Nehemaea 9:5 - Buka Blahi Ka Cheke Holo

⁵ Eghuteuna keha tothoghei ka mae Livaet igre na nanghadire mae Jesu, nei mae Kadmiel, nei mae Bani, nei mae Hasabnea, nei mae Serebaea, nei mae Hodaea, nei mae Sebanaea, nei mae Petahaea, mae igre ne eha eghu fabiꞌo, “Tahati kafe kegra haghe cheke fakelini noda Lord God mae ihei te karha fabrahu tifa te tifa!” “God! Ghehati magnahaghei te pala hagheni nanghamu iagho na. Nu nomi glealeꞌa ghehati igne theo nafugna kolho. Nanghamu iagho na biꞌo fara, eghume nomi glealeꞌa ghehati igne theome naba ka tathamu iagho na.

Nehemaea 9:5 Iomraidhean Croise

Ululahu Kings 8:14

Kate kegra teu naiknodi Israel ka vido tuana, king figri mei ne fablahidi naiknore.

Ululahu Kings 8:15

Aonu mana ne cheke eghu, “Tahati cheke fakelini Lord, noda God tahati naiknoda Israel. Mana thofno leghuni unha teke nhaꞌa chekeni thegna ka mae kmagu iara King Devet.

Ululahu Kings 8:22

King Solomon tei ne kegra rhegna nogna olta Lord na ne figri lao ka mavitu gna Israel na. Aonu mana ngafa haghe phei khamegnare kligna,

Ululahu Kings 8:27

“Lord! Iagho tangomana te mei au ka nauthoglu igne na? Neuba maloa kligna igne ne krepa fara, nu maloa kligna igne theome naba te mala au iagho tagna na. Sugablahi igne ikoi fara theome naba te mala au iagho tagna na.

Ululahu Kronikols 16:36

Tahati cheke fakelini Lord noda God tahati naiknoda Israel! Uve, tahati cheke fakelini mana gognarogne tifa tifa!” Eghuteuna naiknore ne kafe cheke eghu, “Tutuani fara!” ghe “Cheke fakelini Lord!”

Ululahu Kronikols 29:11

Iagho thofno haghe fara, eghuteuna iagho au nolaghi fateote'o. Nanghamu iagho na thono haghe fara, eghuteuna iagho thofno keli fara. Lord iagho king nei iagho funei ka nou nolaghi. Gobigna nafnotu fateote'o te au kligna nei ka nauthoglu igne teu igre nou iagho kolho. Eghuteuna iagho thofno haghe fara, eghuteuna iagho funei frunidi gobigna nafnotu fateote'o.

Ululahu Kronikols 29:13

Gognarona ghehati tegio nigho iagho nomi God, eghuteuna ghehati cheke fakelini nanghamu iagho na.

Ululahu Kronikols 29:20

Aonu mae Devet ne cheke eghu ka naiknore, “Cheke fakelini Lord noda God!” Aonu naiknore ne kafe cheke fakelini Lord nodi God kuꞌedi tifa ra. Mare ne kafe pogho soru ne fafnaknoni God, nei jaola fafnaknoni King Devet.

Fapea Kronikols 20:13

Ka narane tuana, maedi Juda baludi goro gaꞌase nei goro sua teure ne kegra ke ulugna nogna Sugablahi Lord na.

Fapea Kronikols 20:19

Eghuteuna keha mae Livaet ka vikedi mae Kohat ghe mae Kora kegra haghe ne eha fabiꞌo mala kilofnaknoni Lord, nodi God mae Israel.

Esra 3:11

Eghuteuna mare koje ne kilo fnaknoni Lord nei mala tegioni mana. Mare koje ne cheke eghu, “Lord na thofno keli fara! Eghuteuna nogna namha ranghini Israel theo ka huigna!” Naiknore ne kafe koje fabiꞌo mala kilo fnaknoni Lord, naugna gloku te lilisei thina biꞌo ka khotogna Sugablahi igne la fufunu gognarona.

Nehemaea 9:4

Hatimare mae Livaet ne kegra haghe ka lada na ne eha fabiꞌo ka nodi Lord God. Nanghadi mae igre, mae Jesua, nei mae Bani, nei mae Kadmiel, nei mae Sebanaea, nei mae Buni, nei mae Serabaea, nei keha mae Bani, nei mae Kenani.

Nehemaea 9:6

Iagho kaisei Lord kolho. Iagho kolho teke vuavuha maloa baludi gobigna lepo te au ke lamnagna, nei nauthoglu baludi gobigna lepo te au ke lamnagna, nei thongna baludi gobigna lepo te au ke lamnagna. Eghuteuna iagho tusu lao karha na ka glepo igre. Eghuteuna engel kligna re pogho soru tarai ka iagho.

