Nehemaea 9:2 - Buka Blahi Ka Cheke Holo

² Iheire teke karha mei ka vikegna Israel kolho te kegra ka vido igne, eghuteuna theo kaisei mae ka keha vikere te au baludi mare na. Mare cheke thakledi nakhibodi re baludi puhidi kuꞌedi te diꞌa tifa ra.

Nehemaea 9:2 Iomraidhean Croise

Ululahu Kings 8:47

Jateula teke au mare ka keha kantri delei ra eghu, glahu te figri gaoghathodi mare te tarai ari ka iagho te mala cheke thakledi puhidi te diꞌa, nei nakhibodi.

Esra 10:11

Gognarona, ghotilo mala cheke thakledi nakhibomire ka Lord, nodi God kuꞌeda tifara. Eghuteuna ghotilo mala leghudi puhi te magnahaghedi mana re. Eghume ghotilo au fadelei ka naikno bongihehe te au ka noda glose tahati gne eghuteuna ghotilo koko gaꞌase bongihehe te tolaghi ghotilo are.”

Esra 6:21

Eghume naikno Jiu teke pulo mei funudi Babilonia igre, mare ne kafe ghamu nafnahi gna fafara Ghasa-Polho igne. Eghuteuna naikno teke au faleghu teku, nu theome magnahaghei leghudi puhi te diꞌa te edi naikno bongihehe te au faligohodi teu mare igre teure, mare jaola ne mei mala tufru soru ka Lord, nodi God mae Israel, eghuteuna mare te gnafa na ne kafe ghamu ka fafara igne.

Esra 9:1

Ke leghudi glepo igre, keha mae lida mei ne filo ghau iara ne cheke eghu, “Esra, hatimare mae pris nei mae Livaet nei naiknodi Israel teu igre mare theome au fadeleidi thedi ka puhidi naikno bongihehe te thono diꞌa fara te au faligoho ghita tahati igre. Mare leghudi puhidi naiknodi Kenan, nei naiknodi Het, nei naiknodi Peris, nei naiknodi Jebus, nei naiknodi Amon, nei naiknodi Moab, nei naiknodi Ijep nei naiknodi Amo.

Esra 9:15

Lord God gna Israel! Leuleghu fata na iagho fate ka puhi te doglo. Ghehati nou naikno iagho te karha teu aro ghehati au kolho naugna iagho snakre ghami ghehati te karha teuna. Nu naugna nakhibomi ghehati te biꞌo fara gre, ghehati nabami te papara na, nei theome nabami te kegra haghe ke ulumu iagho na.”

Esra 9:2

Mare hata gaꞌase bongihehe igre mala tolaghi, eghuteuna mare jaola hata thudi gaꞌase mare re mala tolaghi ka thudi nalhaꞌure. Eghume tahati nogna naikno blahi God igre la kaisei loku fodu baludi naikno bongihehe te au faligoho ghita igre la thona ka tathagna noda God. Eghuteuna noda mae lida tahati igre baludi keha mae biꞌo igre ngala te baubatudi naiknore te edi puhi te jafra igre.”

Nehemaea 1:6

Lord, filo mei ka iara eghuteuna fanomho mei ka nogu cheke iara nou mae gloku gne. Ka narane nei bongi teu igre iara tarai fabrahu ka iagho malami ghehati nou mae gloku iagho agne Israel. Ghehati naiknomi Israel gre theome gnafa te tapla jafra ranghi nigho iagho na. Iara nei vikegu iara teu igre, ghehati te gnafa na kafe tapla jafra ka nakhibo.

Nehemaea 10:28

“Ghehati naiknomi Israel te eni u nhaꞌa cheke igne. Ghehati mae pris ra, mae Livaet ra, mae mala reireghi grengatha ra, mae mala koje ka Sugablahi ra, nei mae loku ka Sugablahi ra, ghehati te gnafa na magnahaghei te leghuni nogna vetula God. Nu ghehati theome loku fodu baludi naiknodi keha kantri te au balumi ghehati igre. Eghuteuna ghehati baludi khetomi nei thumi teu igre lase fakelini nhaꞌa cheke igne, ghehati gognarona loku fodu baludi nomi mae funei igre neke eni nhaꞌa cheke igne. Jame te theome tajini ghehati nhaꞌa cheke igne na, iagho tangomana te snakre mei puhi biꞌo ke klignami. Ghehati nhaꞌa cheke mala leghuni nogna vetula God teke tusu ranghini iagho nou mae gloku Moses, eghuteuna ghehati nhaꞌa cheke mala leghudi nogna cheke nei nogna vetula teu God te cheke thakledi ka vetula igne.

Nehemaea 13:3

Kate nomhini naiknore Vetula igne, mare ne kuru fajiflani ihei te theome vikegna Israel ka nakhapru igne.

Nehemaea 13:30

Eghume gognarona iara faklinodi mae pris nei mae Livaet ka tathagna God na eidi gobigna lepo teke theome mei funudi ka God, eghuteuna iara lisa lao ka mare mala eni nodi gloku na.

Nodi Khoje Hatimare Mae Jiu 144:11

Fakarhi ghau iara sagho ka puhidi te diꞌa hatimare mae naoka gre. Atha fajifla ghau ka nodi nolaghi naiknodi keha kantri te lase chaichaghi fara gre. Eghuteuna nodi nhaꞌa chekere jaola theome tutuani kolho.

Nodi Khoje Hatimare Mae Jiu 144:7

Ngafa soru pari sagho khamemu na mala korho haghe ghau iara mala karha iara ka hoholo. Uve, atha fajifla ghau iara sagho ka nodi nolaghi naiknodi keha kantri te chaichaghi fara are. Eghuteuna nodi nhaꞌa chekere jaola chaichaghi kolho.

Proveb 28:13

Jame te pophoru iagho nakhibomure, iagho ginauna na theome au fakeli. Nu jame te cheke thakledi iagho nakhibomure, eghuteuna figri tagrudi iagho nakhibo igre teuna, God ginauna kokhoni nigho iagho.

Profet Isaia 2:6

Lord, iagho nodi God vikegna mae Jekop. Nu gognarona iagho figri tagrudi nou naiknore, naugna mare ne leghudi nodi thua nafnata kastom chaichaghi naiknodi ke maghati. Eghuteuna mare fariuriu chekedi unha nate thoke mei nathuꞌu nauriha, jateula maedi Filistia eghu. Eghuteuna mare jaola leghudi puhidi naikno bongihehedi keha kantri delei.

Profet Jeremaea 14:20

Lord, ghehati baludi kuꞌemi ra, ghehati edi kmana nakhibo ka tathamu iagho na.

Profet Jeremaea 3:13

Uve, ghotilo nabami te au papara na, naugna ghotilo ne huhughu ghau iara ne eni fabrahu puhi te diꞌa na ne tei tarai koba ka mumuju god ka vido te keli ke pari gaju.

Profet Daniel 9:20

Kate tarai na, iara ne cheke thakledi nakhibogu te gnafare, baludi nakhibodi nogu naikno iara Israel. Eghuteuna iara toreni Lord, nogu God mala ke babana fapulo nogna Sugablahi na.

Profet Hosia 5:7

Ghotilo la tei kokonihi Lord mae ihei te jateula khetomi teu ghotilo na, eghuteuna ghotilo theome leghuni puhigna tholaghi na. Jaola, thumi ghotilo igre ginauna theome nogna mana. Ghotilo jateula thugna thau vine eghu kolho. Naugna ghotilo ne tarai ka mumuju, eghuteuna Lord ginauna theome raugha mei goigoni ghami ghotilo maemi Israel baludi nomi namono re.”