Proveb 11:13 - Buka Blahi Ka Cheke Holo

¹³ Iagho thosei fatutuanini ihei te toutonu tafri na. Nu iagho fatutuanini kolho ihei te au kmu na.

Proveb 11:13 Iomraidhean Croise

Proveb 10:19

Naikno te khuru cheke na, ginauna edi kmana cheke fadiꞌa. Nu naikno te theome khuru cheke na, autagna gaoghatho te keli.

Proveb 11:12

Ihei te fameomekro na, cheke fadiꞌadi naiknore. Nu ihei te au tagna gaoghatho te keli na, mana au kmu.

Proveb 12:23

Mae ihei te au tagna gaoghatho te keli na, theome ghosei chekeni unha te au ka nagnafagna na. Nu mae te fameomekro na edi thua nafnata cheke te theo nafudi.

Proveb 14:5

Mae te filo tathagna na, mana theome tangomana te chaichaghi na. Nu mae te theome filo tathagna na, mana tangomana te chaghi kolho na.

Proveb 19:11

Mae te autagna gaoghatho te keli na, mana theome tangomana te ghosei te diꞌatagna na. Eghuteuna mana theome ghathoni najafra teke eni keha mae na ranghini mana na.

Proveb 20:19

Naikno te khuru cheke buiburi fara na, goigoni ni keha naikno na. Iagho thosei tei namo ka nafnata naikno igne.

Proveb 25:9

Jame te fapholai iagho balugna mae kheramu fofodu na, thosei tei toutonu tafri ka keha mae na eigna glepo igne.

Profet Jeremaea 38:27

Eghuteuna ke leghugna igne, mae biꞌo igre ne kafe mei ka mae Jeremaea ne ghusnani mana. Eghuteuna mana ne thofno leghuni unha teke chekeni mae king ka mana igne. Aonu mare ne theome chekeni kaisei glepo, naugna mare neke theome nomhidi nodi thoutonu phia mare igre.

Levitikas 19:16

“Eghuteuna ghotilo thosei cheke fadiꞌani ba chaghi eigna ihei. Eghuteuna jame kaisei kherami tei ka kot, eghuteuna iagho laseni unha teke eni mana na, iagho mala cheke fajiflani igne ka kot eigna puhi te tutuani na mala toghoni mana. Naugna iara Lord.

Ululahu Timoti 5:13

Jaola thau majaghani teke lehe khetodire igre ginauna fiti au kolho nei leuleghu suga tafri kolho. Eghuteuna nafnata puhi te eni rehati igne ginauna thono diꞌa fara, eigna rehati ginauna funu vuavuha chekedi keha naiknore, eghuteuna na farugusidi thedi ka nakarhadi keha naiknore. Jaola rehati chekedi koba glepo te theome naba te mala chekedire.

Josua 2:14

Aonu phei mae igre ne cheke eghu ka naꞌa, “Snakreni Lord mala falehe ghami ghepa jame te theome leghuni ghepa nhaꞌa cheke igne. Eghuteuna jame te theome chekeni iagho ka ihei nga eigna glepo te eni ghepa igne na, ghepa ginauna na theome eni kaisei glepo te diꞌa ka ghotilo. Eghuteuna kate snakreni Lord kantri igne ka ghehati na, ghehati ginauna keli ranghi nigho iagho baludi iheire fateo ka tharaknamu iagho igne.”

Josua 2:20

Nu neuba, jame te toutonudi iagho unha te edi ghepa agne igre na, ghehati ginauna na theome tajini nhaꞌa cheke igne.”