Proveb 12:6 - Buka Blahi Ka Cheke Holo

⁶ Chekegna mae te diꞌa na, jateula mae te poru te tarabana mala aknu falehe naikno teura eghu. Nu chekegna mae te doglo na, fakarhidi mare.

Proveb 12:6 Iomraidhean Croise

Proveb 12:5

Mae te doglo na, ghathoni fabrahu te mala eni puhi te doglo na. Nu mae te diꞌa na ghathodi fabrahu thua nafnata puhi te mala chaghidi naiknore.

Proveb 14:3

Nogna cheke mae te fameomekro na jateula grojo eghu mala fada faleheni thegna ka tathadi naiknore. Nu nogna cheke mae te autagna gaoghatho te keli na toghoni thegna mala au fakeli.

Profet Isaia 59:7

Leuleghu fata na, ghotilo magnahaghei fara te ghosei te eni puhi te diꞌa na. Eghuteuna ghotilo diꞌatami faleheni ihei te theome eni kaisei puhi te diꞌa na. Gaoghathomi ghotilo igre thofno diꞌa fabrahu, eghuteuna puhi te mala goigonidi nakarhadi keha naiknore igne jateula nomi nabrou biꞌo eghu ghotilo.

Profet Jeremaea 5:26

“Keha mae ka ghotilo ofo naikno koba ka geri nabrou mala eni puhi te diꞌa na. Mae igre jateula mae ihei te ofo nanghaji te mala fakhale ka nogna fangna ra eghu theome keli puhidire.

Mae Khuru 23:12

Hamerane keha mae Jiure ne faidu poru ne hiro phoge mala faleheni mae Pol. Mare ne eni kaisei nhaꞌa cheke mala theome ghamu ba ko'uni eghu kaisei gano ghilei faleheni ghu mae Pol.

Mae Khuru 23:15

Eghume igne unha te magnahagheni ghehati te mala eni ghotilo na: Fatei kaisei nonomho ka mae funei biꞌodi mae armi ra mala hata meini mae Pol ka ghotilo. Cheke ka mana ghotilo magnahaghei te famane ghusnani mae Pol keha glepo eigna mana. Ghehati na ofou mala faleheni kate mei mana agne na.”

Mae Khuru 25:3

Mare ne cheke eghu ka mana, “Ghema, ghehati thono magnahaghe nigho iagho te kuru fapuloni mae Pol Jerusalem.” Mare ne cheke eghu, naugna mare ghaoghaho mala falehe poruni mae Pol kate mei mana ka nabrou na.