Proveb 13:19 - Buka Blahi Ka Cheke Holo

¹⁹ Thofno keli fara te hata unha teke ghathoni na. Nu mae te fameomekro na tirogna koko puhi te diꞌa na.

Proveb 13:19 Iomraidhean Croise

Ululahu Kings 1:48

Eghuteuna mana ne cheke eghu, ‘Lord, nodi God mae Israel, iara cheke fakeli nigho, naugna gognarogne, iagho snakre ghau iara te filoni kaisei mae thugu iara te kegra tughu ghau ka sapegna king.’ ”

Thoutonu Eigna Mae Job 28:28

Aonu God ne cheke eghu ka tahati, “Ghatho tahuni Lord, igne thofno gaoghatho te keli na. Te mala hatini glalase te keli na, ghotilo thosei eni puhi te diꞌa na.”

Nodi Khoje Hatimare Mae Jiu 34:14

Mana lilisei puhi te diꞌare nei leghudi kolho puhi te kelire eghu. Nei mana fariuriu au kolho ka pharikeli baludi keha naiknore eghu.

Nodi Khoje Hatimare Mae Jiu 37:27

Eghume iagho figri lao thagrumu na ka glepo te diꞌare mala eni kolho unha te keli na. Te eghu iagho na, thumu iagho re ginauna au fakeli nodi fabrahu ka vido glose teke nhaꞌa chekeni God ka ghotilo igne.

Proveb 13:12

Naikno na diꞌanagnafa gna fara kate theome hata unha teke rouronuni na. Nu jame te hata mana glepo igne na, mana ginauna gleale'a fara.

Proveb 13:18

Mae te tirogna ni kaisei naikno te fadoglini na, mana ginauna kuma nei mamaja nogna eghu. Nu mae te fanomho ka naiknore te fadoglini na, naiknore ginauna ghatho tahuni mana.

Proveb 13:20

Te fofodu balugna mae te autagna gaoghatho te keli na, iagho ginauna hata gaoghatho te keli. Nu te fofodu balugna mae te fameomekro na, iagho ginauna au papara.

Proveb 16:17

Nogna nabrou naikno te keli na theome namo ka puhi te diꞌa na. Mae ihei te filo fakeli ka nabrou na, mana tangomana te fakarhini nakarhagna na.

Proveb 16:6

Ghatho tahuni Lord, eghuteuna leghuni mana fabrahu, eghuteuna mana ginauna hata koko nakhibomu iagho re. Ghatho tahuni mana, eghuteuna iagho ginauna na theome tangomana te tei namo ka puhi te diꞌa na.

Proveb 29:10

Mae te aknu poru na theome magnahaghedi naikno te keli re, eghuteuna mana fariuriu mala falehedi naikno te doglo re.

Proveb 29:27

Naikno te doglore theome magnahaghedi naikno te diꞌare. Eghuteuna naikno te diꞌare theome magnahaghedi naikno te doglore.

Proveb 3:7

Thosei ghatho nigho themu ne lalase teuna, ghatho tahuni Lord eghuteuna figri tagrudi thuagna lepo te diꞌa fateote'o.

Famane Khoje 3:4

Nu theome raugha kate jifla kokoni iara mae greireghi igre, iara ne megeinga ne filoni kheragu na! Uve, iara loku famaku ne theome snakre teini, ne ghilei tathalei ne tei ka sugagna idogu na, ka nogna chogho ihei teke fakarhi ghau iara na.

Fapea Timoti 2:19

Nu neuba ngau, God na la liliseihi thina biꞌo na ke pari gringni ka khiloau gne, eghuteuna thina igre ginauna kegra maku fabrahu. Cheke teke risoni mare ka thina igre cheke eghu, “Lord God lasedi iheire te thofno nogna mana re”, nei keha cheke na jaola cheke eghu, “Ihei te chekeni, ‘Iara nogna Lord God’ teuna, thosei eni kaisei puhi te diꞌa.”