Proveb 10:24 - Buka Blahi Ka Cheke Holo

²⁴ Unha te mhaghuni mae te diꞌa na, ginauna thokeni mana unha teke mhaghuni mana na. Nu naikno te doglo na, ginauna hata unha glepo te magnahagheni fara mana na.

Proveb 10:24 Iomraidhean Croise

Thoutonu Eigna Mae Job 15:21

Lamna ka nagnafagna na, mana haimidi glepo te mhaghudi fara mana re. Eghuteuna kate ghathoni mana ne au fakeli neu kolho teuna, mae te blau igre ginauna mei goigonini mana.

Thoutonu Eigna Mae Job 3:25

Glepo te mhaghuni iara na, igne te thoke ghau iara na. Glepo te nanga noguni iara na, igne te thoke mei ka iara na.

Nodi Khoje Hatimare Mae Jiu 145:19

Leuleghu fata na mana tusu lao glepo ka iheire te ghatho tahuni mana re. Mana jaola nomhidi nodi tharai re nei fakarhidi.

Nodi Khoje Hatimare Mae Jiu 21:2

Unha te thono magnahaghedi fara mana re iagho neke tusu lao ka mana. Unha te toredi mana re iagho neke edi ranghini mana.

Nodi Khoje Hatimare Mae Jiu 37:4

Gleale'a sagho ka Lord, eghuteuna mana ginauna na tusu ranghi nigho unha teke thono mamagnani iagho ka nagnafamu na.

Proveb 1:26

Eghume, iara ginauna jaola eni nafnata puhi igne ka ghotilo. Kate thoke mei puhi biꞌo ka ghotilo na, iara ginauna maꞌe, nei cheke fahaehaghe eghu ka ghotilo.

Proveb 1:27

Narane diꞌa ginauna thoke ghami ghotilo jateula khoburu biꞌo eghu, eghuteuna puhi biꞌo nei khabru eghu ginauna goigoni ghami ghotilo jateula seseuru eghu.

Proveb 15:8

Lord na theome magnahagheni nogna fafara naikno te diꞌa na. Nu mana kelitagna ka nogna tharai mae te doglo na.

Profet Isaia 66:4

Eghume, iara ginauna na edi puhi biꞌo te mhaghudi fara ghotilo ra mala thoke ghami ghotilo, naugna kate kilo ghami iara na, ghotilo theome cheke tughu ka iara. Eghuteuna kate cheke iara ka ghotilo na, ghotilo theome fanomho ka iara. Leuleghu fata na ghotilo tiromi leghu ghau iara, edi fabrahu ngala puhi te diꞌare.

Profet Esikiel 11:8

Ba, ghotilo mhaghu magra sia? Iara cheke tutuani ka ghotilo: Neubane eghu ngau, iara ginauna snakreni magra na mala ari posa ka namono ghotilo are.

Profet Daniel 4:28

Gobigna lepo igre ne thoke mei tutuani fara ka King Nebukadnesa.

Matiu 5:6

Keli tadi iheire te magnahagheni fara te eni unha te keli te magnahagheni God. Naugna God ginauna toghodi mare te mala eni igne.

Jone 14:18

Iara na theome tei koko ghami ghotilo, jateula goro sua te theo ihei nga te mala tajidi ra eghu. Naugna iara nake pulo mei mala au balumi ghotilo.

Jone 16:24

Funu tifa te ghilei thoke kau narane gognaro gne ghotilo neke theome toreni kaisei glepo kau nanghagu iara na. Eghume ghotilo tore ka mae Mama, eghuteuna ghotilo ginauna hata ka mana. Eghuteuna ghotilo ginauna thono gleale'a fara.”

Hibru 10:27

U naikno tuana ginauna ofo balu mhaghu, naugna mana laseni God ginauna fateni mana. Naikno te tirodi fanomho ka chekegna God na ginauna na gnubra ka khaꞌaghi.