Nehemaea 9:6 - Buka Blahi Ka Cheke Holo

⁶ Iagho kaisei Lord kolho. Iagho kolho teke vuavuha maloa baludi gobigna lepo te au ke lamnagna, nei nauthoglu baludi gobigna lepo te au ke lamnagna, nei thongna baludi gobigna lepo te au ke lamnagna. Eghuteuna iagho tusu lao karha na ka glepo igre. Eghuteuna engel kligna re pogho soru tarai ka iagho.

Nehemaea 9:6 Iomraidhean Croise

Jenesis 1:1

Tifa na neke theo kaisei glepo te au na, aonu God neke vuavuhadi maloa ghe nauthoglu nei gobigna lepo fateo te au ke lamnadi.

Jenesis 1:9

Aonu God ne cheke eghu, “Khoꞌu pari igre na salo fodu mei mala kaisei ngala mala thakle haghe glose te moja na.” Khoꞌure ne thofno leghuni chekegna God na ne salo fodu mei ne thakle haghe glose te moja na.

Jenesis 2:1

Aonu God ne loku ne gnafa maloa ghe nauthoglu gre baludi gobigna lepo te gnafa te au ke lamnadi.

Jenesis 32:2

Kate filodi mare na mana ne cheke eghu, “Igne nogna tothoghei soldia God!” Aonu mae Jekop ne kiloni namono igne Mahanaem. Nangha igne gaoghathogna na “Phei namono” eghu.

Ululahu Kings 22:19

Nu profet Maekaea tudu ne cheke eghu, “Fanomho fakeli ka unha te chekeni Lord igne! Iara filoni ka kaisei mifi Lord te gnokro teu ka nogna sape nafnakno na kligna. Eghuteuna nogna engel mana re kegra fei nhetagna, eghuteuna kehare fei mairigna.

Ululahu Kings 8:27

“Lord! Iagho tangomana te mei au ka nauthoglu igne na? Neuba maloa kligna igne ne krepa fara, nu maloa kligna igne theome naba te mala au iagho tagna na. Sugablahi igne ikoi fara theome naba te mala au iagho tagna na.

Fapea Kings 19:15

Mana ne tarai eghu ka Lord, “Lord nodi God mae Israel! Iagho gnokro ka nou sape nafnakno na farihoteidi phei engel, kaisei iagho ngala God te funei frunidi kantri te gnafa ka nauthoglu igne. Iagho neke vuavuhadi maloa ghe nauthoglu igre.

Fapea Kings 19:19

Nu iagho Lord, iagho nomi God ghehati maemi Israel. Fakarhi ghami ka khamedi mae Asiria gre, eghuteuna naikno te gnafa ka kantri te gnafa ka nauthoglu na igre ginauna laseni te kaisei iagho ngala God na.”

Nehemaea 9:5

Eghuteuna keha tothoghei ka mae Livaet igre na nanghadire mae Jesu, nei mae Kadmiel, nei mae Bani, nei mae Hasabnea, nei mae Serebaea, nei mae Hodaea, nei mae Sebanaea, nei mae Petahaea, mae igre ne eha eghu fabiꞌo, “Tahati kafe kegra haghe cheke fakelini noda Lord God mae ihei te karha fabrahu tifa te tifa!” “God! Ghehati magnahaghei te pala hagheni nanghamu iagho na. Nu nomi glealeꞌa ghehati igne theo nafugna kolho. Nanghamu iagho na biꞌo fara, eghume nomi glealeꞌa ghehati igne theome naba ka tathamu iagho na.

Nodi Khoje Hatimare Mae Jiu 102:25

Funu tifa te mei na, iagho ngala teke vuavuha u nauthoglu igne na, eghuteuna iagho neke vuavuhadi maloa nei thua lepo te au ke lamnagna.

Nodi Khoje Hatimare Mae Jiu 103:21

Ghotilo nogna naikno gloku God te au kligna te edi unha te magnahaghedi mana ra, ghotilo cheke fakelini mana!

