Proveb 13:12 - Buka Blahi Ka Cheke Holo

¹² Naikno na diꞌanagnafa gna fara kate theome hata unha teke rouronuni na. Nu jame te hata mana glepo igne na, mana ginauna gleale'a fara.

Proveb 13:12 Iomraidhean Croise

Jenesis 46:30

Aonu mae kmagna na ne cheke eghu ka mae Josep, “Thuguo, te lehe iara gognaro na. Keliu kolho, naugna iara la filo dihi tathamu nei foflomu teu iagho re, eghume iara gognaro na thofno laseni te karha teu iagho na.”

Nehemaea 2:2

Aonu mana ne ghusna eghu ka iara, “Nehemaea, naugna unha site theome glealeꞌa iagho gnea? Iara te filo nigho iagho na, iagho theome fogra. Eghume jame kaisei glepo te diꞌanagnafani iagho na.” Iara rhana nogu ka cheke mana igne ne mhaghu nogu,

Nodi Khoje Hatimare Mae Jiu 143:7

Lord God, cheke tughu mei sagho gognaro gne! Eigna iara gne la namo nigrahi. Thosei lisei koko ghau, na eghunu lehe iara eghu.

Nodi Khoje Hatimare Mae Jiu 17:15

Nu iara gne neke theome eni kaisei najafra, eghume iara gne ginauna na thofno ari filo nigho. Kate dofra haghe te filo nigho na, iara ginauna na thofno glealeꞌa fara.

Nodi Khoje Hatimare Mae Jiu 69:3

God, iara tore nigho koba mala togho ghau iara, la ghilei babaꞌo nogu fara, la ghilei khaprani thotomnogu gne. Iara filo ari ka iagho te mala togho ghau na, la ghilei kabru tathagure.

Proveb 11:30

Puhigna mae te keli na, fakakhana nakarha te keli na. Eghuteuna ihei te autagna gaoghatho te keli na, toghodi keha naiknore mala athini karha na.

Proveb 13:11

Sileni te fiti hata te theome kmusa tagna, ginauna ghosei tei dofini. Nu sileni te hata mana ka nogna nakmusa thegna na, ginauna kotu biꞌo.

Proveb 13:13

Mae te theome fanomho na, mana ginauna khale ka puhi. Mae te fanomho na, ginauna atha glepo te keli.

Proveb 13:19

Thofno keli fara te hata unha teke ghathoni na. Nu mae te fameomekro na tirogna koko puhi te diꞌa na.

Proveb 3:18

Gaoghatho te keli na jateula gaju karha eghu, eghuteuna ihei te loku maku ka gaoghatho te keli na ginauna gleale'a fara.

Famane Khoje 5:8

Goro gaꞌase di Jerusalem. Ghotilo mala nhaꞌa cheke: Jame te filoni ghotilo kheragu iara ia, ghotilo ginauna chekeni mana iara thofno leheni fara mana!

Jone 16:22

Na jateula tuana eghu ka ghotilo. Eghume gognarona ghotilo diꞌanagnafa. Eghuteuna kate filo ghau iara na ghotilo ginauna keli tami nei gleale'a eghu. Nafnata gleale'a te theome tangomana kaisei naikno nate atha fadelei ka ghotilo.

Thakle 2:7

Ihei te magnahaghei te lase fakelini unha te chekeni iara na, mana fanomho fakeli ka unha te chekedi mae Tharunga te Blahi na ka khiloau igre. Iheire te leghu ghau fabrahu te ghilei lehe na, iara ginauna snakredi mala ghamu sisigna gaju te tusu mei karha te kotu kau nagare te khuakhuda te au tagna God na.”

Thakle 22:2

te loloro soru farihotei nabrou biꞌo ka namono na. Gaju te tusu meini u karha ka iheire te ima sisigna na kotu ka phei gerigna khoꞌu na. Gaju igne ure leuleghu nhigra nabotho phei fata ure ke lamnagna kaisei finogha. Eghuteuna khaklagnare, naiknodi namono te gnafa ka nauthoglu gne tangomana te hata mala faghaotadi naikno te fogra re.