Proveb 1:26 - Buka Blahi Ka Cheke Holo

²⁶ Eghume, iara ginauna jaola eni nafnata puhi igne ka ghotilo. Kate thoke mei puhi biꞌo ka ghotilo na, iara ginauna maꞌe, nei cheke fahaehaghe eghu ka ghotilo.

Proveb 1:26 Iomraidhean Croise

Nodi Khoje Hatimare Mae Jiu 2:4

Lord gnokro neu ka sape nafnakno kligna na, ne rogna maꞌedi fara nodi nafnata groghe mare igre.

Nodi Khoje Hatimare Mae Jiu 37:13

Nu Lord, noda mae funei tahati na rogna maꞌedi mae te diꞌare, naugna mana laseni kaisei narane na mana ginauna mei fatedi mare, eghuteuna mae te diꞌare ginauna dofidi ke leghugna fate igne.

Nodi Khoje Hatimare Mae Jiu 59:8

Nu Lord, iagho maꞌe noudi kolho mae bongihehe tuare.

Proveb 10:24

Unha te mhaghuni mae te diꞌa na, ginauna thokeni mana unha teke mhaghuni mana na. Nu naikno te doglo na, ginauna hata unha glepo te magnahagheni fara mana na.

Proveb 12:8

Naiknore pala hagheni nanghagna mae ihei te autagna gaoghatho te keli na. Nu cheke faparini mae ihei te autagna gaoghatho te diꞌa na.

Proveb 19:29

Ihei te cheke diꞌa nei fahaehaghe teuna, mana ginauna au papara. Mae te fameomekro na ginauna soru khodo ka thagru na.

Proveb 3:34

Mana faparidi iheire te cheke fapaiparini keha mae na, nu keli ranghidi iheire te nhaꞌa faparidi thedi.

Proveb 6:15

Nu hoholo biꞌo ginauna megei nga thokedi mare, eghuteuna mare ginauna lehe eidi.

Luku 14:24

Te chekeni iara ka ghotilo na, ginauna theo kaisei naikno ka teke kulu toredi iara igre nate mei ghamu ka nogu gaghamu iara na.’ ”

Diutronomi 28:63

Mei te posa gognarogne, kate leghuni Lord ghotilo na mana neke keli tagna ka ghotilo neke tusu ranghi ghami nakarha te keli neke thovu neke kmana naikno. Nu jame te theome leghuni ghotilo mana na, mana ginauna keli tagnau kolho te thofno goigoni ghami ghotilo na. Jateula mae ihei te rathu koko buburu te diꞌa ka nagare ra eghu, mae naoka igre ginauna mei hata fajifla ghami ghotilo ka glose nate tei te hata ghotilo igne.

Jajis 10:14

Tei si ghotilo tanhi ka keha god te tarai ghotilo tadi are. Toredi mala fakarhi ghami kate thoke mei puhi biꞌo ka ghotilo na!”