Proveb 12:1 - Buka Blahi Ka Cheke Holo

¹ Iagho kaisei mae glalase te magnahaghedi keha mae te mala fadoglidi najaframu re. Nu mae ihei te theome magnahagheni kaisei mae te mala fadoglidi najafragna re, mae igne kaisei mae fameomekro.

Proveb 12:1 Iomraidhean Croise

Nodi Khoje Hatimare Mae Jiu 119:27

Togho ghau iara sagho mala lase fakelidi iara nou famane cheke iagho ra, aonu iara ginauna na gaoghatho heta ka nou farirhiu iagho ra eghu.

Nodi Khoje Hatimare Mae Jiu 141:5

Keli kolho ka iara jame te mei cheke ghau nei farirhiu ghau teu kaisei mae te keli puhigna na, te mala doglo iara nakarhagu na. Nu iara thono tirogu fara te leghuni kaisei mae te diꞌa puhigna na te mala nogna naikno mana na, naugna leuleghu fata na iara toreni Lord koba mala paradi mana naikno te diꞌa puhidire tuare.

Nodi Khoje Hatimare Mae Jiu 32:9

Iagho thosei jateula hose ghe dongki eghu, eigna phei glepo igre theo kaisei glalase tadi. Eghume tahati mala lilisei phukri ka foflodire mala bligi te sagheleghudire. Te theome eghu tahati na, repa na theome leghuni unha te magnahaghei tahati na.”

Nodi Khoje Hatimare Mae Jiu 50:17

Ghotilo tiromi fara te mala farirhiu ghami iara na, eghuteuna leuleghu fata na ghotilo tiromidi chekegu iara re.

Nodi Khoje Hatimare Mae Jiu 92:6

Lord God, iheire te theome lalase nei iheire te edi glepo te fameomekro teu igre ginauna theome tangomana te lasedire glepo igre.

Proveb 10:8

Naikno te autagna gaoghatho te keli na fanomho ka cheke na. Nu naikno te cheke fameomekro na, ginauna goigoni nakarha gna na.

Proveb 11:31

Tahati laseni, naikno te keli na hata nogna taba te keli nabagna puhigna mana na. Naikno te diꞌa na ginauna na jaola hata nogna taba nabagna puhi te diꞌa na.

Proveb 12:2

Lord na kelitagna fara te toghoni mae te leghuni puhi te doglo na. Nu parani mae te ghaoghatho te mala eni puhi te diꞌa na ka keha naiknore.

Proveb 15:10

Mae te theome leghuni puhi te doglo na, mare ginauna parani mana. Mae te theome magnahagheni kaisei naikno te fadoglini puhigna te diꞌa na, mana ginauna lehe.

Proveb 18:1

Mae te ghamu nhoto na ghathoni thegna kolho, eghuteuna mana tirognani gaoghatho te keli na.

Proveb 30:2

Mana ne cheke eghu: “Iara theome jateula keha naikno are eghu, naugna iara theo kaisei glalase te keli ka phaꞌugu na.

Proveb 8:17

Namha ghau iara, iara ginauna namha nigho iagho. Hiro ghau iara, iagho ginauna dei ghau iara.

Proveb 8:32

“Goro sua, fanomho mei ka iara. Jame te leghudi ghotilo nogu cheke iara igre na, ghotilo ginauna na kelitami fara.

Proveb 8:36

Nu mae ihei te theome dei ghau iara na, mana goigoni ni kolho thegna, eghuteuna ihei te tirogna ghau iara na, mana magnahaghei fara te lehe na. Eghume igne ngala gaoghatho te keli nei doglo teuna.”

Profet Isaia 1:3

Buluka na laseni mae khotogna na, eghuteuna dongki na laseni mae teke reireghini te faghamuni na. Nu nogu naikno iara Israel igre theome lase ghau iara. Uve, nogu naikno iara igre theome laseni kaisei glepo te keli.”

Levitikas 13:10

mala filo mana tagna. Jame thubugna mana igne vegha nu mare tangomana te filoni nafnahi eghuteuna keha khakla re vegha tongana kate au thubu igne teuna,

Fapea Tesalonika 2:10

Mana ginauna edi kmana nafnata muamugna te diꞌa mala chaghidi iheire mala lehe theome hatani u thofno nakarha na. Mare ginauna lehe naugna mare ne tirodi namhani nei leghuni cheke te tutuani eigna Lord, mae ihei te tangomana te fakarhidi.