Proveb 12:15 - Buka Blahi Ka Cheke Holo

¹⁵ Mae te fameomekro na ne doglo neu kolho eghu ka gaoghathogna na. Nu mae ihei te autagna gaoghatho te keli na fanomho ka farirhiu.

Proveb 12:15 Iomraidhean Croise

Proveb 1:5

Buka igne ginauna toghoni mae ihei te lalase fara mala biꞌo salaꞌui mana nogna glalase na. Eghuteuna mana ginauna farirhiudi iheire te au tadi gaoghatho te keli mala leghuni mare nabrou te keli na.

Proveb 13:1

Sua te lalase na fanomho ka nodi cheke idogna kmagnare kate fadoglini na. Nu sua te maku jateula thina teu phaꞌugna na tirogna fanomho.

Proveb 13:10

Mae te fahaehaghe na, mae mala magra nei fapholai eghu. Nu mae te fanomho ka farirhiu na, mana mae glalase.

Proveb 14:12

Keha naiknore te ghathoni na, mare ne thofno leghuni nabrou te doglo na eghu. Nu theo eghu, nabrou te leghuni mare igne mala lehe.

Proveb 14:16

Mae te autagna gaoghatho te keli na, mana au fadelei ka puhi biꞌo. Nu naikno te fameomekro na, theome filo fakeli, eghuteuna ghosei thokeni puhi biꞌo.

Proveb 16:2

Jau iagho ne thofno doglo puhimu na ka tathagna God na eghu. Nu Lord ginauna laseni unha te au ka nagnafamu iagho na.

Proveb 16:25

Keha mae jau ghathoni nabrou te leghuni mare igne thofno keli kolho eghu. Nu theo eghu. Nabrou te leghuni mare igne mala tei ka glehe.

Proveb 19:20

Jame te snakredi iagho keha mae te mala farirhiu nigho nei hata gaoghatho te keli teuna, iagho ginauna hata gaoghatho te keli nei glalase eghu.

Proveb 21:2

Jau tahati ne doglo neu theda eghu ka gaoghathodare. Nu Lord lasedi unha te ghathodi tahati re.

Proveb 26:12

Jame kaisei mae chekeni ne lalase fara eghu, tahati ninhigrana ranghi ghita te toghoni mana te mala lasedi gobigna lepore. Nu jame kaisei mae fameomekro magnahaghei lalase, tahati tangomana te toghoni mana te mala lasedi gobigna lepore.

Proveb 26:16

Gaoghathogna mae te thodo na, nogna glalase na ne uludi fitu mae te cheke tughudi thua nafnata faghusna ra eghu.

Proveb 28:11

Mae te dedei na ne mae glalase eghu ka gaoghathogna na, nu mae te kuma te autagna gaoghatho te keli na laseni puhigna mae te dedei igne.

Proveb 3:7

Thosei ghatho nigho themu ne lalase teuna, ghatho tahuni Lord eghuteuna figri tagrudi thuagna lepo te diꞌa fateote'o.

Proveb 30:12

Keha maere ne doglo eghu ka gaoghathodire, nu mare theome thofno snagla ka nakhibo.

Proveb 9:9

Te farirhiuni iagho mae te autagna gaoghatho te keli na, gaoghathogna mana na ginauna thofno keli fara. Farirhiuni mae te doglo na, mana ginauna lalase salaꞌui.

Eklesiasti 4:13

Jame king na kuekuꞌe fara, nu theome fanomho ka famane cheke te keli na teuna, jau te keli na kaisei mae majaghani te kuma, eghuteuna au tagna gaoghatho te keli teuna mala tughuni king.

Luku 18:11

Mae Farasi au neu delei ne kegra haghe ne tarai eghu, ‘God iara cheke fakeli nigho fara, iara theome diꞌa jateula keha naikno igre eghu. Iara theome jateula mae ihei te blau, chaichaghidi keha naiknore ba tolaghi pedo. Eghuteuna iara cheke fakeli nigho fara langau naugna iara theome jateula mae te diꞌa te salo takis igne eghu.

Galesia 6:3

Jame kaisei mae ghaoghatho eghu ka nagnafagna na, “Iara gne kaisei mae biꞌo fara!” Nu mana chaghini thegna, naugna mana kaisei naikno kolho.