Proveb 12:24 - Buka Blahi Ka Cheke Holo

²⁴ Mae ihei te loku heta na, mana ginauna kaisei mae mala baubatu. Nu mae ihei te thodo fara na, mana mala kaisei mae gloku kolho.

Proveb 12:24 Iomraidhean Croise

Jenesis 49:15

Iagho ginauna na filoni kaisei vido te keli te mala aumu na, eghuteuna kate au teu iagho jare na, vikemu iagho re ginauna na keli tadi te mala loku jateula naikno sneka teu iagho ranghidi keha naiknore.

Ululahu Kings 11:28

Ka narane igre, mae Jeroboam gne kaisei famane mae majaghani, nei kaisei mae lase loku eghu. Eghuteuna kate filoni King Solomon igne, mana ne vahini mae Jeroboam mala nodi mae funei hatimare mae gloku ka vikedi mae Manase ghe mae Efrem.

Ululahu Kings 12:20

Kate nomhini maedi Israel igre te kela pulo meihi mae Jereboam na, mare ne kiloni mana mala mei ka kaisei nodi faidu goro mae biꞌo. Aonu mare ne vahini mana mala king gna Israel. Funu ka narane igne vikegna Juda kolho te leghuni thabuknagna mae Devet.

Proveb 10:4

Mae te thodo na, ginauna kuma. Mae te sasaꞌa na, ginauna dedei.

Proveb 12:27

Mae te nolo tafri kolho te theome loku na, mana ginauna na theo kaisei nogna glepo. Nu mae te loku na, mana ginauna au nogna kmana glepo.

Proveb 13:4

Mae te loku heta na, mana na hata unha te magnahagheni mana na. Mae te thodo na, mana theome tangomana te hata unha te magnahagheni mana na.

Proveb 17:2

Mae gloku te autagna gaoghatho keli na ginauna funei fruni ni thugna mae funei te diꞌa puhigna. Eghuteuna kate lehe mae funei igne na, mae gloku igne ginauna hata kasa nogna glepo mae funei na.

Proveb 19:15

Naikno te thodo te thuru fabrahu ka suga na ginauna theo gano.

Proveb 22:13

Mae te thodo na fiti au kolho lamna suga, cheke eghu, “Jame kaisei lion na au jare ka nabrou na. Glahu tei iara nu falehe ghau naꞌa eghu.”

Proveb 22:29

Mae te laseni fara nogna gloku na, mana na theome eni nogna gloku fiti mae na, nu mana ginauna na loku ranghini mae funei.

Jajis 1:28

Kate kmana te vuragha naiknodi Israel igre na, mare ne huhurudi naiknodi Kenan igre mala nodi naikno gloku. Nu neubane naiknodi Israel igre kmana, mare theome khi fajifladi naiknodi Kenan igre.