Proveb 12:14 - Buka Blahi Ka Cheke Holo

¹⁴ Famane cheke te edi mana igre ginauna fakelini mana, eghuteuna te loku heta mana na ginauna toghoni mana mala au fakeli.

Proveb 12:14 Iomraidhean Croise

Thoutonu Eigna Mae Job 34:11

Mana folidi naiknore leghuni gloku te eni mare na. Eghuteuna mana tufa ka mare unha te nabadi puhidi mare re.

Nodi Khoje Hatimare Mae Jiu 63:5

Lord, iara thofno glealeꞌa fara ka iagho, jateula mae te ghamu gano te keli te bohora eghu. Iara thofno keli tagu fara na pala hagheni nanghamu iagho na.

Proveb 1:31

Eghume, ghotilo ginauna hata taba te diꞌa eidi puhi te diꞌa te edi ghotilo ra.

Proveb 13:2

Nogna cheke mae te keli na, glepo te keli na jifla mei. Nu nogna cheke mae te chaichaghi na magra biꞌo na jifla mei.

Proveb 14:14

Mae te tei kokoni God na, ginauna fodu ka puhigna thegna te diꞌare. Nu mae te keli na ginauna au nogna kmana glepo te keli.

Proveb 15:23

Mae te tufa gaoghatho te keli ka keha mae na thofno keli fara. Eghuteuna famane cheke ka thofno naranegna na, thofno glepo keli fara.

Proveb 19:17

Kate namhani nei toghoni teu iagho naikno te kuma na, Lord ginauna taba nigho eidi unha teke edi iagho re.

Proveb 24:12

Iagho thosei cheke eghu, “Iara theome laseni glepo tuana!” God na laseni thiꞌamu iagho na. Naugna mana te reireghini nakarhagna naikno na. Mana ginauna foli fapulo ka naikno te gnafare leghuni unha teke eni mare na.

Proveb 5:22

Nakhibogna naikno te diꞌa na tangomana te haru famakuni mana na, jateula phighoro te haru famakudi nanghaji ra eghu.

Profet Jeremaea 17:10

“Iara Lord kolho te filoni glamnagna naikno na. Eghuteuna iara fariu riuni koba gaoghathogna naikno na, mala ke tughu fapulo ka naikno igne nabagna unha teke eni mana na.”

Profet Jeremaea 21:14

Iara thegu nate para ghami ghotilo eidi glepo diꞌa te edi fabrahu ghotilo igre. Iara ginauna nako nogna suga biꞌo mae king nei gobigna lepo te gnafa ke lamnagna namono biꞌo Jerusalem.’ ” Igne chekegna Lord.

Profet Hosia 4:9

Iara ginauna para ghami ghotilo naikno igre, eghuteuna ghotilo mae pris ra ginauna na jaola au papara eidi puhi te diꞌa te edi ghotilo are.

Matiu 16:27

Tutuani fara, iara mae teke mei funu ka God na ginauna nake pulo mei ka nauthoglu igne balu nogna nolaghi biꞌo mae Mama. Eghuteuna, nogna engel mae Mama re ginauna mei balugu iara. Ka narane tuana iara ginauna tabadi naiknore eidi unha gloku teke edi mare.

Hibru 11:26

Mana magnahaghei te au papara malagna Mesia mae ihei God nate kuru mei kau nauthoglu igne. Mana ghathoni naꞌau papara igne ke keli gnai te snori ka dedei fateo gna Ijep. Naugna mana filo faꞌulu kau taba nate tusu ranghini God nathuꞌu nauriha na.

Hibru 2:2

Naugna nogna farirhiu God teke cheke ka mae engel gre tutuani fara. Eghuteuna mae ihei teke theome leghuni ba huhughuni nogna vetula God na, God neke thono fateni mana eigna unha teke eni mana na.