Nehemaea 9:9 - Buka Blahi Ka Cheke Holo

⁹ “Eghuteuna kate au teku kuꞌemi ghehati Ijep ra, iagho neke filodi maedi Ijep gre neke paradi fara mare. Eghuteuna kate jifla mare Ijep te tei ka Thongna Ukru na iagho neke nomhidi mare neke tanhi ka iagho mala toghodi.

Nehemaea 9:9 Iomraidhean Croise

Eksodas 14:31

Kate filoni hatimare mae Israel gre nogna nolaghi biꞌo Lord te tapla faparidi mae Ijep gre, mae Israel gre ne pogho soru ka mana, nei ghatho tahuni Lord nei nogna mae gloku Moses.

Eksodas 2:25

Aonu God ne filo ka naiknodi Israel te jateula naikno sneka teu te loku heta fara igre ne kokhoni nognadi fara.

Eksodas 3:16

“Iagho tei kilodi mae mala baubatu ka naiknodi Israel mala kafe mei, eghuteuna iagho cheke eghu ka mare: Lord, nogna God Ebraham, Isak, nei Jekop, nei keha kuꞌeda tahati tifa ra, mana neke mei ka iara, mala cheke eghu ka ghotilo, ‘Iara Lord neke taji ghami ghotilo, eghuteuna iara la filodihi puhi te diꞌa te edi naiknodi Ijep ka ghotilo ra.

Profet Esikiel 20:6

Ka narane tuana, iara neke eni kaisei nhaꞌa cheke te rheta mala hata fajifladi Ijep, eghuteuna batu teidi ka kaisei namono aheva teke kulu vahini iara te mala au mare tagna na. Namono igne famane keli fara salaꞌudi keha kantri te gnafa ka nauthoglu igne. Glosegna na thono keli fara, eghuteuna leuleghu fata na au kmana gano tagna.

Mae Khuru 7:34

Fanomho ka iara. Iara la filodihi nogu naikno te au papara ka namono Ijep ia. Iara nomhidihi nodi natanhire. Iara na soru mala fakarhidi. Eghume gognaro na, ghema Moses, iara nake kuru fapulo nigho Ijep.’

Mae Khuru 7:7

Nu iara ginauna na paradi naiknogna namono te faloku biꞌodi fara vikemu iagho are. Eghume ke leghugna tuana na, vikemu iagho re ginauna mei pogho soru ranghi ghau iara ka namono igne.’