Proveb 1:23 - Buka Blahi Ka Cheke Holo

²³ Ghotilo mala leghudi nogu cheke iara igre, eghuteuna iara ginauna farirhiu ghami ghotilo mala lase fakelidi nogu cheke iara igre.

Proveb 1:23 Iomraidhean Croise

Nodi Khoje Hatimare Mae Jiu 145:1

Iara ginauna cheke thakleni nanghamu iagho na, naugna iagho ngala nogu God, nei King teu iara na. Iara ginauna na cheke fakeli nigho koba leuleghu fata.

Proveb 1:25

Ghotilo figri tagrudi nogu famane cheke iara igre, eghuteuna ghotilo thufu fara kate magnahaghei fadogli ghami iara na.

Proveb 1:30

Kate magnahaghe fadogli ghami ghotilo teu iara na, ghotilo tiromi fanomho ka nogu farirhiu iara re.

Proveb 10:17

Farirhiu te keli na toghoni nakarhagna keha naikno na. Nu mae te tirogna fanomho ka farirhiu na ginauna tei jafra ka puhi te keli na.

Proveb 12:1

Iagho kaisei mae glalase te magnahaghedi keha mae te mala fadoglidi najaframu re. Nu mae ihei te theome magnahagheni kaisei mae te mala fadoglidi najafragna re, mae igne kaisei mae fameomekro.

Proveb 29:1

Mae ihei te patugama fabrahu neuba mare ne cheke faheta kmana fata tagna, mae tuana ginauna parani fara, eghuteuna theo kaisei glepo nate toghoni mana na.

Proveb 6:23

Chekedi idomu kmamu are jateula kaisei juta eghu mala fadoglini nakarhamu iagho na.

Profet Isaia 32:15

Gobigna lepo igre ginauna eghu fabrahu ghilei thoke mei narane Lord nate kuru mei funu kligna Tharunga gna na ka tahati. Ka narane tuana, ginauna na jateula namono nagou te famane vido te mala joꞌu ganora eghu, eghuteuna nagare re ginauna famane karha kelidi fara.

Profet Isaia 45:8

“Maloa nei ghotilo khoveo teura! Ghotilo snakreni puhigu iara te doglo gne mala soru mei jateula nakhete eghu ka nauthoglu igne. Iagho glose ia! Iagho snakreni puhigu iara na mala fakarhidi naikno te kotu haghe jateula buburu teu igre, eghuteuna snakreni puhigu iara te doglo gne mala jaola kotu haghe. Iara Lord te edi glepo igre.”

Profet Jeremaea 3:14

“Iara Lord te chekeni igne. Ghotilo naikno teke tei koko ghau iara ra, ghotilo mala ke figri mei ka iara, mae ihei te jateula khetomi teu ghotilo igne. Ka namono biꞌo te gnafa igre iara ginauna na atha fadelei kaisei mae ka kaisei namono biꞌo, eghuteuna ka vikemi ghotilore, iara ginauna na atha fajifla phei mae mala ke pulo ka Thogele Saion.

Profet Esikiel 33:11

Iagho cheke eghu ka naiknodi Israel: Ghotilo naiknomi Israel. Iara cheke fadoglo ari ka ghotilo ka nanghagna nogu Lord God mae ihei te karha te tifa: Iara theome gleꞌa te filodi naikno te diꞌa igre te lehe ka nakhibodi re. Iara magnahaghei te filodi mare teke tughu nagnafa nei koko nakhibo eghu, mala hatini mare thofno nakarha na. Ghotilo naiknomi Israel, fanomho. Ghotilo figri tagru ka puhi te diꞌa te edi ghotilo are mala ke pulo mei ka iara! Naugna unha si ghotilo te magnahaghei lehe gnea?

Profet Hosia 14:1

Ghotilo maemi Israel, ghotilo ke figri ka Lord nomi God, naugna nakhibo te edi ghotilo are fapari ghami ghotilo.

Profet Joel 2:27

Ghotilo maemi Israel, ghotilo ginauna lase fakeli ghau iara nomi Lord nei nomi God te au balumi ghotilo. Theo kaisei god aheva nga Iara ngala. Ghotilo nogu naikno iara ra na theo kaisei naikno nate famamaja ghami ghotilo na.”

Profet Joel 2:28

Lord ne cheke eghu, “Ke leghugna igne, iara ginauna snakreni Tharungagu na mala soru mei au baludi naikno te gnafa igre. Thumi gaꞌase nei thumi nalhaꞌu teu ghotilo are ginauna toutonuni chekegu iara na jateula mae profet eghu. Mae biꞌo gre ginauna mifi, eghuteuna mae majaghani re ginauna filodi keha nafnata mifi te nhogri.

Profet Joel 3:1

Lord ne cheke eghu, “Ka narane tuana, iara ginauna nake tusu fapulo kmana glepo te keli ka naikno te au ka namono biꞌo Jerusalem nei ka keha vido ke lamnagna kantri Juda.

Profet Sekaraea 12:10

Lord ne cheke eghu, “Iara ginauna edi tharaknagna Devet nei naiknodi Jerusalem mala thofno au gaoghatho te keli, eigna mare tangomana te kokhoni ni keha mae na, eghuteuna mare tangomana te tarai ka iara mala toghodi. Mare ginauna filo mei ka iara, mae ihei mare teke fadini. Eghuteuna mare ginauna diꞌanagnafa nei tanhi eghu ka mana, jateula mae te au kaisei thugna kolho te lehe ra eghu, ba mae te lehe thugna teke kulu karha na.

Luku 11:13

Neubane diꞌa jateula unha neu ghotilo, ghotilo tangomana te tusu lao glepo te keli ka thumire. Eghume te eghu na, mae Kmami ghotilo te au kligna na mana ginauna na tusu lao Tharunga te Blahi na ka iheire te tore ka mana.”

Jone 7:39

Mae Jisas neke cheke eigna mae Tharunga te Blahi nate mei ka iheire te fatutuani ni mana re. Kau narane tuana God theome kuru mei ngau mae Tharunga na, naugna mae Jisas theome kegra ngau kau nafnakno.

Mae Khuru 26:20

Ulu lahu na iara neke funu cheke ranghidi naiknore Damaskas mala koko puhi te diꞌare mala figri ka God, nei falalaseni nodi thofno hogri nagnafa na kate edi glepo te kelire. Eghuteuna iara neke tei Jerusalem nei ka nohi te gnafa ka Provins Judia neke toutonu cheke igre, nei jaola ka naikno te theome Jiure.

Mae Khuru 3:19

Eghume ghotilo hogri nagnafa, mala ke figri ka God, mala hata fadeleidi mana nakhibomire.