Proveb 13:14 - Buka Blahi Ka Cheke Holo

¹⁴ Nogna farirhiu mae te autagna gaoghatho te keli na tangomana te fakarhini naikno na kau glehe.

Proveb 13:14 Iomraidhean Croise

Nodi Khoje Hatimare Mae Jiu 116:3

Iara neke namo lehe kate thoke ghau hoholo te biꞌo na. Naugna igne iara thono mhaghu nogu fara nei nanga nogu fara eghu.

Nodi Khoje Hatimare Mae Jiu 18:5

U glehe na loku famaku ghau iara jateula phighoro eghu mala hata tei ghau iara kau gluma.

Proveb 10:11

Cheke gna naikno te keli na, hata mei nakarha te keli. Nu cheke gna naikno te diꞌa na pophoru gaoghatho te diꞌa na mala goigonidi keha naiknore.

Proveb 14:27

Puhi te ghatho tahuni Lord igne jateula khoꞌu te tusu lao karha ka naikno ra eghu.

Proveb 15:24

Mae te autagna gaoghatho te keli na, mana tangomana te tei ka nabrou te haghe kligna te mala athini u karha na. Eghume, mana theome tangomana te soru pari ka namonodi mae tela lehehi ra.

Proveb 16:17

Nogna nabrou naikno te keli na theome namo ka puhi te diꞌa na. Mae ihei te filo fakeli ka nabrou na, mana tangomana te fakarhini nakarhagna na.

Proveb 16:22

Gaoghatho te keli na jateula glokha khoꞌu te tusu lao karha ka iheire te koꞌu tagna ra eghu. Nu gaoghatho te fameomekro na, goigonidi naiknore.

Proveb 16:6

Ghatho tahuni Lord, eghuteuna leghuni mana fabrahu, eghuteuna mana ginauna hata koko nakhibomu iagho re. Ghatho tahuni mana, eghuteuna iagho ginauna na theome tangomana te tei namo ka puhi te diꞌa na.

Proveb 9:11

Gaoghatho te keli na ginauna togho nigho mala au raugha ka nauthoglu igne, eghuteuna iagho ginauna uludi kmana finogha.

Ululahu Samuel 25:33

Iara tegio ka God eigna nou gaoghatho te keli, nei eigna unha te eni iagho gognarogne. Mana theome fanogra ghau iara te mala tei te faleheni ihei na. Glahu ke tughu fapulo iara thegu glepo te diꞌa teke edi mae Nabal ka iara ra.