Proveb 1:16 - Buka Blahi Ka Cheke Holo

¹⁶ Naugna leuleghu fata na mare magnahagheni fara te mala eni puhi te diꞌa na. Eghuteuna thiꞌadire kaikaliti mala falehe naikno.

Proveb 1:16 Iomraidhean Croise

Jenesis 37:20

Mei ghotilo, mala falelehe nodani mae igne mala koko lao nodani thinigna mae tuana ka kaisei khora ka igre eghu. Ke leghu na tahati ginauna na cheke eghu ka mae mama, ‘Kaisei bosu mhata ne ghamuni mana.’ Aonu tahati na laseni ne faꞌunha teuna ka nogna mifi mana igne.”

Proveb 1:17

Thono fameomekro fara jame te horo iagho phighoro na kate filo teu nanghaji na.

Proveb 12:6

Chekegna mae te diꞌa na, jateula mae te poru te tarabana mala aknu falehe naikno teura eghu. Nu chekegna mae te doglo na, fakarhidi mare.

Proveb 4:16

Mare theome thuru ghilei eni mare glepo te diꞌa na, ba goigonini keha mae na.

Profet Isaia 59:7

Leuleghu fata na, ghotilo magnahaghei fara te ghosei te eni puhi te diꞌa na. Eghuteuna ghotilo diꞌatami faleheni ihei te theome eni kaisei puhi te diꞌa na. Gaoghathomi ghotilo igre thofno diꞌa fabrahu, eghuteuna puhi te mala goigonidi nakarhadi keha naiknore igne jateula nomi nabrou biꞌo eghu ghotilo.

Letas Teke Riso Tei Mae Pol Ka Khiloau Rom 3:5

Keha naiknore cheke eghu, “Kate eni tahati puhi te diꞌa na, tahati falalase ranghidi naiknore puhigna God te doglo fara. Eghume tahati laseni God te theome doglo na naugna mana ne para ghita kate leghuni puhi te diꞌa na!” Keha naiknore ne cheke eghu agne kate leghuni kolho mare gaoghathogna naikno na.

Ululahu Samuel 19:10

Aonu mae Sol ne fariu riu fadini mae Devet, nu mae Devet tugha fadelei, aonu goru igne jafra ka mana ne tei jokra ka gringni na. Mae Devet ghosei jifla ne rikha.