Proveb 10:15 - Buka Blahi Ka Cheke Holo

¹⁵ Dedei na bara fakelini mae te dedei na mala au fakeli, jateula taon bara te maku ia eghu. Nu mae te kuma na kmoꞌe ka gobigna lepo, aonu nakarha te ninhigrana na goigonini mana.

Proveb 10:15 Iomraidhean Croise

Proveb 14:20

Mae te kuma na theo kheragna. Nu mae te dedei na au kmana kheragna.

Proveb 18:11

Nu te ghathoni mae te dedei na, nogna sileni gre nate barani nakarhagna na jateula namono biꞌo te bara te maku ia eghu.

Proveb 19:7

Thabusigna mae te kuma re tirodini mana. Eghuteuna kheragnare jaola tirodini mana. Neuba mana ne hirodi mare mala toghoni, theome tangomana te dedi re.

Eklesiasti 7:12

Gaoghatho te keli na tangomana te togho nigho na, nei sileni na mala jaola togho nigho iagho ka vido te ninhigrana. Nu gaoghatho te keli nei glalase teu igre tangomana te thofno toghoni nakarhamu iagho na.

Profet Jeremaea 9:23

Lord ne cheke eghu, “Ihei te lalase na thosei fahaehagheni nogna glalase na. Eghuteuna ihei te nheta na thosei fahaehagheni nogna nanheta na. Eghuteuna ihei te dedei na thosei fahaehagheni nogna dedei na.

Nonomho Te Keli Teke Risoi Mae Mak 10:24

Mae fanomhore ne jaglo nodi fara ka nogna cheke mana igre. Nu mana ne cheke eghu ka mare, “Tore, kheraguro, thono ninhigrana fara ranghini kaisei naikno te au baludi naikno God te funei frunidire.

Luku 12:19

Gnafa teuna, iara ginauna cheke eghu ka thegu: Iara gognarona au nogu kmana glepo te keli nabagna kmana finogha. Eghume iara gognarona tangomana te au fakeli nogu, nei theome nanga nogu, gnafa nogu, ghamu ghegu, koꞌu ghegu nei gleale'a nogu eghu!’

Ululahu Timoti 6:17

Cheke faheta ranghidi iheire te dedei fara ka nauthoglu igne mala thosei fahaehaghe fara nei thosei rouronudi glepo nate dofidi kaisei narane, nu cheke ranghidi mala fatutuani ni God mae ihei te tusu ranghi ghita gobigna lepo te keli mala gleale'a tahati.