Proveb 14:1 - Buka Blahi Ka Cheke Holo

¹ Gaꞌase te autagna gaoghatho te keli na reireghi fakelini tharaknagna na. Nu puhigna gaꞌase te fameomekro na, goigoni ni tharakna thongana na.

Proveb 14:1 Iomraidhean Croise

Ululahu Kings 16:31

Ehab loku jateula Jeroboam eghu, nu mana diꞌa fara salaꞌuni mae King Jeroboam, naugna mana tolaghi ka Jesebel thugna mae Et-Baal, king gna Saedon, eghuteuna mana ne funu tarai ka god Baal.

Fapea Kings 11:1

Kate filoni Kuin Atalaea, idogna King Ahasaea gna Juda, te lehe thugna na, naꞌa ne funu aknu falehe tharakna gna king.

Proveb 19:13

Mae sitei te fameomekro na, mana goigonini kmagna na. Gaꞌase te faripholai ka khetogna na, naꞌa jateula nakhete ikoi te lulu soru lamna suga ia eghu.

Proveb 21:19

Te keli na iagho au fabrahu ke lamna namono nagou na, uluni te au iagho balugna khetomu te diꞌatagna nei fapholai teu fabrahu ana.

Proveb 21:9

Te keli na iagho tei au sopa fabrahu ke parigna gaju biꞌo te famane jemnu na, uluni te au iagho lamna suga balugna khetomu te fapholai fabrahu na.

Thoutonu Eigna Rut 4:11

Aonu hatimare mae funei nei keha mae biꞌo langau eghu au teku jare na ne kafe cheke eghu, “Uve, keli fara, ghehati gne mala cheke balumu iagho. God fablahini Rut ihei nate mei au ka sugamu iagho na mala jateula teke edi Resel ghe Lea tifara eghu, eigna repa neke au kmana thudi ka Jekop, tahati gne neke vikegna mana. Iagho mala kaisei mae funei te fnakno ka namonoda Betlehem ka nohi Efrata.