Proveb 10:22 - Buka Blahi Ka Cheke Holo

²² Lord na tusu ranghi ghita kmana glepo te keli. Eghuteuna theo kaisei glepo tangomana te togho nigho iagho te mala dedei na.

Proveb 10:22 Iomraidhean Croise

Jenesis 12:2

“Iara ginauna na fabruarani vikemu iagho gne mala thovu. Eghuteuna iara ginauna na fablahi nigho nei naiknore ginauna na lase nigho iagho kaisei mae biꞌo fara. Eghuteuna keha naiknore ginauna na cheke fakeli nigho iagho, na cheke eghu fari thedi, ‘God na fablahi nigho jateula teke eni mana ka mae Ebram tifa ia eghu.’

Jenesis 24:35

Lord neke fablahini nogu mae funei iara na. Nogu mae funei iara igne mana kaisei mae dedei fara. Naugna Lord neke tusu ranghini mana kmana buluka, sipu, gol, silva, mae gloku, gaꞌase gloku, kamel nei dongki eghu.

Jenesis 26:12

Mae Isak tobi ne joꞌu sisi ka glose tuana. Eghuteuna ka finogha tuana mana ne au ghegna gano kmana fara, naugna Lord neke fablahini mana.

Jenesis 26:13

Mae Isak gne kaisei mae dedei fara, nei mana khotodi kmana glepo fara eghu.

Ululahu Kings 21:19

Iagho tei cheke eghu ka Ehab: ‘Igne unha te chekeni Lord na: Theome keli iagho te faleheni mae Nebot te hata nogna nagare mana na. Naugna te eni iagho igne, khuma ginauna lapi dadaramu iagho re ke kosigna namono biꞌo jateula teke lapi dadaragna mae Nebot ra eghu.’ ”

Ululahu Kronikols 4:10

Kaisei fata mae Jabes neke tarai eghu ka nodi God maedi Israel, “God, fablahi ghau nei tusu mei ka iara kmana vido glose. Iara tore nigho iagho mala au balugu iara, thosei snakreni kaisei hoholo mala thoke ghau iara mala theome haimini iara kaisei khabru.” Aonu God ne tusu ranghini mana gobigna lepo teke toredi mana igre.

Fapea Kronikols 25:9

Nu Amasaea ne ghusna eghu ka profet, “Ba, na faꞌunhadi tahati sileni teke tusu laohi te mala folidi mare ra?” Aonu nogna mae gloku God na ne cheke eghu ka mana, “Lord tangomana te tusu ari kmana ka iagho salaꞌudi teke koko iagho re!”

Fapea Kronikols 32:27

King Hesekaea dedei fara, eghuteuna naiknore ghatho tahuni mana. Mana horo chogho mala lilisei nogna gol, nei silva, nei famane thina, nei khakla gaju mala famane nonghari ganore, nei greoreo mala tafra ka jata, nei keha famane glepo.

Fapea Kronikols 32:29

God tusu ranghini mana kmana sipu nei buluka, nei kmana keha famane glepo. Hesekaea jaola babana kmana namono.

Nodi Khoje Hatimare Mae Jiu 107:38

Mana fablahidi koba naiknore, mala vuragha e thovu nei mala kmana nodi buluka eghu.

Nodi Khoje Hatimare Mae Jiu 127:2

Thono theo nafuda kolho tahati te nangani kolho nakarhada theda na, te loku hetani gano na kolho funu hamerane boibongi te ghilei rafi na. Naugna Lord ngala nate togho ghita ginauna ka unha te nabada tahati na, neuba ne loku heta ba thuru iho eghu tahati.

Nodi Khoje Hatimare Mae Jiu 37:22

Iheire Lord te fablahidire ginauna atha vido glose teke nhaꞌa cheke mana ranghidire. Nu iheire te diꞌatagnadi Lord naugna te leghuni mare puhi te diꞌa na, mana ginau brue fajifladi.

Proveb 14:24

Te lalase iagho na, iagho ginauna dedei. Nu te fameomekro iagho na, naiknore ginauna laseni te fameomekro.

Proveb 20:21

Ihei te ghosei te hata nodi glepo idogna kmagnare kate karha teu repa na, ke leghu na goigoni ni mana.

Proveb 28:22

Mae te loku famaku nogna glepore, mana tangomana te loku heta fara te mala ghosei te dedei na, mana theome laseni nate thono kuma fara ginauna.

Proveb 8:21

Ihei te namha ghau iara na, mana ginauna dedei fara, eghuteuna mana ginauna au nogna kmana glepo ka sugagna na.

Profet Daniel 1:15

Kate gnafa nabotho narane igre, mana ne filo ka thinidi mae Daniel, mae Hananaea, mae Misael nei mae Asaraea. Thinidi mae igre ne thofno keli fara. Eghuteuna mae igre ne nheta fara salaꞌudi mae majaghani te ghamu gano ka sugagna king.

Profet Sekaraea 5:4

Igne unha te chekeni Lord mae ihei te au nolaghi fateote'o. Mana ne cheke eghu, ‘Iara ginauna fatei cheke ka sugadi mae mala blau, nei ka sugadi mae ihei re te chaichaghi kate nhaꞌa cheke. Eghuteuna puhi biꞌo igne ginauna goigoni thaba te gnafa nei thina ka suga igre, ghilei thono diꞌa fara.’ ”

Diutronomi 26:10

Eghume gognarona, iara hata mei gano saro ulu te kotu ka glose iagho, Lord God tela tusu meihi ka iara.’ “Aonu iagho lilisei kharaꞌo igne ke ulugna nogna olta Lord, eghuteuna iagho pogho soru mala kilo fnaknoni mana.

Diutronomi 28:11

Kate au ghotilo ka glose aheva teke nhaꞌa chekeni Lord ka kuꞌemi ghotilo tifa ra, mana ginauna fablahi ghami ghotilo mala au kmana thumi, nei kmana nomi buluka, nei sipu, nei nanigot, nei dongki, nei kmana gano ka nagare.

Josua 6:18

Nu fiofilo ghami eghu! Thosei hata kaisei glepo malami themi, naugna glepo igre mala gnubra fahui jateula kaisei fafara eghu ka Lord. Jame te eni ghotilo kaisei glepo te diꞌa na, Lord ginauna falehe ghami ghotilo.