Proveb 11:18 - Buka Blahi Ka Cheke Holo

¹⁸ Jame te eni iagho unha te diꞌa na, iagho ginauna hata taba te diꞌa. Nu te eni iagho unha te doglo na, naiknore ginauna tusu ranghi nigho glepo te keli.

Proveb 11:18 Iomraidhean Croise

Eksodas 1:20

Naugna repa ghatho tahuni God, eghuteuna God keli fara ranghidi repa, aonu mana ne fablahidi repa ne au kmana thudi. Kate karha sua te kmana vikegna Israel igre eghuteuna mare thofno nolaghi fara.

Proveb 1:18

Nafnata naikno igre horo phighoro mala falehedi thedi kolho.

Proveb 10:16

Mae te doglo na hata nakarha te keli jateula nogna taba eghu mana. Nu mae te diꞌa na ginau eni fabrahu puhi te diꞌare ka nakarhagna na.

Proveb 22:8

Mae te joꞌu glepo te diꞌa na, mana dokha puhi biꞌo. Puhigna mana te diꞌa igne, ginauna ari theo nafugna.

Proveb 5:22

Nakhibogna naikno te diꞌa na tangomana te haru famakuni mana na, jateula phighoro te haru famakudi nanghaji ra eghu.

Eklesiasti 10:8

Mae te dokha huha mala snoꞌo naikno tagna teuna, mana ginauna snoꞌo thegna. Mae te horo khora ka gringnigna suga na, phanaga ginauna kathini mana.

Profet Hosia 10:2

Mae igre thofno mae chaichaghi fara, eghuteuna mae igre ginauna au papara eidi nakhibo teke edi mare igre. Uve, na theome raugha God ginauna paꞌe soru olta igre. Eghuteuna mana ginauna puri nguanguja thina teke fakegra haghe mare igre.

Jone 4:36

Eghuteuna mae ihei te atha gano na mana atha nogna taba eigna nogna gloku na, u gano te salo fodu naiknore igre nate athani mare u karha fei tifa na. Eghume, mae ihei teke joꞌu na, nei mae ihei teke pulei na eghu phiamare na kafe gleale'a fodu.

Efesus 4:22

Tutuani, ghehati neke farirhiu ghami ghotilo mala lilisei puhi te diꞌa gna tifa teke leghuni ghotilo ka nakarhamira. Naugna puhigna tifa igne fodu ka chaichaghi nei puhi diꞌa, eghuteuna puhigna tifa na tangomana te fadidiꞌa ghami fabrahu.

Jemes 3:18

Mae ihei te au nogna gaoghatho te keli na mana tangomana te fadoglidi phei mae te magra farihoteidi thedi na. Eghuteuna mae igne ne doglo ke ulugna God, naugna mana ne toghodi phei mae igre mala au fakeli. Igne jateula kaisei mae te hata gano ka nagare ia eghu naugna tifeiro na mana neke joꞌu sisi.