Proveb 11:11 - Buka Blahi Ka Cheke Holo

¹¹ Lord tangomana te toghodi naikno te kelire, eghuteuna nodi namono na ginauna fnakno nanghagna na. Nu nodi cheke naikno te diꞌare, goigonini nodi namono na.

Proveb 11:11 Iomraidhean Croise

Jenesis 45:8

“Eghume theome ghotilo teke kuru mei ghau iara ka namono igne na, nu God teke kuru mei ghau iara na. God neke vahi ghau iara mala nogna mae ofisa biꞌo lahu mae king gna Ijep. Iara mae mala reireghidi naikno te gnafa te au ka sugagna mana na igre, nei mae funei di vido te gnafa ka kantri Ijep.

Fapea Samuel 20:1

Ka narane igre, kaisei mae te diꞌa fara puhigna na au ka namono Gilgal. Mae igne nanghagna na, mae Seba thugna mae Bikri ka vikegna mae Benjamin. Mae Seba gne kufli, ne eha eghu ka maedi Israel, “Mae Devet gne theome vikeda tahati. Tahati theome vikegna thugna mae Jesi igne! Tahati te gnafa maeda Israel ra kafe figri ke pulo ka namonoda ra!”

Thoutonu Eigna Mae Job 22:30

Naugna te thofno doglo puhimu iagho na, God ginauna fakarhini mae ihei te naba te mala papara na.”

Proveb 11:10

Kate gleale'a naikno te doglo na, naikno te gnafare kafe gleale'a fodu. Nu kate lehe naikno te diꞌa na, naiknore gleale'a balu eha fabiꞌo.

Proveb 11:12

Ihei te fameomekro na, cheke fadiꞌadi naiknore. Nu ihei te au tagna gaoghatho te keli na, mana au kmu.

Proveb 14:34

Te leghuni naiknore puhi te doglo na, nanghagna nodi kantri na ginauna fnakno fara. Nu puhi te diꞌa na famamaja ikno fara.

Proveb 28:2

Kate magra farithedi naikno gna kaisei kantri, ginauna au kmana mae biꞌo, nu mae te autagna gaoghatho te keli nei lalase teuna ngala te mae biꞌo kantri na, mana ginauna eni kantri igne mala kegra heta.

Proveb 29:8

Ihei te cheke fadiꞌadi koba keha naiknore tangomana te eni puhi biꞌo ka namono na. Nu ihei te autagna gaoghatho te keli na tangomana te fabeatani nagnafagna naikno te diꞌatagna na.

Eklesiasti 9:15

Nu kaisei mae te kuma au ka namono igne, eghuteuna mae igne autagna gaoghatho te keli. Eghuteuna ka nogna gaoghatho te keli igne, mana tangomana te filoni kaisei nabrou te mala fanogradi mae naoka te mala theome mei hata namono ikoi igne. Nu neuba, ke leghu na theo kaisei naikno te ghathoni mae igne na.

Jemes 3:6

Eghuteuna cheke te jifla mei ka foflogna naikno na jateula kaisei khaꞌaghi eghu, naugna tangomana te roꞌedi glepo te kelire. Neubane kaisei vido ikoi fara ngala ka thinida tahati na, u foflo ngala nafugna te mala jifla mei glepo te diꞌa na, eghuteuna tangomana te roꞌedi nakarhada fateo tahati re. Glepo te diꞌa igre tangomana te para ghita funu ka karhada na ghilei lehe tahati. Eghuteuna cheke te diꞌa igre neke mei funudi ka mae Satan.