Proveb 12:7 - Buka Blahi Ka Cheke Holo

⁷ Mae te diꞌa te gnafare ginauna ari dofidi, na theo kaisei te au faleghu na. Nu mae te keli te gnafare ginauna au fabrahu, eghuteuna vikedi mare igre ginauna vuragha.

Proveb 12:7 Iomraidhean Croise

Fapea Samuel 7:16

Vikemu iagho gre ginauna na theome hui. Eghuteuna iara ginauna vavahi kaisei mae ka vikemu iagho gne mala king fabrahu tifa tifa. Eghuteuna nou sape nafnakno iagho na ginauna theo ka huigna.’ ”

Fapea Samuel 7:26

Eghuteuna naikno te gnafa igre ginauna cheke fakelini fabrahu nanghamu iagho na. Naiknore ginauna eha eghu fabiꞌo, ‘Lord mae ihei te au nolaghi fateote'o igne, mana nodi God mae Israel!’ Eghuteuna vikegu iara nou mae gloku gne ginauna kegra maku fabrahu Israel.

Nogna Buka Esta 9:14

King ne eni unha te toreni Kuin Esta igne ne fatei cheke ka namono biꞌo Susa. Aonu nogna mae gloku king igre ne fagefe haghe thinidi nabotho thugna mae Haman gre mala filo naiknore.

Thoutonu Eigna Mae Job 11:20

Nu tathadi naikno te diꞌa re ginauna dofu. Mare ginauna filo ligoho, nu mare na theome tangomana te rikhani puhi biꞌo na. Kaisei glepo kolho nate magnahagheni fara mare na, mare magnahaghei te lehe kolho.”

Thoutonu Eigna Mae Job 34:25

God lasedihi puhidi mae biꞌo igre, eghume, mana koko sorudi bongiro, eghuteuna goigonidi gnafa.

Nodi Khoje Hatimare Mae Jiu 37:10

Mae te diꞌare na theome raugha dofidi. Iagho ginauna na hirodi mare ka vido aheva teke au dire na, nu iagho ginauna na theome tangomana te filodire.

Proveb 10:25

Narane naꞌau papara ginau mei jateula khoburu eghu mala mei goigonidi naikno te diꞌare. Nu naikno te doglore ginauna kegra heta fabrahu.

Proveb 11:21

Tutuani fara, Lord ginauna parani naikno te diꞌa na. Nu hata fajiflani ihei te doglo na.

Proveb 12:8

Naiknore pala hagheni nanghagna mae ihei te autagna gaoghatho te keli na. Nu cheke faparini mae ihei te autagna gaoghatho te diꞌa na.

Proveb 14:1

Gaꞌase te autagna gaoghatho te keli na reireghi fakelini tharaknagna na. Nu puhigna gaꞌase te fameomekro na, goigoni ni tharakna thongana na.

Proveb 14:11

Nogna suga ihei te diꞌa puhigna na ginauna groꞌe theo tokagna. Nu nogna suga ihei te keli puhigna na ginauna kegra maku fabrahu.

Proveb 15:25

Lord ginauna roꞌeni nogna suga mae ihei te nheta nei te fafnaknoni nanghagna thegna na. Nu mana ginauna toghoni naikno biꞌo tela lehehi khetogna na.