Proveb 11:7 - Buka Blahi Ka Cheke Holo

⁷ Kate lehe naikno te diꞌa na, nogna grouronu mana na, lehe balugna mana. Eghuteuna nogna nakmusa teke edi mana re theo nafudi.

Proveb 11:7 Iomraidhean Croise

Thoutonu Eigna Mae Job 11:20

Nu tathadi naikno te diꞌa re ginauna dofu. Mare ginauna filo ligoho, nu mare na theome tangomana te rikhani puhi biꞌo na. Kaisei glepo kolho nate magnahagheni fara mare na, mare magnahaghei te lehe kolho.”

Nodi Khoje Hatimare Mae Jiu 112:10

Kate filoni naikno te diꞌare puhigna mae te doglo igne na, mare na thono diꞌa tadi fara. Mare na theome magnahagheni mae igne, nu mare theo nafudi kolho eghu. Uve, unha te magnahagheni naikno te diꞌare, theome tangomana kegra haghe ba te loku fakeli na.

Nodi Khoje Hatimare Mae Jiu 146:4

Kate lehe na, mare ginauna vuhai glose kolho, eghuteuna unha teke ghathoni mare na ginauna ari theo nafugna kolho.

Proveb 10:28

Naikno te doglo na ofoniu Lord mala tusu ranghini narane te keli na, mana ginauna filoni nei na gleale'a fara. Nu naikno te diꞌa na ginau fiti ofo kolho na theome filoni narane te keli na.

Proveb 10:29

Puhigna Lord na, bara fakelini naikno te doglo na. Nu mana ginauna goigonidi naikno te diꞌare.

Proveb 11:8

Naikno te doglo na karha ka hoholo. Nu hoholo na thokeni naikno te diꞌa na.

Proveb 14:32

Mae te diꞌa puhigna na ginauna au papara kate thoke mei puhi biꞌo na. Nu neubane lehe mae te doglo na, mana au nogna vido mala poru ka God.

Profet Esikiel 28:9

Jame te kegra iagho ke uludi mae iheire nate falehe nighore, iagho ginauna tangomana nate chekeni te iagho kaisei god na? Ghema, iagho naikno kolho, iagho theome kaisei god.