami ghotilo pharikeli te biꞌo uludi noda glalase tahati re. U pharikeli igne ginauna au ka nagnafami nei gaoghathomi teu ghotilo re mala theome nanga nomi ghotilo, naugna ghotilo kaisei ngala balugna mae Jisas Kraes.

Ululahu Pita 1:8

Iara laseni, ghotilo theome filoni mana gognaro, nu ghotilo namhani mana, fatutuani ni mana nei gleale'ani mana. Tutuani, nomi gleale'a ghotilo na biꞌo fara, theome tangomana kaisei naikno te ruruthani gaoghathogna na.

Thakle 2:17

Ihei te magnahaghei te lase fakelini unha te chekeni iara na, mana fanomho fakeli ka unha te chekedi mae Tharunga te Blahi na ka khiloau igre. Iheire te leghuni fabrahu mae Kraes te ghilei lehe na, iara ginauna tusu ranghini mana u gano te kiloni ‘manna’ mala ghamu. Naiknore neke pophoru ‘manna’ igne tifa na. Eghuteuna iara ginauna jaola tusu ranghini kaisei thina vegha te rioriso kaisei nangha majaghani tagna. Nangha majaghani igne, theo kaisei naikno te laseni, nu mae ihei te hatini thina igne ngala te laseni u nangha igne na.”

Ululahu Samuel 1:15

Nu naꞌa ne cheke eghu, “Mae biꞌo, iara theome dranga. Iara theome ko'u waen ba beer. Iara diꞌa nagnafagu fara, eghume iara tarai ka Lord. Iara cheke fajifladi unha te fadiꞌa nagnafa ghau gne.