Proveb 10:4 - Buka Blahi Ka Cheke Holo

⁴ Mae te thodo na, ginauna kuma. Mae te sasaꞌa na, ginauna dedei.

Proveb 10:4 Iomraidhean Croise

Jenesis 26:32

Ka narane tuana nogna mae gloku mae Isak gre neke mei toutonu ka mana eigna u khoꞌu seu teke dokha mare na. Mare ne cheke eghu ka mana, “Ghehati filonihi khoꞌu na ka seu tuana.”

Proveb 10:5

Mae te autagna gaoghatho te keli na, mana ginauna dokha bopa ka thofno naranegna na. Nu mae te thuru te theome loku ka narane tuana na, tharaknagna mana na ginauna mamaja nodi fara.

Proveb 11:24

Tufa glepo iagho te toghodi keha naiknore, iagho ginauna dedei. Nu te loku fapulo iagho unha mala tufa teku na, iagho ginauna kuma.

Proveb 12:24

Mae ihei te loku heta na, mana ginauna kaisei mae mala baubatu. Nu mae ihei te thodo fara na, mana mala kaisei mae gloku kolho.

Proveb 12:27

Mae te nolo tafri kolho te theome loku na, mana ginauna na theo kaisei nogna glepo. Nu mae te loku na, mana ginauna au nogna kmana glepo.

Proveb 13:4

Mae te loku heta na, mana na hata unha te magnahagheni mana na. Mae te thodo na, mana theome tangomana te hata unha te magnahagheni mana na.

Proveb 18:9

Naikno te thodo na jateula mae te goigonidi gobigna lepo ra eghu.

Proveb 19:15

Naikno te thodo te thuru fabrahu ka suga na ginauna theo gano.

Proveb 19:24

Neuba mae te thodo na ne nhaꞌa gano ka tapera na, mana theome tangomana te nhaꞌa lao gano ka foflogna na.

Proveb 20:13

Te thuru fabrahu iagho na, iagho ginauna kuma. Nu jame te dofra te loku iagho na, iagho ginauna au kmana gano.

Proveb 20:4

Naikno te thodo na theome loku ka nagare. Aonu kate hiro gano na, mana theome deni kaisei gano kolho.

Proveb 21:5

Mae te loku heta na, ginauna dedei, mae te loku nananga kolho na, mana ginauna kuma.

Eklesiasti 10:18

Jame kaisei mae thodo fara, suga na ginauna lulu sorokoto, eghuteuna suga igne ginauna grofo pari.

Jone 6:27

U gano gna nauthoglu igne ghosei boto nei diꞌa eghu. Thosei loku eigna u nafnata gano tuana. Nu loku eigna u gano te au fabrahu te tusu ranghi ghami ghotilo u karha fei tifa na. Iara mae teke mei funu ka God na ginauna tusu ari ka ghotilo u gano tuana. Naugna God Mama na la falalasehi te namha ghau iara na.”

Ululahu Korin 15:58

Eghume kheraguro, naugna igne ghotilo kegra heta ka nomi fatutuani na nei thosei snakreni kaisei glepo mala ngali tafri ghami. Ghotilo mala rugusi fabrahu ka nogna gloku Lord na. Naugna ghotilo lasenihi nomi gloku ranghini Lord na theome tangomana te fiti luvu kolho.