Proveb 13:7 - Buka Blahi Ka Cheke Holo

⁷ Keha naiknore ne dedei fara eghu cheke fahaehaghe fara, nu theome tutuani kolho eghu. Nu kehare chekeni ne kuma teuna, nu mare dedei fara eghu.

Proveb 13:7 Iomraidhean Croise

Proveb 11:24

Tufa glepo iagho te toghodi keha naiknore, iagho ginauna dedei. Nu te loku fapulo iagho unha mala tufa teku na, iagho ginauna kuma.

Proveb 12:9

Loku te mala au gano na, keli fara salaꞌuni mae te fnakno nu rofo teuna.

Proveb 13:11

Sileni te fiti hata te theome kmusa tagna, ginauna ghosei tei dofini. Nu sileni te hata mana ka nogna nakmusa thegna na, ginauna kotu biꞌo.

Proveb 13:8

Glahu keha mae huhuruni mae te dedei na mala folini nakarhagna thegna na. Nu mae te kuma na theome thokeni nafnata puhi biꞌo igne.

Luku 12:20

“Nu God ne cheke eghu ka mae tuana, ‘Iagho mae meomekro! Bongi na iagho na lehe. Keha mae ngau nate hata gobigna lepo teke tarabana iagho malamu themu teku igre!’

Luku 12:21

“Uve, na jateula igne eghu ihei te salo fodu dedei malagna thegna na ka nauthoglu igne, nu fei God na mana theo kaisei glepo kolho.”

Luku 12:33

Eghume ghotilo fofoli nomi glepore mala hata sileni mala tusu lao ka naikno te kumare. Ghotilo hata thofno gloi sileni te theome tangomana te thona nei breku teu igne. Ghotilo mala salo fodu nomi dedei gna kligna te theo ka gnafa gna, nu au fabrahu. Eghuteuna kligna na theo kaisei mae te mala blau te tangomana te tei thokeni ba theo kaisei khokorosi nate ghamu fadiꞌani na.

Ululahu Korin 4:8

Ba, ghotilo la hatahi glepo te magnahaghedire? Ba, ghotilo la mae dedeihi? Ba, ghotilo ulu ghami fara ghehati la king hi? Tutuani, iara magnahaghe ghami fara ghotilo mala king, ghehati jaola mala jateu king eghu balumi ghotilo! Kheraguro, iara cheke igre mala maꞌe kolho sigre.

Fapea Korin 4:7

Nu neuba ghehati ne hatini gloku te mala toutonu u Nonomho te Keli na, ghehati tharuma naikno kolho jateula dis te hohoro ka glose ia eghu kolho. Eghume naikno te gnafare kafe laseni u nolaghi biꞌo te mala laseni gloku igne neke mei funu ka God, theome neke mei funu ka ghehati.

Fapea Korin 6:10

Mare tangomana te fadiꞌa nagnafa ghami na, nu ghehati gleale'a fabrahu kolho. Ghehati kuma fara ka nauthoglu igne, nu ghehati toghodi kmana naikno mala dedei kligna. Ghehati theo kaisei nomi glepo ka nauthoglu igne, nu ghehati thofno khotodi glepo te gnafa te au kligna.

Jemes 2:5

Kheraguro, fanomho fakeli ghotilo ia. God neke vahidi naikno te kuma igre mala biꞌo nodi fatutuani na ka mana. Eghuteuna mana jaola neke vahidi naikno igre mala tusu ranghidi u thofno nakarha na. Eghuteuna, mana neke eni igne naugna mana neke kulu nhaꞌa chekehi te mala namhadi naikno te kuma igre.

Fapea Pita 2:19

Mare neke nhaꞌa cheke ka naiknore eigna nasnagla na. Nu mare thedi na theome snagla kolho eghu. Mare jateula te sneka eghu ka puhi nate roꞌedi teu mare. Naugna naikno na sneka ka puhi diꞌa te batuni mana na.

Thakle 2:9

Iara lase ghami ghotilo te au ka puhi biꞌo nei ghotilo kuma fara. Nu ghotilo jaola dedei fara, naugna God ne togho ghami ghotilo mala leghuni thegna! Eghuteuna iara jaola laseni nodi cheke naikno te cheke fadiꞌa ghami ghotilo re. Mare te chekeni na mare mae Jiu mala leghuni God fabrahu eghu, nu mare theome thofno mae Jiu tutuani eghu. Mare au ka tothoghei te kilo fnaknoni Satan.

Thakle 3:17

Uve, ghotilo ne cheke eghu, ‘Ghehati dedei fara, eghuteuna la auhi gobigna lepo te magnahaghedi ghehati re.’ Nu ghotilo theome lasedi kolho eghu! Tutuani, ghotilo nabami te au diꞌanagnafa na, naugna ghotilo ne kmo'e ka nogna thofno gobigna lepo God re. Ghotilo kuma fara ke ulugna God, naugna puhimi ghotilo re thono diꞌa fara. Ghotilo soesole, naugna ghotilo ne theome fatutuani ni God. Tathamire jaola ne dofu, naugna ghotilo ne theome raꞌe laseni mana.