Proveb 13:13 - Buka Blahi Ka Cheke Holo

¹³ Mae te theome fanomho na, mana ginauna khale ka puhi. Mae te fanomho na, ginauna atha glepo te keli.

Proveb 13:13 Iomraidhean Croise

Fapea Kronikols 36:16

Nu mare maꞌedi mae profet igre, eghuteuna mare theome magnahaghedi nodi cheke mare re. Mare cheke faparidi mae profet igre, eghuteuna Lord ne ghilei diꞌatagna fara ka mare mala theo kaisei nabrou te mala fakarhidi mare na.

Esra 10:3

Eghume gognarona tahati na eni kaisei nhaꞌa cheke ka noda God mala kuru fapulodi gaꞌase bongihehe igre balu thudi mala ke pulo ka namonodi re. Uve, tahati ginauna edi unha te cheke ranghi ghami iagho nei mae iheire te ghatho tahudi nogna nhaꞌa cheke noda God igre. Eghuteuna tahati ginauna jaola leghudi unha te chekedi ka nogna Vetula God ra.

Nodi Khoje Hatimare Mae Jiu 115:13

Mana ginauna fablahidi ihei te ghatho tahuni mana, neubane mae ihei te au tagna nafnakno ba theo.

Nodi Khoje Hatimare Mae Jiu 119:165

Iheire te magnahaghedi fara nou famane farirhiu iagho re, mare au fakeli nodi, nei theo kaisei glepo te diꞌa te thoke mei ka mare na.

Nodi Khoje Hatimare Mae Jiu 19:11

Lord, nou farirhiu iagho gre tusu ranghi ghau iara gaoghatho te keli, eigna iara gne nou naikno gloku iagho. Iagho taba ghau iara, naugna iara ne leghudi nou cheke iagho na.

Nodi Khoje Hatimare Mae Jiu 19:12

Lord, theo kaisei naikno te filo glanidi nakhibogna thegnare. Hata fadeleidi nakhibo teke edi iara nu ihodi iara teugre.

Eksodas 9:20

Keha nogna mae funei mae king re mare nomhini nogna cheke Lord igne ne mhaghu nodi fara ne ghosei ne tei ne atha posa nodi mae gloku nei nodi gobigna lepo fateote'o teke oho teke au teku mata re.

Proveb 1:25

Ghotilo figri tagrudi nogu famane cheke iara igre, eghuteuna ghotilo thufu fara kate magnahaghei fadogli ghami iara na.

Proveb 13:12

Naikno na diꞌanagnafa gna fara kate theome hata unha teke rouronuni na. Nu jame te hata mana glepo igne na, mana ginauna gleale'a fara.

Proveb 13:21

Puhi biꞌo leghuni naikno te diꞌa na. Nu nakarha te keli na leghuni naikno te doglo na.

Proveb 16:20

Mae te fanomho fakeli na, nakarhagna na ginauna keli fara. Mae te rouronu ka Lord na, mana ginauna kelitagna fara.

Proveb 19:16

Mae te leghuni nogna vetula Lord na, ginauna au raugha. Nu mae te tirogna nangani nogna cheke mana na, ginauna lehe.

Profet Isaia 66:2

Iara thegu teke vuavuhadi maloa ghe nauthoglu igre baludi gobigna lepo te au ke lamnadi. “Nu iara keli tagu fara ka nafnata mae te nhaꞌa faparini thegna igne, ba mae te diꞌa nagnafadi nakhibognare, mana thofno ghatho tahu ghau iara, eghuteuna leghuni nogu cheke iara na.

Profet Jeremaea 43:2

mae Asaraea, thugna mae Hosaea ghe mae Johanan, thugna mae Karea baludi keha mae jateula thina teu te maku phaꞌudire igre, mare ne cheke eghu ka mana, “Iagho chaghi! Lord neke theome kuru mei nigho iagho mala toutonu ka ghehati cheke igre. Nu iagho fariuriu mala thosei tei au ghehati Ijep.

Profet Esikiel 20:13

“ ‘Neuba ngau, naiknodi Israel gre neke cheke fapari ghau iara ke lamna namono nagou. Eghuteuna neuba mare ne laseni eigna ihei te leghudi nogu vetula iara re mana ginauna au ka nakarha te keli teu igne, mare tirodi leghudi kolho nogu vetula, nei nogu farirhiu teu iara re, eghuteuna mare ghathoni narane Sabat gne jateula te fiti narane ra eghu kolho. Eghume te chekeni iara na, iara tarabanau kolho te mala goigonidi mare ke lamna namono nagou na, mala haimini mare te diꞌatagu iara ka mare na.

Profet Esikiel 20:16

Iara neke chekeni igne, naugna mare ne theome au glolodi kolho nogu vetula nei farirhiu teu iara re. Mare tirodi ghatho tahuni kolho narane Sabat mala gnafa mare teku iara igne, nu mare magnahaghei te tarai kolho ka nodi mumuju god thedire.

Profet Esikiel 20:24

Iara neke fatedi mare, naugna mare neke tirodi fanomho ka nogu cheke nei nogu vetula teu iara re. Eghuteuna narane Sabat mala gnafa mare teku iara igne, mare lausasabani kolho. Eghuteuna mare tarai kolho ka mumuju teke sari kuꞌedi tifa ra.

Profet Malakai 3:16

“Ke leghu na, naikno te ghatho tahuni Lord igre ginau cheke fari thedi, eghuteuna Lord ginauna fanomho ka unha te chekedi nogna naikno te ghatho tahuni Lord igre, nei mhaghu teu igre ginauna rioriso soru ka buka mala ghathodiu.

Naba 15:31

Naugna te theome leghudi mana nogna cheke nei nogna vetula teu Lord na, uve, mana nabagna te mala au papara na nei mana jaola mala jifla ka naiknodi Israel gre.’ ”

Matiu 5:12

Neuba, ghotilo gleꞌa nei keli tami eghu, naugna ginauna Kmada na taba fabiꞌo ghami ghotilo kligna. Naiknore ginauna para ghami ghotilo jateula teke edi hatimare mae Jiu ka nogna mae profet God tifa ra eghu.”

Luku 16:31

“Mae Ebraham ne cheke eghu ka mana, ‘Theo. Te theome fanomho la mare ka mae Moses nei ka hatimare mae profet teuna, mare na theome fanomho la ka mae iheire teke kegra fapulo ka glehe na.’ ”

Fapea Jone 1:8

Fiofilo ghami, thosei jateula mare eghu. Nu ghotilo mala hata fahui nomi taba teke kmusani themi na.