Proveb 11:5 - Buka Blahi Ka Cheke Holo

⁵ Puhigna mae te keli na thofno doglo fabrahu. Nu puhigna naikno te diꞌa na tangomana te goigonini thegna na.

Proveb 11:5 Iomraidhean Croise

Fapea Samuel 17:23

Kate laseni mae Ahitofel te theome leghuni mare nogna cheke na, mana saghe ka nogna dongki na neke pulo ka nogna namono na. Kate fadoglidi te gnafa tharakna gna nei nogna bisnis teure, mana froro ne lehe. Tharakna gna mana re hata thinigna mana na ne giugilui ka nodi beku thedi na.

Thoutonu Eigna Mae Job 18:7

Ulu lahu na mana na nonolo faheta, nu thogheiro na, mana na glaꞌe. Nogna farirhiu thegna igne kolho te koko soruni mana pari na.

Proveb 1:18

Nafnata naikno igre horo phighoro mala falehedi thedi kolho.

Proveb 11:3

Naikno te doglo na leghuni kolho puhi te doglo na. Nu naikno te chaichaghi na goigonini thegna ka puhi te chaichaghi na.

Proveb 12:3

Jame mae te eni puhi te diꞌa na, igne theome mala toghoni mana mala au fakeli nei kegra heta eghu. Nu mae te doglo na kegra heta fabrahu.

Proveb 13:6

Puhi te keli na barani naikno te doglo na. Nu puhi te diꞌa na faleheni naikno te tapla jafra ka nakhibo na.

Proveb 14:32

Mae te diꞌa puhigna na ginauna au papara kate thoke mei puhi biꞌo na. Nu neubane lehe mae te doglo na, mana au nogna vido mala poru ka God.

Proveb 15:19

Nakarhagna mae te thodo na jateula mae te tei ka nabrou te soro ra eghu. Nu nakarhagna mae te doglo na jateula mae te tei ka nabrou biꞌo ra eghu.

Proveb 21:29

Mae te diꞌa na fiti cheke kolho. Mae te doglo na ghaoghatho eigna unha nate eni na.

Proveb 28:18

Ihei te leghuni puhi te doglo na, ginauna au fakeli. Nu ihei te leghuni puhi te diꞌa na, mana ginauna au papara.

Proveb 3:6

Ghathoni Lord ka gobigna lepo fateote'o, eghuteuna mana ginauna fadoglini nou nabrou iagho na.

Proveb 5:22

Nakhibogna naikno te diꞌa na tangomana te haru famakuni mana na, jateula phighoro te haru famakudi nanghaji ra eghu.

Profet Isaia 26:7

Lord, iagho thofno doglo fara. Eghuteuna leuleghu fata na iagho fadoglidi fabrahu puhidi nou naiknore, eghuteuna iagho jaola ei fabligi fabrahu nakarhadi nou naiknore.

Profet Hosia 5:5

God na la fate ghamihi ghotilo eigna puhi te fahaehaghe fara ghotilo igne. Ghotilo maemi Juda igre la jateula mare lau la theome nheta, naugna nakhibo te eni ghotilo igne faglaꞌe ghami ghotilo.

Jajis 20:41

Aonu mae iheire teke rikha chaghi igre figri leghu neke magra. Aonu armigna Benjamin igne ne mhaghu nodi fara eghuteuna mare theome laseni unha nate eni na, naugna mare filo glani te naiknore ginauna kafe lehe.