Proveb 11:19 - Buka Blahi Ka Cheke Holo

¹⁹ Ihei te heta ghegna te leghuni puhi te doglo na, ginauna karha. Nu ihei te heta ghegna te leghuni puhi te diꞌa na, ginauna lehe.

Proveb 11:19 Iomraidhean Croise

Fapea Kings 1:16

Mae Elija tei ne cheke eghu ka king, “Lord ne cheke eghu, ‘Ne theohila kaisei God te au agne Israel na neu sagho te kurudi keha mae te tei toreni Baal-Sebub nodi god naiknodi Ekron grea? Naugna te eni iagho igne, iagho ginauna na thuru au ka nou sape na lehe tutuani.’ ”

Fapea Kings 1:4

Naugna igne, Lord ne cheke eghu ka king, ‘Naugna te eni iagho igne, iagho ginauna na theome tangomana te jifla kokoni nou sape na, eghuteuna iagho ginauna lehe tutuani.’ ” Eghuteuna mae Elija tei ne eni unha teke chekeni Lord na.

Proveb 10:16

Mae te doglo na hata nakarha te keli jateula nogna taba eghu mana. Nu mae te diꞌa na ginau eni fabrahu puhi te diꞌare ka nakarhagna na.

Proveb 11:4

Kate fateni Lord naikno na, sileni na theo nafugna na theome toghoni mana. Nu puhi te doglo na tangomana te fakarhini naikno na.

Proveb 12:28

Puhi te doglo na, nabrou mala karha. Te leghuni nabrou te keli igne na mala karha fabrahu.

Proveb 19:23

Ghatho tahuni Lord, iagho ginauna karha. Eghuteuna iagho ginauna au fakeli fabrahu, eghuteuna theo kaisei glepo te diꞌa nate mei goigoni nigho na.

Proveb 21:16

Mae te snivi ka nabrou te mala hata gaoghatho te keli na, ginauna tei au baludi naikno teke lehe tifa ra.

Proveb 21:21

Mae te leghuni puhi namha na nei puhi fofodu na teuna, mana ginauna hatini nakarha te keli na nei nafnakno biꞌo na eghu.

Proveb 8:36

Nu mae ihei te theome dei ghau iara na, mana goigoni ni kolho thegna, eghuteuna ihei te tirogna ghau iara na, mana magnahaghei fara te lehe na. Eghume igne ngala gaoghatho te keli nei doglo teuna.”

Mae Khuru 10:35

Nu God keli tagna fara ngala ka vike ba ka kokholo te ghatho tahuni ba te eni unha te doglo na. Tuana ngala te magnahagheni mana na.

Letas Teke Riso Tei Mae Pol Ka Khiloau Rom 6:23

Tutuani ihei te tapla jafra ka nakhibo na, tabagna na u glehe ngala, u glehe te theo ka huigna na. Nu God neke tusu ranghi ghita u karha fei tifa na naugna ka glehegna Kraes noda Lord.

Diutronomi 16:20

Leuleghu fata na ghotilo mala eni puhi te doglo na ka naiknore. Jame te eghu ghotilo na, ghotilo ginauna tangomana te khotogna glose teke tusu ari Lord ka ghotilo ana, eghuteuna ghotilo ginauna au raugha tagna.

Jemes 1:15

Eghuteuna gaoghatho te diꞌa na, kotu haghe ka nakhibo. Kate biꞌo haghegna nakhibo na jateula sisi eghu. Eghuteuna sisigna nakhibo na, u glehe ngala.

Ululahu Jone 3:10

Eghume tahati lasedihi iheire te thugna God nei iheire te thugna mae Satan. Iheire te theome eni unha te doglo na theome thugna God. Eghuteuna ihei te theome namhani kheragna fofodu na mana theome thugna God.

Ululahu Jone 3:7

Uve thuguro, thosei snakreni kaisei naikno mala batu ghami ka puhi te diꞌa! Ihei te eni unha te doglo na mana doglo fara, jateula mae Kraes te doglo fara.