Proveb 1:33 - Buka Blahi Ka Cheke Holo

³³ Nu iheire te fanomho ka iara re, mare ginauna au fakeli nodi fabrahu. Uve, mare ginauna theome mhaghuni kaisei glepo.”

Proveb 1:33 Iomraidhean Croise

Thoutonu Eigna Mae Job 36:11

Jame te fanomho mare te leghuni God eghuteuna loku fakeli ranghini mana teuna, mare ginauna au ka nakarha te keli, eghuteuna au ka pharikeli fabrahu ghilei kuekuꞌe.

Nodi Khoje Hatimare Mae Jiu 81:13

“Iara thono magnahagheni fara jame te fanomho nogu naiknore ka iara. Uve, iara thono magnahagheni fara jame te leghuni mare puhigu iara na.

Proveb 12:21

Puhi biꞌo theome tangomana te thokeni mae te doglo na. Nu nakarhagna mae te diꞌa na fodu ka puhi biꞌo.

Proveb 14:26

Mae te ghatho tahuni Lord na, mana au vido keli mala poru, eghuteuna thugna manare ginauna jaola au fakeli.

Proveb 9:11

Gaoghatho te keli na ginauna togho nigho mala au raugha ka nauthoglu igne, eghuteuna iagho ginauna uludi kmana finogha.

Eklesiasti 8:12

Glahu kaisei mae te diꞌa tapla jafrahi kaisei gobi fata ka nakhibo, nu mana karha raugha ne theome ghosei lehe. Nu te laseni iara na, kaisei cheke te au agne na cheke eghu, “Jame iagho te leghuni God na, gobigna lepore ginauna keli kolho, naugna iagho ne ghatho tahuni God.

Profet Isaia 26:3

Lord, iheire te ghatho tahu nigho fabrahu, ginauna toghodi mala au ka pharikeli, naugna mare ne rouronu nigho fabrahu.

Profet Isaia 32:17

Eghuteuna naugna te leghuni mare puhi te doglo na, mare ginauna au fabrahu ka pharikeli, eghuteuna mare ginauna au fakeli fabrahu na theome ghathoni kaisei glepo.

Profet Isaia 48:18

Jame te leghudi ghotilo nogu cheke iara igre na, ghotilo ginauna au fabrahu ka pharikeli, eghuteuna nakarhami ghotilo na jateula khoꞌu te loloro fabrahu te theome krango ra eghu. Eghuteuna ghotilo ginauna leghuni fabrahu puhi te doglo na jateula galo te poha ka nusu ba ka khalaꞌe ra eghu.

Profet Isaia 55:3

Ghotilo mei ka iara! Ghotilo fanomho mei! Jame te mei ghotilo na, iara ginauna eni kaisei nhaꞌa cheke balumi ghotilo, eghuteuna nhaꞌa cheke igne ginauna au fabrahu tifa tifa. Iara ginauna ghatho tahu ghami ghotilo fabrahu jateula teke ghatho tahuni iara King Devet tifa ia eghu.

Levitikas 25:18

“Jame te faꞌuvedi nei leghudi teu ghotilo nogu vetula nei nogu farirhiu teu iara igre na, ghotilo tangomana te au fakeli ka nomi glose na.

Levitikas 25:19

Jame te eghu ghotilo na, nomi glose ghotilo igne ginauna au kmana gano, eghuteuna ghotilo ginauna theome tangomana te kmoꞌe ka gano na, eghuteuna ghotilo ginauna tangomana te au fakeli ka vido tuana.

Matiu 17:5

Kate cheke mae Pita na, kaisei khoveo te siasigla ne kafe toku tafrudi mare. Eghuteuna ka vido tuana kaisei naogla ne mei funu ka khoveo na, ne cheke eghu, “Igne thofno mae Thugu iara na. Iara namhani mana nei keli taguni eghu mana. Ghotilo fanomho fakeli nei leghuni eghu mana!”

Luku 21:19

Ghotilo ginauna hatini thofno nakarha na kate kegra maku fabrahu ghotilo ka nomi fatutuani na.”

Luku 21:9

Kate nomhidi ghotilo nonomho eidi magra, ba naiknore magridi nodi mae funei thedire teu igre, thosei mhaghu. Naugna glepo igre mala kulu mei ame thoke mei nga narane leghu lahu na eghu.”

Ululahu Pita 1:5

Ka nomi fatutuani ghotilo ka God na, mana ginauna na reireghi fakeli ghami ka nogna nolaghi na ghilei thoke mei narane leghu lahu te mala fakarhi ghami na.