Proveb 1:32 - Buka Blahi Ka Cheke Holo

³² Iheire te theome au tadi gaoghatho te keli na ginauna lehe, naugna mare ne figri tagru ghau iara. Eghuteuna naikno te fameomekro re ginauna lehe naugna ne tirodini puhi te doglo na.

Proveb 1:32 Iomraidhean Croise

Nodi Khoje Hatimare Mae Jiu 69:22

Ka vido te gnokro fodu teu nogu naoka iara gre ka gaghamu biꞌo na, mei paradi sagho mala diꞌa theo tokadi mare.

Proveb 1:22

“Ghotilo iheire te theome au tami gaoghatho te keli ra, ghotilo magnahaghei te au jateula tuana eghu fabrahu? Ghotilo jateula naikno te fameomekro eghu. Ghotilo theome magnahaghei te hata glalase te keli, eghuteuna ghotilo cheke fahaehaghe tagna. Niha nau koko nga ghotilo puhi igne?

Proveb 10:21

Nogna cheke naikno te doglo na toghodi kmana naikno. Nu naikno te theome autagna gaoghatho te keli na, ginauna lehe, naugna nagnafagna na thono diꞌa fara.

Proveb 14:16

Mae te autagna gaoghatho te keli na, mana au fadelei ka puhi biꞌo. Nu naikno te fameomekro na, theome filo fakeli, eghuteuna ghosei thokeni puhi biꞌo.

Proveb 2:18

Jame te tei iagho balugna gaꞌase igne ka nogna suga naꞌa na, iagho jateula te leghuni nabrou te tei ka namonodi naikno te lehe ra eghu.

Proveb 5:22

Nakhibogna naikno te diꞌa na tangomana te haru famakuni mana na, jateula phighoro te haru famakudi nanghaji ra eghu.

Proveb 8:36

Nu mae ihei te theome dei ghau iara na, mana goigoni ni kolho thegna, eghuteuna ihei te tirogna ghau iara na, mana magnahaghei fara te lehe na. Eghume igne ngala gaoghatho te keli nei doglo teuna.”

Proveb 8:5

Ghotilo iheire te theome ghaoghatho fadoglo ra, ghotilo mei, iara ginauna fadoglidi gaoghathomi ghotilo re. Ghotilo te theome lalase ra, ghotilo mei, iara ginauna togho ghami ghotilo mala hata glalase.

Proveb 9:18

Nu mare theome laseni kolho glehedi mare na au ke lamnagna igne, eghuteuna mae iheire te tei lamna na, mare soruhi pari ke lamna beku.

Profet Isaia 66:4

Eghume, iara ginauna na edi puhi biꞌo te mhaghudi fara ghotilo ra mala thoke ghami ghotilo, naugna kate kilo ghami iara na, ghotilo theome cheke tughu ka iara. Eghuteuna kate cheke iara ka ghotilo na, ghotilo theome fanomho ka iara. Leuleghu fata na ghotilo tiromi leghu ghau iara, edi fabrahu ngala puhi te diꞌare.

Profet Jeremaea 2:19

Ghotilo tei koko ghau iara, eghume iara ginauna na snakre ghami ghotilo mala tei au fakhaba ka iara mala eni fabrahu ghotilo puhi te diꞌa na. Eghuteuna ghotilo ginauna na au papara fabrahu jare. Naugna igne, ghotilo ginauna filo glani puhi te tei koko ghau iara na, nei theome ghatho tahu ghau iara teuna. Igne thofno puhi diꞌa fara, naugna igne, ghotilo ginauna au papara.” Igne chekegna Lord God mae ihei te au nolaghi fateote'o.

Profet Emos 6:1

Kokhoni ghami fara ghotilo naikno te au fakeli ka Thogele blahi Saion, nei naikno te au ka namono biꞌo Samaria. Te ghathoni ghotilo na, theo kaisei glepo nate goigoni ghami na eghu. Kokhoni ghami fara ghotilo mae funei te fnakno te au ka kantri Israel, eghuteuna naiknore mei hiro nodi thotogho ka ghotilo.

Jone 3:36

Ihei te fatutuani ni mae Thugna God na, mana na athini u karha te theo ka huigna na. Nu mae ihei te theome fatutuani ni mae Thugna God na mana na theome athini u karha tuana. Eghuteuna God ginauna diꞌatagna fabrahu ka mana.

Diutronomi 28:17

“Ghotilo ginauna theo nagare wit te mala ei bret na.

Hibru 12:25

Eghume fanomho ghotilo eghu, thosei fofotho khulimi are ka God mae ihei te cheke teu ka ghotilo. Naiknodi Israel tifa re neke tirodi fanomho ka chekegna God te mei ka nauthoglu igne. Kate eni igne, mare neke theome rikhani fate na. Gognaro tahati nomhini chekegna God te mei funu kligna na. Tutuani fara, jame te tirodani tahati nogna cheke mana na, theo kaisei nabrou aheva nga te mala rikha tahati na!

Jemes 5:5

Mare tanhi nei diꞌanagnafa naugna ghotilo ne theome tabadi mare. Nu ghotilo theome tanhi nei diꞌanagnafa eghu naugna ghotilo dedei fara nei ludeni unha te magnahagheni themi na. Nu ghotilo jateula kaisei buluka biꞌo te mala tarabana te mala falelehe te ghamu ia eghu. Buluka na gleale'a fara leuleghu narane, eghuteuna theome laseni narane mala lehegna na. Ghotilo jateula tuana eghu theome laseni narane God nate fate ghami ghotilo na.