Proveb 1:5 - Buka Blahi Ka Cheke Holo

⁵ Buka igne ginauna toghoni mae ihei te lalase fara mala biꞌo salaꞌui mana nogna glalase na. Eghuteuna mana ginauna farirhiudi iheire te au tadi gaoghatho te keli mala leghuni mare nabrou te keli na.

Proveb 1:5 Iomraidhean Croise

Fapea Kronikols 25:16

Kate cheke teu profet ka mana igne, king ne cheke eghu, “Kmu sagho! Iara neke theome vahi nigho iagho te mala tusu mei gaoghatho te keli ka iara na! Jame te theome kmu iagho na, iara ginauna akni falehe nigho iagho!” Kate nomhini profet nogna cheke king igne, mana ne cheke eghu ka king, “Gognarona iara laseni, God na la kulu ghathonihi te mala goigoni nigho iagho na, naugna iagho ne eni glepo te diꞌa igne, eghuteuna iagho jaola tirou fanomho ka nogu cheke iara igre.”

Thoutonu Eigna Mae Job 34:10

“Ghotilo thilo mae te lalase fara ra, ghotilo fanomho ka iara. God mae ihei te au nolaghi fateote'o igne, mana theome eni kaisei glepo te diꞌa.

Thoutonu Eigna Mae Job 34:16

“Job, jame lalase iagho na, iagho fanomho mei ka iara.

Thoutonu Eigna Mae Job 34:2

“Ghotilo thilo mae glalase te lalase fara ra, ghotilo fanomho mei ka nogu cheke iara igre.

Thoutonu Eigna Mae Job 34:34

Naikno te au tadi gaoghatho te keli nei lalase teure ginauna kelitadi ka nogu cheke iara na, na cheke eghu,

Proveb 12:1

Iagho kaisei mae glalase te magnahaghedi keha mae te mala fadoglidi najaframu re. Nu mae ihei te theome magnahagheni kaisei mae te mala fadoglidi najafragna re, mae igne kaisei mae fameomekro.

Proveb 14:6

Mae te patugama na hiro gaoghatho te keli, nu theome tangomana te hata na. Nu mae te autagna gaoghatho te keli na, theome gloku biꞌo te hata glalase na.

Proveb 18:15

Mae te autagna gaoghatho te keli na, mana loku heta mala lasedi gobigna lepore. Mana tangomana te fanomho fakeli ka mae ihei te magnahaghei farirhiuni mana na.

Proveb 19:25

Te puphuri iagho mae te theome fanomho na, mana ginauna laseni puhi te keli na. Te cheke faheta iagho ka mae te autagna gaoghatho te keli na, nogna glalase mana na ginauna keli salaꞌui.

Proveb 21:11

Te purini mae ihei te maꞌeni naikno na, mae te theome lalase na ginauna hata gaoghatho te keli ka tuana. Te cheke faheta ka mae te autagna gaoghatho te keli na, mana ginauna lalase fara salaꞌui.

Proveb 8:33

Te mala lalase na, ghotilo fanomho ka nogu farirhiu iara igre. Jame te tiromi fanomho ghotilo na, ghotilo ginauna theome lalase.

Proveb 9:8

Thosei fariuriu fadoglini mae te thona foflogna na, mana ginauna tirogna nigho iagho. Nu te farirhiuni iagho ihei te autagna gaoghatho te keli na, mana ginauna namha nigho iagho.

Proveb 9:9

Te farirhiuni iagho mae te autagna gaoghatho te keli na, gaoghathogna mana na ginauna thofno keli fara. Farirhiuni mae te doglo na, mana ginauna lalase salaꞌui.

Eklesiasti 9:11

Keha glepo te filoni iara ka nauthoglu na igne, keha fata mae te lase chari na theome uluni fangenghele na, keha fata mae te nheta na theome uluni magra na, keha fata mae te lalase na theome autagna nakarha te keli na, keha fata mae te ghaoghatho fakeli na theome dedei, keha fata mae te lalase fara na theome fnakno nanghagna na, naugna glepo te diꞌa na kafe thoke ghita hui.

Ululahu Korin 10:15

Iara cheke ka ghotilo iheire te lalase ra mala vahini themi unha te chekedi iara tami gre, te doglo ba theo.

Diutronomi 4:6

Eghuteuna ghotilo mala famane leghudi nei faꞌuvedi eghu vetula igre, eghuteuna ka puhi tuare te mala fakakhana ka keha naiknore te ghaoghatho fakeli fara nei lalase fara teu ghotilo na. Eghuteuna kate nomhidi mare vetula igre mare ginauna cheke eghu, ‘Tutuani fara, naiknodi Israel igre au tadi gaoghatho te keli na nei glalase na eghu!’