Proveb 13:25 - Buka Blahi Ka Cheke Holo

²⁵ Mae te doglo na au ghegna kmana gano, nu mae te diꞌa na rofo fabrahu.

Proveb 13:25 Iomraidhean Croise

Nodi Khoje Hatimare Mae Jiu 103:5

Kate au teu iara ka nauthoglu igne Lord ne kokhoni gu iara ne tusu mei glepo te nabagu iara. Naugna igne, iara ne majaghani nogu, nei heta nogu eghu fabrahu jateula kaisei gaghata eghu.

Nodi Khoje Hatimare Mae Jiu 132:15

Iara ginau tusu lao glepo kmana te keli ka naikno te au ka namono Saion are. Iara ginauna na tusu lao kmana gano ka iheire te kuma te au ka vido tuana mala glealeꞌa mare.

Nodi Khoje Hatimare Mae Jiu 34:10

Ihei te ghatho ihoni Lord na, mana tangomana te kmoꞌe ka gano na, nu naikno te ghatho tahuni Lord na theome tangomana te kmoꞌe ka gano na.

Nodi Khoje Hatimare Mae Jiu 37:16

Glepo ikoi te au ka mae te keli na, thofno keli fara uludi glepo te khotodi mae te diꞌare.

Nodi Khoje Hatimare Mae Jiu 37:3

Fatutuani ka Lord sagho nei eni puhi te keli na eghu. Te eghu iagho na, iagho ginauna na au fakeli fabrahu ka nou vido glose na, eghuteuna ginauna theo kaisei glepo nate goigoni nigho iagho na.

Proveb 10:3

Lord na tufa gano ka mae te keli puhigna na, nu theome snakreni mae te diꞌa puhigna na mala atha unha te magnahagheni mana na.

Proveb 13:18

Mae te tirogna ni kaisei naikno te fadoglini na, mana ginauna kuma nei mamaja nogna eghu. Nu mae te fanomho ka naiknore te fadoglini na, naiknore ginauna ghatho tahuni mana.

Proveb 24:34

Te eghu na, mare ginauna kuma. Eghuteuna nodi glepo mare igre ginauna mei hata fahui mae te blau are.

Proveb 6:11

Jame te eghu ghotilo na, ghotilo ginauna kuma fara, jateula mae blau te mei hata fahui nomi gobigna lepo ghotilo ra eghu.

Luku 15:14

Kate koko fahui mana gobigna lepo teke khotodi thegna re, narane behu te kafe theome naba gano heva heva ka namono te kmana re ne thokei mei. Mae sitei na ne rofo ne magnahaghei sileni.

Diutronomi 28:48

ghotilo ginauna rofo, nei roi koꞌu, nei soesole nei kmoꞌe ka gobigna lepo fateote'o. Glepo igre ginauna thoke ghami ghotilo naugna ghotilo ginauna na loku ranghidi nomi naoka ghotilo teke kuru mei Lord ka ghotilo are. Mare ginauna thofno para ghami fara ghotilo ka gloku biꞌo te ninhigrana fara ghilei ghotilo te gnafa na kafe lehe hui.

Diutronomi 32:24

Ghotilo ginauna lehe ka grofo, nei ka fagrutu, nei ka kmana nafnata fogra te diꞌa. Iara ginauna kuru mei khuma mata mala ngolhi ghami ghotilo, eghuteuna mogo phanaga ginauna mei kathi ghami ghotilo.

Fapea Tesalonika 3:10

Kate au balumi ghotilo ia, ghehati neke cheke eghu ka ghotilo, “Jame ihei te tirogna loku na, ghotilo thosei faghamuni.”

Ululahu Timoti 4:8

Jame te keli na tahati fariuriudi thinida gre mala heta. Nu te fariuriu tahati nakarhada ka khiloau gne te mala heta na, tuana te thofno keli fara na. Naugna ginauna tangomana te togho ghita ka puhi te gnafa ka nakarhada gognaro nei ka nakarha nate mei nathuꞌu nauriha.

Hibru 13:5

Thosei magnahaghei sileni fara, nu gleꞌani ngala unha te au ka themi na. Naugna God neke cheke eghu hi, “Iara ginauna theome lisa koko nigho, iara ginauna theome snakre nigho mala fiti au kolho.”