Proveb 13:17 - Buka Blahi Ka Cheke Holo

¹⁷ Jame mae funei na kuru teini kaisei mae te lase cheke diꞌa na, mana tangomana te eni puhi te biꞌo na. Nu mae te doglo koba nogna chekere, mana toghodi naiknore mala au ka pharikeli.

Proveb 13:17 Iomraidhean Croise

Proveb 10:26

Eghuteuna te kuru teini iagho kaisei mae mala tei loku nu thodo mana teuna, tuana jateula cheke te raha ka foflo naia eghu, ba jateula gagahu khaꞌaghi te sorho ka tatha naia eghu.

Proveb 13:18

Mae te tirogna ni kaisei naikno te fadoglini na, mana ginauna kuma nei mamaja nogna eghu. Nu mae te fanomho ka naiknore te fadoglini na, naiknore ginauna ghatho tahuni mana.

Proveb 25:13

Mae te mala atha cheke te keli na jateula khoꞌu jemnu malagna mae ihei te loku heta ka thobi kate brana naprai ia eghu. Igne te kelitagna nogna mae funei na.

Proveb 25:23

Khoburu na hata mei nakhete, buiburi na hata mei diꞌatada.

Proveb 26:6

Kate tusu lao iagho nou letas na ka khamegna mae te fameomekro na, iagho jateula te koꞌu khori, ba kusu koko gahemu na ra eghu.

Profet Jeremaea 23:28

Jame kaisei mae profet chaichaghi magnahaghei te toutonu eigna nogna mifi na, mana tangomana te eni igne gognarona. Nu mae ihei te nomhini thofno chekegu iara na, mana na famane cheke fadoglo jateula teke tusu lao iara ka mana na eghu. Nodi mifi mae igre nei chekegu iara na teuna theome nanaba, naugna khune wit nei ganogna teure jaola theome nanaba!

Profet Esikiel 3:18

Jame cheke eghu iara kaisei mae te diꞌa ginauna lehe, nu theome toghoni iagho mae igne te mala tuthughu puhigna mana te diꞌa na te mala fakarhini mana, mae igne ginauna lehe ka nakhibo. Nu iara ginauna para nigho iagho eigna glehegna mae igne.

Naba 31:8

Eghuteuna mare jaola ne falehedi glima nodi king maedi Midian re. Nanghadi mae king re igre: Mae king Evi, mae king Rekem, mae king Sua, mae king Hua, nei mae king Reba. Mare jaola ne faleheni mae Balam, thugna mae Beo na.

Ululahu Korin 4:2

Tutuani, mae gloku na mala eni gloku te keli ranghini nogna funei na.

Fapea Korin 2:17

Ghehati theome jateula kmana naikno te magnahaghei sileni kolho kate toutonuni chekegna God na ia eghu sia. Theo. God neke vahi ghami ghehati, eghuteuna ghehati chekeni koba ka nagnafa te tutuani ke ulugna mana. Ghehati toutonuni chekegna mana na naugna ghehati nogna mae gloku Kraes.

Fapea Korin 5:20

Eghume God neke kilo ghami ghehati mala toutonu eigna mae Kraes. Eghuteuna kate eni ghehati igne, jateula God thegna ngala teke ehadi naiknore mala mei ka mana. Uve, ghehati thofno tore ghami ghotilo ka nanghagna Kraes mala ke pulo mei ke au fakeli balugna God.

Ululahu Timoti 1:12

Iara cheke fakelini mae Jisas Kraes noda Lord eigna mana rouronu ghau iara mala loku ranghini. Mana neke tusu ranghi ghau iara nanheta malagna gloku blahi igne.

Fapea Timoti 2:2

Iagho ke toutonu ranghidi mae iheire te rouronudi iagho ra eigna u farirhiu te nomhidi iagho igre teke edi iara ka naikno te kmanare. Eghuteuna mae igre ginauna jaola tangomana te mala farirhiudi keha naiknore.