Proveb 1:1 - Buka Blahi Ka Cheke Holo

¹ Nogna famane cheke mae Solomon king gna Israel, thugna king Devet.

Proveb 1:1 Iomraidhean Croise

Ululahu Kings 2:12

Ke leghugna tela lehehi mae Devet igne, mae Solomon neke tughuni mana ka sapegna king. Mae Solomon gne kaisei king nheta fara, theo kaisei glepo tangomana te faparini mana na.

Ululahu Kings 5:12

Lord ne tusu ranghini mae Solomon kmana gaoghatho te keli jateula teke toreni mana na neu. Eghuteuna king Hiram ghe mae King Solomon, phiamare ne nhaꞌa cheke fofodu fakeli nodi.

Ululahu Kronikols 22:9

Nu iagho ginauna na au kaisei thumu nalhaꞌu, eghuteuna kate kegra king mana na, naiknore ginauna au ka pharikeli, eghuteuna iara ginauna na theome snakredi keha kantri are te naoka ka mana na. Eghuteuna mae sua nalhaꞌu igne iagho ginauna kiloni nanghagna Solomon, gaoghathogna Solomon teu igne, “Pharikeli” eghu. Naugna iara ginauna tusu lao nakarha te keli nei pharikeli eghu ka naiknodi Israel ka narane te kegra king mana na.

Ululahu Kronikols 28:5

Lord neke tusu ranghi ghau iara kmana sua, eghuteuna mana neke vahini mae thugu iara Solomon mala funei frudi naikno te gnafa Israel.

Ululahu Kronikols 29:23

Aonu mae Solomon neke tughuni mae kmagna na ne kegra king gna Israel. Hatimare goro nogna mae biꞌo mae Devet igre nei hatimare mae soldia te ulu tulao, nei keha thugna King Devet ra teu igre ne kafe nhaꞌa cheke te mala leghuni King Solomon. Mana kaisei mae thofno king keli fara, eghuteuna naikno te gnafa Israel igre ne leghuni mana.

Ululahu Kronikols 29:28

Mana lehe kate thofno kuekuꞌe fara. Eghuteuna mana kaisei king te fnakno fara nanghagna na, eghuteuna mana jaola kaisei mae dedei fara. Aonu naiknore ne thofno ghatho tahuni fara mana. Aonu thugna mana Solomon ne kegra king.

Proveb 10:1

Igre nogna famane cheke king Solomon. Kmagna mae te au tagna gaoghatho te keli na, mana gleale'a fabrahu. Idogna mae te fameomekro na, diꞌanagnafa fabrahu nei tanhi eghu.

Proveb 22:21

Cheke te tutuani igre tangomana te farirhiu nigho, mala tangomana iagho te cheke tughu fakeli ka ihei te ghusna nigho na.

Proveb 25:1

Igre keha nogna famane cheke mae King Solomon. Cheke igre neke rioriso soru nogna mae gloku mae Hesekaea king gna Juda.

Eklesiasti 1:1

Cheke te au ka buka na igre nogna cheke mae glalase. Mae glalase igne neke thugna King Devet, eghuteuna mana tifa na neke king ka namono biꞌo Jerusalem.

Eklesiasti 12:9

Mae velepuhi te lalase igne neke farirhiudi naiknore unha te lasedi manare. Mana hirodi nei faghiladi neku cheke te ninhigrana igre glahula tutuani ba theo.

Jone 16:25

Aonu, mana ne cheke eghu ka mare, “Glepo te chekedi iara ka ghotilo igre, iara toutonu kau cheke naba. Nu narane na ginauna mei nate theome cheke naba iara ka ghotilo na. Nu iara ginauna cheke fadoglo eigna mae Mama ka ghotilo.