Proveb 11:3 - Buka Blahi Ka Cheke Holo

³ Naikno te doglo na leghuni kolho puhi te doglo na. Nu naikno te chaichaghi na goigonini thegna ka puhi te chaichaghi na.

Proveb 11:3 Iomraidhean Croise

Nodi Khoje Hatimare Mae Jiu 25:21

Lord, naugna te mae keli nei doglo teu iara gne, iara tore nigho mala reireghi fakeli ghau iara.

Nodi Khoje Hatimare Mae Jiu 26:1

Lord, kilo ghau iara kaisei mae te doglo ka tathamu na sagho, naugna iara ne eni koba puhi te magnahaghedi iagho re nei iara fatutuani nigho koba neu.

Proveb 11:5

Puhigna mae te keli na thofno doglo fabrahu. Nu puhigna naikno te diꞌa na tangomana te goigonini thegna na.

Proveb 13:6

Puhi te keli na barani naikno te doglo na. Nu puhi te diꞌa na faleheni naikno te tapla jafra ka nakhibo na.

Proveb 19:3

Puhigna mae te fameomekro na goigonini nakarhagna thegna na. Eghume naugna unha si mana te diꞌatagna ka Lord gnea?

Proveb 2:22

Nu God ginauna khidi nei koko fajifladi eghu naikno te diꞌa nei mae te diꞌa fateote'o ka namonodi re.

Proveb 21:7

Puhi mamagra te leghuni mae te diꞌa na, ginauna goigoni ni mana, naugna mana ne tirogna eni kaisei puhi te doglo.

Proveb 22:12

Lord na batu fakelini cheke te tutuani na, nu nhaꞌa soru pari cheke te chaichaghi na.

Proveb 28:18

Ihei te leghuni puhi te doglo na, ginauna au fakeli. Nu ihei te leghuni puhi te diꞌa na, mana ginauna au papara.

Eklesiasti 7:17

Eghuteuna iagho mala jaola thosei loku famaku ka puhi te leghudi thua nafnata puhi te diꞌa nei puhi fameomekro teu are. Naugna unha sagho te magnahaghei ghosei te lehe gnea?

Profet Isaia 1:28

Nu Lord ginauna falehedi iheire te tapla jafra ka nakhibo nei iheire te figri tagruni Mana.

Naba 31:8

Eghuteuna mare jaola ne falehedi glima nodi king maedi Midian re. Nanghadi mae king re igre: Mae king Evi, mae king Rekem, mae king Sua, mae king Hua, nei mae king Reba. Mare jaola ne faleheni mae Balam, thugna mae Beo na.

Jone 7:17

Mae ihei te magnahaghei leghuni unha glepo te magnahaghedi God re, mae tuana ginauna lasedi unha te chekedi iara igre neke mei funudi ka God teuna. Mana ginauna laseni u farirhiu igre theome nogu iara thegu.