Proveb 1:25 - Buka Blahi Ka Cheke Holo

²⁵ Ghotilo figri tagrudi nogu famane cheke iara igre, eghuteuna ghotilo thufu fara kate magnahaghei fadogli ghami iara na.

Proveb 1:25 Iomraidhean Croise

Fapea Kronikols 33:10

Neuba Lord ne cheke faheta ka King Manase nei ka nogna naiknore neu, nu mare tirodi fanomho kolho ka mana.

Fapea Kronikols 36:16

Nu mare maꞌedi mae profet igre, eghuteuna mare theome magnahaghedi nodi cheke mare re. Mare cheke faparidi mae profet igre, eghuteuna Lord ne ghilei diꞌatagna fara ka mare mala theo kaisei nabrou te mala fakarhidi mare na.

Nodi Khoje Hatimare Mae Jiu 107:11

Naugna mare neke thono figri tagruni fara chekegna God na, nei tirodi fanomho ka nogna farirhiu God mae ihei te thofno fnakno fara na.

Nodi Khoje Hatimare Mae Jiu 81:11

“Naiknodi Israel gre nogu iara, nu mare theome fanomho ka iara nei theome leghu ghau iara eghu.

Proveb 1:30

Kate magnahaghe fadogli ghami ghotilo teu iara na, ghotilo tiromi fanomho ka nogu farirhiu iara re.

Proveb 12:1

Iagho kaisei mae glalase te magnahaghedi keha mae te mala fadoglidi najaframu re. Nu mae ihei te theome magnahagheni kaisei mae te mala fadoglidi najafragna re, mae igne kaisei mae fameomekro.

Proveb 15:10

Mae te theome leghuni puhi te doglo na, mare ginauna parani mana. Mae te theome magnahagheni kaisei naikno te fadoglini puhigna te diꞌa na, mana ginauna lehe.

Proveb 5:12

Eghuteuna iagho ginauna cheke eghu, “Iara thono fameomekro fara! Naugna iara neke tirogu leghuni puhi te doglo na, nei tiroguni mae te mala fadogli ghau na!

Proveb 8:14

Iara tangomana te tusu lao gaoghatho te keli ka naiknore, eghuteuna iara tangomana te toghodi mare te mala eni gloku te keli na. Iara ngala gaoghatho te keli na, nei nolaghi te biꞌo na.

Profet Jeremaea 35:17

“Eghume, iara Lord God mae ihei te au nolaghi fateote'o, nodi God mae Israel. Te chekeni iara ka ghotilo na, ‘Jame te tiromi leghu ghau iara ghotilo na, iara ginauna atha mei puhi biꞌo mala thoke ghami ghotilo. Nu kate cheke iara ka ghotilo na, ghotilo tiromi fanomho. Eghuteuna kate kilo ghami iara na, ghotilo tiromi cheke tughu ka iara. Naugna igne, iara ginauna atha mei puhi biꞌo mala thoke mei ka ghotilo Jerusalem nei Juda.’ ”

Luku 7:30

Nu mae Farasi nei mae velepuhigna vetula nogna mae Moses teu igre, mare ne tirodi leghuni nogna ghaoghatho God te maladi thedi na. Mare theome magnahagheni mae Jone te faꞌapublahidi.

Diutronomi 1:45

Aonu mare figri neke mei tanhi ka Lord. Nu Lord ne tirogna fanomho ka mare.”

Ululahu Samuel 8:18

Kate kegra haghe glepo igre na, ghotilo ginauna diꞌatami na khuru vese ka puhi te edi king igre, nu Lord ginauna theome tangomana nate cheke tughudi nomi tharai ghotilo re eghu.”