Proveb 10:28 - Buka Blahi Ka Cheke Holo

²⁸ Naikno te doglo na ofoniu Lord mala tusu ranghini narane te keli na, mana ginauna filoni nei na gleale'a fara. Nu naikno te diꞌa na ginau fiti ofo kolho na theome filoni narane te keli na.

Proveb 10:28 Iomraidhean Croise

Thoutonu Eigna Mae Job 11:20

Nu tathadi naikno te diꞌa re ginauna dofu. Mare ginauna filo ligoho, nu mare na theome tangomana te rikhani puhi biꞌo na. Kaisei glepo kolho nate magnahagheni fara mare na, mare magnahaghei te lehe kolho.”

Thoutonu Eigna Mae Job 8:13

Jateula tuana eghu iheire te theome ghathoni God. Mare ginauna jaola ghosei lehe jateula nafnata buburu igre eghu. Eghuteuna iheire te tei kokoni God igre, ginauna na jaola ghosei lehe jateula nafnata buburu te theo khoꞌu igre eghu.

Nodi Khoje Hatimare Mae Jiu 112:10

Kate filoni naikno te diꞌare puhigna mae te doglo igne na, mare na thono diꞌa tadi fara. Mare na theome magnahagheni mae igne, nu mare theo nafudi kolho eghu. Uve, unha te magnahagheni naikno te diꞌare, theome tangomana kegra haghe ba te loku fakeli na.

Nodi Khoje Hatimare Mae Jiu 16:9

Eghume, nagnafagu na iara thofno glealeꞌa fara. Eghuteuna iara theome tangomana te mhaghuni kaisei glepo na.

Nodi Khoje Hatimare Mae Jiu 68:4

Tahati koje ranghini God, tahati koje kilo fnaknoni nanghagna mae ihei te gnokro teu ke kligna grokho. Nanghagna na Lord. Tahati glealeꞌa ke ulugna mana.

Proveb 11:23

Naikno te doglo na magnahagheni kolho unha te doglo na. Nu naikno te diꞌa na magnahagheni kolho unha te mala diꞌa tadi naiknore.

Proveb 11:7

Kate lehe naikno te diꞌa na, nogna grouronu mana na, lehe balugna mana. Eghuteuna nogna nakmusa teke edi mana re theo nafudi.

Proveb 14:32

Mae te diꞌa puhigna na ginauna au papara kate thoke mei puhi biꞌo na. Nu neubane lehe mae te doglo na, mana au nogna vido mala poru ka God.

Proveb 29:6

Nakhibogna naikno te diꞌa na haru famakuni mana jateula phighoro eghu. Nu naikno te doglo na snagla nogna, eghuteuna mana tangomana te koje nei glealeꞌa teuna.

Letas Teke Riso Tei Mae Pol Ka Khiloau Rom 12:12

Gleale'a fabrahu ka unha teke nhaꞌa chekeni God ka ghotilo na. Kate au papara na, au kmu. Tarai koba.

Letas Teke Riso Tei Mae Pol Ka Khiloau Rom 15:13

God mae ihei ngala te thofno togho ghita te mala hata unha mana teke nhaꞌa cheke ranghi ghita. Iara toreni God mala gleale'a biꞌo ghotilo nei tusu ranghi ghami pharikeli kate fatutuani ni mana na. Eghuteuna nogna nolaghi Tharunga te Blahi na ginauna faheta ghami mala rouronuni God fabrahu ghotilo te mala eni unha mana teke nhaꞌa chekeni.

Letas Teke Riso Tei Mae Pol Ka Khiloau Rom 5:2

Ka noda fatutuani ka mae Jisas, God tangomana te eni kaisei nabrou te mala laseni tahati nogna u khokofakasai na. Tutuani fara, tahati tangomana te au ke lamnagna thofno nakarha na naugna mana ne namha ghita. Eghume tahati au noda grouronu ka God te mala au balugna kligna.

Fapea Tesalonika 2:16

Ghehati tarai ka noda Lord Jisas Kraes thegna nei God Kmada mala fameomego ghau nei farheta ghau ka gobigna lepo te keli te edi ba chekedi ghotilo re. God neke namha ghita nei ka nogna khokofakasai na mana tusu ranghi ghita grouronu te keli nei fameomego ghita fabrahu tifa tifa.