Proveb 1:24 - Buka Blahi Ka Cheke Holo

²⁴ Iara kilo ghami ghotilo fabrahu mala mei ka iara, nu ghotilo tiromi mei.

Proveb 1:24 Iomraidhean Croise

Fapea Kronikols 33:10

Neuba Lord ne cheke faheta ka King Manase nei ka nogna naiknore neu, nu mare tirodi fanomho kolho ka mana.

Fapea Kronikols 36:16

Nu mare maꞌedi mae profet igre, eghuteuna mare theome magnahaghedi nodi cheke mare re. Mare cheke faparidi mae profet igre, eghuteuna Lord ne ghilei diꞌatagna fara ka mare mala theo kaisei nabrou te mala fakarhidi mare na.

Thoutonu Eigna Mae Job 33:14

Neuba God ne cheke kmana fata, theo kaisei naikno te fanomho ka mana.

Nodi Khoje Hatimare Mae Jiu 31:20

Iagho pophorudi ka vido aheva te au teu themu na, nei reireghi fakelidi ka vido aheva te theome tangomana mae iheire te magnahaghei cheke fadiꞌani nei falehedi teu mare re.

Proveb 29:1

Mae ihei te patugama fabrahu neuba mare ne cheke faheta kmana fata tagna, mae tuana ginauna parani fara, eghuteuna theo kaisei glepo nate toghoni mana na.

Profet Isaia 50:2

Kate mei iara na, iara theome filoni kaisei naikno jare. Kate eha iara na, theo kaisei naikno te cheke tughu na. Ba, na theome fakarhi ghami iara neu si ghotilo ia? Ba, ne theo kaisei nogu nolaghi iara te mala fakarhi ghami na neu si ghotilo ia? Filo si ghotilo, kate cheke kolho iara na nhorora biꞌo na ginau moja, khoꞌure ginauna jaola figri ke kaisei namono nagou, eghuteuna sasare ginauna kafe lehe.

Profet Isaia 65:12

Nu iara ginauna vahini kaisei nomi narane ghotilo. Hatimare mae naoka ginauna mei falehe ghami ghotilo ka magra, naugna ka narane te kilo ghami iara na, ghotilo theome cheke tughu ka iara. Eghuteuna kate cheke iara ka ghotilo na, ghotilo theome fanomho ka iara. Leuleghu fata na, ghotilo tiromi leghu ghau iara, eghuteuna ghotilo vahidi koba glepo te diꞌare.”

Profet Isaia 65:2

Nu leuleghu fata na phaꞌumi ghotilore maku fara jateula thina eghu leghudi fabrahu puhimi themi te diꞌare. Neuba, iara tarabana te mala faꞌuve ghami ghotilo na.

Profet Isaia 66:4

Eghume, iara ginauna na edi puhi biꞌo te mhaghudi fara ghotilo ra mala thoke ghami ghotilo, naugna kate kilo ghami iara na, ghotilo theome cheke tughu ka iara. Eghuteuna kate cheke iara ka ghotilo na, ghotilo theome fanomho ka iara. Leuleghu fata na ghotilo tiromi leghu ghau iara, edi fabrahu ngala puhi te diꞌare.

Profet Jeremaea 35:17

“Eghume, iara Lord God mae ihei te au nolaghi fateote'o, nodi God mae Israel. Te chekeni iara ka ghotilo na, ‘Jame te tiromi leghu ghau iara ghotilo na, iara ginauna atha mei puhi biꞌo mala thoke ghami ghotilo. Nu kate cheke iara ka ghotilo na, ghotilo tiromi fanomho. Eghuteuna kate kilo ghami iara na, ghotilo tiromi cheke tughu ka iara. Naugna igne, iara ginauna atha mei puhi biꞌo mala thoke mei ka ghotilo Jerusalem nei Juda.’ ”

Profet Jeremaea 44:16

“Jeremaea, ghehati tiromi fanomho ka nonomho te mei toutonu iagho ka nanghagna Lord igne!

Profet Jeremaea 7:13

Kate edi ghotilo glepo te thono diꞌa fara igre, iara neke fariu riu cheke ka ghotilo. Nu ghotilo neke tiromi fara te fanomho ka iara na. Iara kilo ghami ghotilo leuleghu fata, nu ghotilo tiromi cheke tughu kolho.

Profet Jeremaea 9:6

Ghema Jeremaea. Iagho tei au fari hoteidi naikno te chaichaghi koba nei theome filo glani ghau iara teu are.” Igne chekegna Lord.

Profet Esikiel 8:18

Eghume, iara ginauna jaola fakakhana nogu nolaghi na kate diꞌatagu ka mare. Iara ginauna theome kokhonidi ba fakarhidi. Neuba mare ne tarai fabiꞌo jateula te eha fabiꞌo mei ka iara neu, nu iara ginauna tirogu fanomho ka mare.”

Profet Sekaraea 7:13

“Kate eha iara ka mare na, mare tirodi fanomho. Aonu kate eha mei mare ka iara na, iara jaola tirogu fanomho ka mare.

Mae Khuru 4:30

Togho ghami mala frane ghehati kate fakakhana gna nou nolaghi iagho na. Fakarhidi naikno te fogra nei snakreni kofubobhoi nei fagaglana mala thakle ka nanghagna nou mae gloku blahi Jisas.”

Letas Teke Riso Tei Mae Pol Ka Khiloau Rom 10:21

Nu eigna Israel na God ne cheke eghu, “Leghu narane na iara kilodi iheire te huhughu nei iheire te patugama fara, naugna iara magnahaghedi mare mala ke pulo mei ka iara.”

Ululahu Samuel 28:6

Aonu mana ne tarai ne toreni Lord unha nate eni mana na. Nu Lord ne theome cheke tughuni nogna tharai mana na, eghuteuna theo kaisei cheke tughu te mei ka mifi, ba ka hatimare mae pris, ba ka hatimare mae profet.