Proveb 13:4 - Buka Blahi Ka Cheke Holo

⁴ Mae te loku heta na, mana na hata unha te magnahagheni mana na. Mae te thodo na, mana theome tangomana te hata unha te magnahagheni mana na.

Proveb 13:4 Iomraidhean Croise

Jenesis 26:32

Ka narane tuana nogna mae gloku mae Isak gre neke mei toutonu ka mana eigna u khoꞌu seu teke dokha mare na. Mare ne cheke eghu ka mana, “Ghehati filonihi khoꞌu na ka seu tuana.”

Nodi Khoje Hatimare Mae Jiu 92:14

Neuba mare ne kueku'ehi, mare ginauna heta fabrahu jateula gaju gna tifa te maku karha te ure teura eghu.

Proveb 10:4

Mae te thodo na, ginauna kuma. Mae te sasaꞌa na, ginauna dedei.

Proveb 11:25

Ihei te tufa kmana glepo te mala toghodi keha naiknore, mana ginauna dedei salaꞌui. Te toghodi iagho keha naiknore, mare ginauna na jaola togho nigho iagho.

Proveb 12:11

Mae ihei te loku heta ka nagare na, mana ginauna au ghegna kmana gano. Nu mae te theome gaoghatho fakeli na, mana ginauna na fiti loku heta ka thua nafnata gloku nate theome toghoni mana na.

Proveb 12:24

Mae ihei te loku heta na, mana ginauna kaisei mae mala baubatu. Nu mae ihei te thodo fara na, mana mala kaisei mae gloku kolho.

Proveb 12:27

Mae te nolo tafri kolho te theome loku na, mana ginauna na theo kaisei nogna glepo. Nu mae te loku na, mana ginauna au nogna kmana glepo.

Proveb 13:3

Mae te ghaoghatho te cheke nga na, mana ginauna na karha. Nu mae te theome ghaoghatho te cheke nga na, mana ginauna lehe.

Proveb 13:5

Mae te doglo na theome magnahaghei te edi thua nafnata cheke te chaichaghi re. Nu mae te lase chaichaghi na mana tangomana te famamaja ikno na.

Proveb 20:4

Naikno te thodo na theome loku ka nagare. Aonu kate hiro gano na, mana theome deni kaisei gano kolho.

Proveb 21:25

Naikno te thodo na magnahaghei glepo fara, nu naugna te thodo loku mana na, mana ginauna lehe.

Proveb 21:5

Mae te loku heta na, ginauna dedei, mae te loku nananga kolho na, mana ginauna kuma.

Proveb 24:30

Iara tei ne filoni nogna nagare mae te thodo na. Eghuteuna iara ne tei salaꞌu ka nogna nagare grep mae te theome ghaoghatho na.

Proveb 24:31

Phei nagare igre fodu ka phono nei thafru ka buburu fachuchuru. Eghuteuna bara thina teke falithui ka nagare igne ne chigra tonganahi.

Proveb 26:13

Naikno te thodo na cheke eghu, “Lion na au jare ka nabrou na! Lion na au jare ka nabrou na! Naꞌa magnahaghei te ghamu ghau iara!”

Proveb 28:25

Mae te khiri fara na mala vuhai faripholai. Nu mae te rouronu ka Lord na ginauna au ka nakarha te keli.

Proveb 6:6

Ghotilo naikno te thodo ra, ghotilo tei filo ka puhidi duki are mala lalase jateula mare eghu.

Proveb 8:34

Mae ihei te fanomho ka iara na, mana mei ka nogu suga iara na mala farirhiuni iara. Eghuteuna ihei te au balugu iara na, mana ginauna gleale'a.

Famane Khoje 5:3

Nu iara ne cheke eghu, “Iara la atha kokohi nogu pohe na eghuteuna iara tarabana mala thuru. Ba, na pipichi ghu iara? Eghuteuna iara la titihi hi ghahegu re. Ba, iara gne thonau signea?”

Profet Isaia 58:11

Iara ginauna baubatu ghami ghotilo fabrahu, eghuteuna tusu ari glepo te keli mala glealeꞌa ghotilo. Iara Lord ginauna reireghi ghami ghotilo mala rheta nei theome fogra eghu ghotilo. Ghotilo ginauna na jateula kaisei nagare te soru mei nakhete tagna, ba jateula kaisei glokha khoꞌu te theome krango ra eghu.

Naba 23:10

Naiknodi Israel gre thono kmana fara, theo kaisei tangomana te kahadire. Tutuani, vikegna mae Jekob na jateula gaughavu glose, theo kaisei tangomana te kahadire eghu. Kate thokeni iara narane leghu lahu na, keli fara jame nakarhagu iara na te jateula nakarhadi naikno te doglo ka tathagna God teuna. Uve, lisa ghau mala lehe ka pharikeli jateula naikno te doglo ra eghu.”

Jone 6:27

U gano gna nauthoglu igne ghosei boto nei diꞌa eghu. Thosei loku eigna u nafnata gano tuana. Nu loku eigna u gano te au fabrahu te tusu ranghi ghami ghotilo u karha fei tifa na. Iara mae teke mei funu ka God na ginauna tusu ari ka ghotilo u gano tuana. Naugna God Mama na la falalasehi te namha ghau iara na.”

Hibru 6:11

Ghehati magnahaghei ghami fara ghotilo hui te mala loku famaku ka nomi fatutuani na ghilei thoke mei narane leghu lahu na. Ka narane tuana ghotilo na athini unha teke ghatho branani ka nagnafami na. Thosei babaꞌo.

Josua 7:3

mare neke pulo mei ka mae Josua, ne cheke eghu ka mana, “Theome nabada tahati te kafe tei magra ka namono Ai. Mare theome kmana kolho. Te keli na iagho kurudi kolho phei ba thilo thogha soldia mala tei magra.”