Thoutonu Eigna Mae Job 1:21

Mana ne cheke eghu, “Kate karha mei ka thiꞌagna idogu na, iara karha soesole, eghuteuna kate lehegu na, iara ginauna jaola nake soesole ke pulo. Lord, iagho neke tusu mei glepo ka iara, eghuteuna gognaro na iagho ke hata fadelei ka iara. Iara cheke fakelini nanghagna Lord.”

Nodi Khoje Hatimare Mae Jiu 106:2

Ihei gne te nabagna te mala toutonudi glepo te keli te edi Lord re? Ihei gne te nabagna te mala kilo fnaknoni nanghagna na ka puhigna thegna te keli na? Thono theo fara!

Nodi Khoje Hatimare Mae Jiu 134:1

Ghotilo nogna mae gloku Lord te gnafara, ghotilo iheire te loku bongiro ke lamna Sugablahi ra eghu mei kilo fnaknoni mana.

Nodi Khoje Hatimare Mae Jiu 145:2

Leuleghu narane na iara ginauna cheke fakeli nigho iagho. Uve, iara ginauna cheke fakeli nigho koba leuleghu fata.

Nodi Khoje Hatimare Mae Jiu 145:5

Iagho King, naiknore ginauna toutonu eidi nou nolaghi nei nanghamu teu iagho re, eghuteuna iara ginauna na ghatho fabrahudi nou kofubobhoi iagho ra.

Nodi Khoje Hatimare Mae Jiu 146:2

Kate au teu iara ka nauthoglu igne, iara magnahaghei te koje fafnaknoni nanghagna nogu God na ghilei lehe.

Nodi Khoje Hatimare Mae Jiu 16:2

Iara cheke eghu ka Lord, “Lord, iagho nogu funei iara. Gobigna lepo te au ka khamegu iara na igre neke mei funudi ka iagho ngala.”

Nodi Khoje Hatimare Mae Jiu 66:2

Tahati koje mala pala hagheni nanghagna mana na! Tahati cheke fakelini mana. Tahati pala hagheni mana!

Nodi Khoje Hatimare Mae Jiu 99:3

Kaisei God ngala te blahi na nei fnakno teuna. Eghume, tahati te gnafa na mala kafe cheke fakelini nogna nafnakno mana na.

Eksodas 15:11

Lord, theo kaisei god aheva nga te jateula iagho teuna, thono theo fara. Iagho kaisei mae king te blahi fara. Naiknore nabadi te mhaghu nigho nei ghatho tahu nigho teuna. Iagho tangomana te edire u kofubobhoi nei fagaglana teu igre.

Eksodas 15:6

Lord, iagho khame nhetamu na thono nolaghi fara, ne puri nguja noudi hatimare mae naoka gre.

Profet Daniel 2:20

ne cheke eghu: “Leuleghu fata na tahati mala cheke fakelini God. Naugna mana lalase fara nei au nolaghi fateote'o.

Matiu 11:25

Aonu mae Jisas ne cheke eghu ka mae Kmagna na, “Mama, iara cheke fakeli nigho, iagho mae te funei frunidi gobigna lepo kligna ba pari. Iara cheke fakeli nigho, naugna iagho ne falalase ka iheire te jateula sua teu te ihoni thofno glalase na, nu iagho pophoru glalase igne ka naikno te lasedi kmana glepo nei fahaehaghe fara teu eigna nodi glalase na.

Fapea Korin 4:6

Naugna God neke chekeni naphae na mala siasigla kate romno na, eghuteuna God tuanala te fasigla mei u naphae gna na ka nagnafami ghehatire. Mana eni igne mala lase fakelini ghehati nogna nolaghi biꞌo God te sigla mei ka thinigna Kraes.

Diutronomi 28:58

“Nanghagna Lord nomi God ghotilo na thono haghe fara, eghuteuna ghotilo mala ghatho tahuni mana. Eghume jame te theome ghatho tahuni nei theome leghudi teu ghotilo nogna cheke mana tela riorisohi iara ka Buka gna vetula na igre,

Ululahu Pita 1:3

Cheke fakelini God Kmagna noda Lord Jisas Kraes! Eigna ka nogna kokhoni ghita te biꞌo fara, mana neke tusu ranghi ghita u nolaghi te mala teke karha majaghani na. Eghume gognaro na tahati au noda grouronu eigna thofno nakarha na, naugna mae Kraes neke karha fapulo kau glehe.

Jajis 13:18

Nu engel nogna Lord na ne cheke eghu, “Naugna unha si ghopa te magnahaghei laseni nanghagu iara gnea? Nanghagu iara na haghe fara te mala laseni ghopa na.”