Nodi Khoje Hatimare Mae Jiu 115:15

Iara magnahagheni Lord mae ihei teke vuavuhani u maloa kligna nei nauthoglu pari igne teu te fablahi ghami ghotilo.

Nodi Khoje Hatimare Mae Jiu 124:8

Lord mae ihei teke vuavuhadi maloa ghe nauthoglu gre ngala te mala togho ghita na.

Nodi Khoje Hatimare Mae Jiu 146:6

Lord mae ihei teke vuavuhadi maloa, nauthoglu, nhorora nei gobigna lepo teu te au ke lamnadi. Mana theome chaichaghi ghita, nu mana tathajini fabrahu nogna nhaꞌa cheke na.

Nodi Khoje Hatimare Mae Jiu 24:10

Mae ihei te mae king biꞌo na? Lord ngala mae ihei te nheta ne au nolaghi biꞌo teu ke uludi naikno te gnafa ka nauthoglu igne na ngala te mae king biꞌo na.

Nodi Khoje Hatimare Mae Jiu 33:6

Gobigna lepo ka maloa na are neke vuavuha ka chekegna Lord kolho. Naprai nei glaba nei nathunu teu are neke jifla mei ka chekegna mana.

Nodi Khoje Hatimare Mae Jiu 36:6

Puhimu iagho te doglo na ke tulaogna tuanai, thono haghe fara jateula thogele are eghu, puhimu iagho te mala fateni naikno ne soru pari fara jateula nhorora te mamhara eghu. Lord, naikno nei hose nei buluka, nei bosu mhata, nei saba, nei nanghaji teu igre au ka khamemu iagho.

Nodi Khoje Hatimare Mae Jiu 86:10

Kaisei iagho ngala thofno God na. Uve, kaisei iagho ngala te au nolaghi na, nei kaisei iagho ngala te tangomana te edire glepo te biꞌore.

Profet Isaia 37:16

“Lord, iagho mae ihei te au nolaghi fateote'o! Iagho nomi God ghehati maemi Israel, iagho King mae ihei te gnokro ka sape nafnakno farihoteidi phei engel. Iagho ngala thofno God te tutuani na, eghuteuna iagho funei frunidi kantri te gnafa ka nauthoglu igne. Iagho neke vuavuhadi maloa ghe nauthoglu igre.

Profet Isaia 37:20

Nu iagho Lord, iagho nomi God ghehati mae Israel. Fakarhi ghami ka nodi nolaghi maedi Asiria, eghuteuna naikno te gnafa ka kantri te gnafa ka nauthoglu igne ginauna lase nigho iagho te kaisei iagho ngala God na.”

Profet Isaia 43:10

Igne chekegna Lord. Mana neke cheke eghu, “Ghotilo maemi Israel ra mala toutonu eigu iara! Iara neke vahi ghami ghotilo mala nogu naikno gloku iara, eghuteuna ghotilo ginauna mala lase ghau nei fatutuani ghau eghu iara. Eghuteuna ghotilo ginauna thofno laseni te iara ngala God na. Theo kaisei god aheva nga teke kulu au teke karha nga iara na. Eghuteuna ke leghu na ginauna na jaola theo kaisei god na teke hata sapegu iara na.

Profet Isaia 44:6

Lord mae ihei te au nolaghi fateote'o igne nodi King mae Israel, eghuteuna mana atha fasnagli ghami ghotilo. Mana neke cheke eghu, “Iara ngala God na, iara neke kulu au neke aunga gobigna lepo igre, eghuteuna iara ginauna na jaola leghu lahu. Uve, theo kaisei god ahevanga, kaisei Iara ngala.

Profet Isaia 44:8

Ghotilo nogu naikno iara ra, ghotilo thosei mhaghu nei nanga nomi eghu! Iara neke toutonuhi ka ghotilo gobigna lepo nate thakle mei ginau re. Ghotilo mala toutonudi glepo te chekedi iara igre. Ba? Kaisei god au aheva nga te jateula iara teuna? Iara theome laseni. Kaisei iara ngala te jateula nomi thina rheta mala poru teu ghotilo na.”

