Proveb 11:31 - Buka Blahi Ka Cheke Holo

³¹ Tahati laseni, naikno te keli na hata nogna taba te keli nabagna puhigna mana na. Naikno te diꞌa na ginauna na jaola hata nogna taba nabagna puhi te diꞌa na.

Proveb 11:31 Iomraidhean Croise

Fapea Samuel 22:21

“Lord na togho ghau iara fabrahu, naugna iara ne leghuni puhi te doglo na. Mana fablahi ghau iara koba, naugna iara ne theome eni kaisei glepo te diꞌa.

Fapea Samuel 22:25

Lord tusu mei glepo keli ka iara, naugna iara ne leghuni puhi te doglo na. Eghuteuna iara theome magnahaghei te eni kaisei nakhibo.

Ululahu Kings 13:24

Kate tei mana na, kaisei lion mei ne thafoni mana ka nabrou na ne faleheni mana, eghuteuna thinigna mana na ne khoko soru ka nabrou na. Eghuteuna lion balugna dongki na kegra neu rhegna thinigna mana na.

Proveb 12:1

Iagho kaisei mae glalase te magnahaghedi keha mae te mala fadoglidi najaframu re. Nu mae ihei te theome magnahagheni kaisei mae te mala fadoglidi najafragna re, mae igne kaisei mae fameomekro.

Proveb 13:21

Puhi biꞌo leghuni naikno te diꞌa na. Nu nakarha te keli na leghuni naikno te doglo na.

Proveb 26:10

Mae te tusu lao gloku ka mae te fameomekro, ba ka mae te nolo tafri kolho na, jateula te hata jata te fada tafri ra eghu kolho.

Profet Isaia 13:11

Lord ne cheke eghu, “Iara ginauna parani nauthoglu igne naugna la thono diꞌa fara gognarona. Eghuteuna iara ginauna paradi naikno te diꞌa igre naugna mare ne tapla jafra fabrahu ka nakhibo. Iara ginauna nhaꞌa faparidi naikno te fahaehaghe are, eghuteuna iara ginauna goigoni fahui nodi puhi fahaehaghe mare te fakokhoanadi keha naiknore.

Profet Isaia 3:11

Nu kokhonidi fara iheire te leghuni puhi te diꞌa na! Lord ginauna tughu fapulo ka mare glepo te diꞌa fateote'o teke edi mare ra.

Profet Jeremaea 25:29

Filo si ghotilo! Iara ginauna goigonidi naikno te au ka nauthoglu igne. Eghuteuna iara ginauna fufunu glepo igne Jerusalem, ka nogu namono thegu igne. Ba, na theome para ghami iara neu si ghotilo ia? Theo. Iara Lord mae ihei te au nolaghi fateote'o igne ginauna kuru meidi mae naokare mala magra ka vike te gnafa ka nauthoglu igne.

Profet Esikiel 44:10

Lord God ne cheke eghu ka iara, “Vikegna Livae te tei koko ghau iara te tei loku fodu ka keha vikedi Israel te tarai ka mumuju igre, iara ginauna thofno paradi fara eidi glepo te diꞌa te edi mare are.

Profet Hosia 4:9

Iara ginauna para ghami ghotilo naikno igre, eghuteuna ghotilo mae pris ra ginauna na jaola au papara eidi puhi te diꞌa te edi ghotilo are.