Proveb 11:23 - Buka Blahi Ka Cheke Holo

²³ Naikno te doglo na magnahagheni kolho unha te doglo na. Nu naikno te diꞌa na magnahagheni kolho unha te mala diꞌa tadi naiknore.

Proveb 11:23 Iomraidhean Croise

Nodi Khoje Hatimare Mae Jiu 10:17

God, iagho ginauna na fanomho ka nou naikno tela goigonidi mare igre, iagho ginauna fameomegodi mala ke keli nagnafa fapulo mare.

Nodi Khoje Hatimare Mae Jiu 119:10

Ka nagnafagu fateote'o na, iara magnahagheni te mala leghu nigho na, togho ghau iara sagho mala leghudi iara nou cheke iagho re.

Nodi Khoje Hatimare Mae Jiu 119:5

Iara magnahaghei te au heta te mala leghudi nou vetula iagho re.

Nodi Khoje Hatimare Mae Jiu 27:4

Iara la torenihi kaisei glepo ka Lord, kaisei glepo kolho te magnahagheini fara iara na. Iara magnahaghei te au fabrahu ka sugagna Lord na mala filoni nei ghaoghathoni eghu puhigna Lord te thofno keli fara na. Eghuteuna iara magnahaghei te toreni mana mala falalaseni tagu u nabrou te keli na.

Nodi Khoje Hatimare Mae Jiu 37:4

Gleale'a sagho ka Lord, eghuteuna mana ginauna na tusu ranghi nigho unha teke thono mamagnani iagho ka nagnafamu na.

Proveb 10:28

Naikno te doglo na ofoniu Lord mala tusu ranghini narane te keli na, mana ginauna filoni nei na gleale'a fara. Nu naikno te diꞌa na ginau fiti ofo kolho na theome filoni narane te keli na.

Proveb 11:24

Tufa glepo iagho te toghodi keha naiknore, iagho ginauna dedei. Nu te loku fapulo iagho unha mala tufa teku na, iagho ginauna kuma.

Proveb 11:7

Kate lehe naikno te diꞌa na, nogna grouronu mana na, lehe balugna mana. Eghuteuna nogna nakmusa teke edi mana re theo nafudi.

Proveb 12:5

Mae te doglo na, ghathoni fabrahu te mala eni puhi te doglo na. Nu mae te diꞌa na ghathodi fabrahu thua nafnata puhi te mala chaghidi naiknore.

Proveb 13:2

Nogna cheke mae te keli na, glepo te keli na jifla mei. Nu nogna cheke mae te chaichaghi na magra biꞌo na jifla mei.

Profet Isaia 26:9

Leuleghu bongi na, iara magnahaghei nigho fara, eghuteuna hamerane na, tharungagu iara na magnahaghei te au balumu iagho. Kate fateni iagho naiknogna nauthoglu igne, mare ginauna laseni puhimu iagho te doglo na.

Profet Jeremaea 17:16

Nu neuba, iara theome babaꞌo te reireghidi nou naikno iagho igre, eghuteuna iara theome magnahagheni kaisei puhi biꞌo te thokedi mare na. Cheke te gnafa te chekedi iara igre iagho kafe lasedi gnafa.

Matiu 5:6

Keli tadi iheire te magnahagheni fara te eni unha te keli te magnahagheni God. Naugna God ginauna toghodi mare te mala eni igne.

Hibru 10:27

U naikno tuana ginauna ofo balu mhaghu, naugna mana laseni God ginauna fateni mana. Naikno te tirodi fanomho ka chekegna God na ginauna na gnubra ka khaꞌaghi.