Proveb 13:22 - Buka Blahi Ka Cheke Holo

²² Mae te keli na tufa glepo te keli ka gragnare. Nu nogna glepo mae diꞌa na, ginauna tei ka naikno te doglore.

Proveb 13:22 Iomraidhean Croise

Esra 9:12

Eghume ghotilo thosei snakredi thumi gaꞌase are mala tolaghi ka thudi nalhaꞌu mare are, eghuteuna ghotilo thosei hata thudi gaꞌase mare are mala tolaghi mei ka thumi ghotilo are. Ghotilo ginauna thosei toghodi naikno igre mala rheta nei au fakeli eghu mare. Jame te leghudi ghotilo nogu cheke iara igre na, ghotilo ginauna tangomana te au fakeli nei ghamu fakeli teu ka glose igne, eghuteuna ke leghu na vikemi ghotilo re ginauna au fakeli fabrahu ka glose igne.’

Nodi Khoje Hatimare Mae Jiu 102:28

Iagho ginauna reireghi fakelidi thumi ghehatire. Eghuteuna iheire teke karha mei ginau ka vike ke leghudi mare re, iagho ginauna na jaola reireghidi.

Nodi Khoje Hatimare Mae Jiu 112:2

Thugna mana re ginau au nodi kmana glepo ka kantri aheva teke tusu ranghidi Lord na. Eghuteuna Lord ginauna fablahidi iheire nate karha mei ka vikegna mana na iheire te leghuni mana re.

Nodi Khoje Hatimare Mae Jiu 128:6

Thofno keli fara jame te karha teu ghotilo te mala filodi gramire. Thofno keli fara jame tahati naiknoda Israel gre te au tada u nakarha te keli na.

Nodi Khoje Hatimare Mae Jiu 37:25

Funu suagu tela ghilei kueku'ehi gognaro gne iara theome filoni God te figri tagruni naikno te doglo na. Eghuteuna iara theome filodi thugna mana re te kmo'e ka gano te tore tafri ka keha naiknore.

Proveb 17:6

Kuꞌedi kavedire fahaehaghedi fara gradire, eghuteuna goro suare jaola kelitadi fara ka kmadi idodi.

Proveb 28:8

Keha naiknore dedei fara ka puhi te diꞌa kate foli mare intres biꞌo ka kaoni. Nu dedei igne ginauna tei ka khamegna mae ihei te keli ranghidi iheire te kuma.

Eklesiasti 2:26

Leuleghu narane na God tusu lao gaoghatho te keli nei glalase eghu ka iheire te leghuni manare, mala jaola glealeꞌa mare. Nu God tusu lao gaoghatho ka naikno te diꞌa re mala loku heta mala hata kmana glepo te keli nei dedei. Eghuteuna keha narane ke leghu, glepo igre tangomana te tei toghodi naikno te keli re. Puhi igne jaola theo nafugna ka gaoghathogu iara na. Eigna igne jateula mae ihei te ngolho leghu ka nuri na ia eghu kolho.