Profet Isaia 45:12

Iara neke vuavuha nauthoglu igne, baludi gobigna lepo te au ke lamnagna. Iara neke vuavuha naikno mala au ke lamnagna nauthoglu igne. Tutuani fara, ka nogu nolaghi iara, iara neke vuavuha maloa nei gobigna lepo te au ke lamnagna. Eghuteuna iara funei frunidi naprai nei glaba nei nathunu eghu te au ka maloa kligna.

Profet Jeremaea 32:17

“Lord God, iagho neke vuavuha maloa ghe nauthoglu igre ka nou nolaghi biꞌo. Theo kaisei glepo te ninhigrana ka iagho na.

Profet Esikiel 20:11

Iara neke cheke faheta ka mare eghuteuna farirhiudi mare nogu vetula re. Jame ihei te faꞌuvedi nei leghudi teu nogu cheke iara igre na, mana tangomana nate au fakeli na.

Profet Jona 1:9

Aonu, mae Jona ne cheke eghu ka mare, “Iara kaisei mae Hibru, iara tufru soruni Lord God gna kligna, mae ihei teke vuavuhadi moumolu nei thongna.”

Jone 10:30

Uve, ghepa mae Mama na kaisei ngala.”

Mae Khuru 4:24

Kate nomhini igne, naiknore kaisei nagnafa ngala ne kafe tarai fodu ka God ne cheke eghu, “Lord God, iagho mae neke vuavuhani maloa, nei glose, nei nhorora, nei gobigna lepo te au ke lamnadi.

Diutronomi 10:14

“Kligna nei nauthoglu nei gobigna lepo fateote'o te au ke lamnadi teu igre nogna Lord nomi God ghotilo khotodi re.

Diutronomi 32:39

“ ‘Filo si ghotilo. Iara kolho God te tutuani na! Jare na theo kaisei god te au na! Iara tangomana te faleheni naikno na, nei tangomana te fakarhini naikno na. Iara tangomana te faghorehoni naikno na, nei tangomana teke fakeli fapuloni naikno na. Theo kaisei naikno tangomana te fanograni unha te eni iara na.

Diutronomi 6:4

“Fanomho, Israel! Lord noda God tahati na, mana kaisei God kolho te mala tarai nei pogho soruni teu tahati na.

Hibru 1:3

Mae Thugna na ne fathakleni u siasigla gna God. Eghuteuna mana ngala te thofno hata puhigna God na. Mana ne loku fodu gobigna lepore kau chekegna te nolaghi. Ke leghugna te hata fadelei mana u nakhibodi naiknore, mana ne gnokro soru kau sape nafnakno kligna ka khame nhetagna God mae ihei te nolaghi fara.

Hibru 1:6

Kate kuru meini God thofno mae Thugna ulu lahu kau nauthoglu igne, mana ne cheke eghu, “Nogu engel iara gre mala kafe pogho soru ke ulugna mana.”

Thakle 14:7

Engel na ne cheke eghu fabiꞌo, “Ghotilo mala ghatho tahuni God nei mala pala hagheni nanghagna na, naugna nogna narane mana te mala fatedi naiknore la meihi. Eghume ghotilo mala pogho soru ranghini mae ihei teke vuavuhani kligna nei nauthoglu nei nhorora nei glokha kho'ure.”

Thakle 4:11

“Nomi Lord God, iagho neke vuavuhadi gobigna lepo ka nauthoglu igne, eghuteuna tusu lao karha tadi. Naugna igne unha teke magnahaghei eni iagho na. Eghume nabami ghehati te koje te mala pala hagheni nanghamu na nei kilo fnakno nigho nei cheke fakeli nigho eigna nou nolaghi te biꞌo.”