Proveb 13:2 - Buka Blahi Ka Cheke Holo

² Nogna cheke mae te keli na, glepo te keli na jifla mei. Nu nogna cheke mae te chaichaghi na magra biꞌo na jifla mei.

Proveb 13:2 Iomraidhean Croise

Nodi Khoje Hatimare Mae Jiu 140:11

Jame te keli na naikno te susurei chaichaghi eidi nodi vido glose keha naiknore igre nabadi na mala lus fabrahu ka kot. Jame te keli na glepo te diꞌa fateote'o gre kolho jame te thokedi mae te magra gre mala kokhoana mare.

Nodi Khoje Hatimare Mae Jiu 75:8

God ne diꞌatagna fara ka naikno te diꞌare. Eghuteuna diꞌatagna God ka naikno te diꞌa igre, jateula waen te thono nheta fara te fodu ka kapu te louloku teu mana ra eghu. Mana ginau totofa waen te nheta igne ka naikno te diꞌare mala koꞌu fahui mare.

Proveb 1:18

Nafnata naikno igre horo phighoro mala falehedi thedi kolho.

Proveb 1:31

Eghume, ghotilo ginauna hata taba te diꞌa eidi puhi te diꞌa te edi ghotilo ra.

Proveb 10:11

Cheke gna naikno te keli na, hata mei nakarha te keli. Nu cheke gna naikno te diꞌa na pophoru gaoghatho te diꞌa na mala goigonidi keha naiknore.

Proveb 11:23

Naikno te doglo na magnahagheni kolho unha te doglo na. Nu naikno te diꞌa na magnahagheni kolho unha te mala diꞌa tadi naiknore.

Proveb 12:14

Famane cheke te edi mana igre ginauna fakelini mana, eghuteuna te loku heta mana na ginauna toghoni mana mala au fakeli.

Proveb 18:20

Jame te keli chekemu iagho na, thiꞌamu iagho na ginauna gleale'a fara.

Proveb 18:21

Glapi na tangomana te falehe nigho ba fakarhi nigho. Nu jame te reireghi fakelini iagho glapimu na, iagho ginauna na theome lehe.

Proveb 4:17

Puhi te diꞌa nei puhi mamagra teu igre ngala jateula te ghedi gano nei khoꞌu teu mare na.

Profet Hosia 10:13

Nu ghotilo joꞌu fabrahu puhi te diꞌa na. Naugna igne sisi te diꞌa na ure ka nagnafami ghotilore. Eghuteuna ghotilo boho kolho ka nomi cheke themi te chaichaghire. Kate filodi te kmana nomi soldia re, ghotilo rouronu ka nomi nolaghi themi.

Profet Habaku 2:17

Ghotilo kato fahui gaju gna nohigna Lebanon. Eghume Lord ginauna na jateula tuana eghu na goigoni fahui ghami ghotilo. Ghotilo neke aknu falehe kmana buluka nei sipu neku ka vido tuana. Nu ghotilo ginauna mhaghu nomi fara kate mei te para ghami Lord na. Mana ginauna para ghami ghotilo, naugna kmana naikno neke lehe ka ghotilo, eghuteuna ghotilo neke goigonidi namono biꞌo te gnafa, nei naikno te gnafa teu te au ka namono igre.

Profet Habaku 2:8

Ghotilo neke aknu falehedi nei goigonidi neku naikno te au ke lamnadi namono biꞌo igre. Naugna igne, iheire te karha teu are ginauna ulu ghami ghotilo mala hata nomi glepo ghotilore.

Thakle 16:6

Mae teke falehedi nou mae profet ra nei nou naikno blahi ra, iagho gognaro ke figri khoꞌu ana nei glokha ana eghu ka dadara mala koꞌu mare. Tuana ngala puhi te doglo te mala ke foli fapulo iagho nabadi unha teke edi mare re.”