Proveb 12:21 - Buka Blahi Ka Cheke Holo

²¹ Puhi biꞌo theome tangomana te thokeni mae te doglo na. Nu nakarhagna mae te diꞌa na fodu ka puhi biꞌo.

Proveb 12:21 Iomraidhean Croise

Nodi Khoje Hatimare Mae Jiu 121:7

Lord ginauna reireghi ghita ka thua hoholo fateote'o. Uve, mana na reireghidi nakarhadare.

Nodi Khoje Hatimare Mae Jiu 91:10

Eghume, ginauna na theo kaisei glepo te diꞌa fara nate goigoni nigho iagho na, eghuteuna theo kaisei fogra te diꞌa fara nate mei namo ka sugamu iagho na.

Proveb 1:31

Eghume, ghotilo ginauna hata taba te diꞌa eidi puhi te diꞌa te edi ghotilo ra.

Proveb 1:33

Nu iheire te fanomho ka iara re, mare ginauna au fakeli nodi fabrahu. Uve, mare ginauna theome mhaghuni kaisei glepo.”

Proveb 11:21

Tutuani fara, Lord ginauna parani naikno te diꞌa na. Nu hata fajiflani ihei te doglo na.

Proveb 12:20

Chaichaghi na au ka thiꞌagna mae te eni gaoghatho te diꞌa na. Nu gleale'a na au ka thiꞌagna mae te toghodi naiknore mala au ka pharikeli.

Proveb 14:14

Mae te tei kokoni God na, ginauna fodu ka puhigna thegna te diꞌare. Nu mae te keli na ginauna au nogna kmana glepo te keli.

Proveb 19:23

Ghatho tahuni Lord, iagho ginauna karha. Eghuteuna iagho ginauna au fakeli fabrahu, eghuteuna theo kaisei glepo te diꞌa nate mei goigoni nigho na.

Eklesiasti 7:18

Te keli na iagho famane ghaoghatho fakeli eidi phei farirhiu igre. Jame te ghatho tahuni iagho God na, iagho ginauna thofno keli fara.

Eklesiasti 8:5

Ihei te leghuni nogna cheke king na, king ginauna na theome eni kaisei puhi te diꞌa ranghini mana, eghuteuna mae ihei te autagna gaoghatho te keli na laseni thofno narane te mala fadoglidi glepo igre.

Profet Habaku 2:16

Eghume, Lord ginauna na thono diꞌatagna fara ka ghotilo, eghuteuna ghotilo ginauna na jateula naikno te koꞌu te salaꞌui ra na eghu mamaja nomi salaꞌui. Naugna naikno te gnafa igre ginauna na kafe filodi thinimi ghotilo te soesolere. Eghuteuna naiknore ginauna na theome ghatho tahu ghami ghotilo. Mare na filo fapari ghami ghotilo jateula chara te koko naiknora eghu kolho.

Letas Teke Riso Tei Mae Pol Ka Khiloau Rom 8:28

Eghuteuna te laseni tahati na, ka gobigna lepo te posa ka tahati naikno te namhani God, God ginauna na edi fakeli gobigna lepo ka nakarhadare. Mana eni igne maladi naikno teke vahidi mana re, leghuni nogna gaoghatho thegna na.

Fapea Korin 4:17

Ghehati au papara katha vido te kmoꞌei kolho gognaro na, nu hoholo igne mala togho ghami mala hatani u nakarha te keli te theo ka huigna na ka God kligna! Nakarha igne ke uluni hoholo tuana.

Ululahu Pita 3:13

Mae ihei gne naba te fadiꞌa ghami ghotilo jame te magnahaghei eni fabrahu ghotilo glepo te keli na? Theo kaisei naikno.

Thakle 18:6

Ghotilo mala ke foli fapulo unha teke edi naꞌa ranghi ghami re, nu ghotilo mala foli fapulo phei fata ke tulaodi glepo te diꞌa teke edihi naꞌa ka ghotilo ra.