Nehemaea 9:16 - Buka Blahi Ka Cheke Holo

¹⁶ “Nu kuꞌemi ghehati tifa ra neke fahaehaghe fara nei patugama fara neku, eghuteuna mare theome leghudi nou cheke iagho re.

Nehemaea 9:16 Iomraidhean Croise

Fapea Kings 17:14

Nu mare tirodi leghudi kolho, mare patu gama jateula kuꞌedi tifa ra eghu theome fatutuani ni Lord, nodi God na.

Fapea Kronikols 29:6

Kmada tahati tifa ra neke huhughuni Lord. Mare neke edi puhi te diꞌa re neke tei kokoni mana. Mare tirodini Sugablahi te au mana tagna na, eghuteuna mare figri tagruni mana.

Fapea Kronikols 30:8

Ghotilo thosei patugama jateula mare eghu. Ghotilo mala faꞌuveni Lord. Eghuteuna mana neke horo nogna Sugablahi na Jerusalem mala blahi fabrahu. Ghotilo mei ka Sugablahi igne mala tarai ka mana, mala theome diꞌatagna mana ka ghotilo.

Fapea Kronikols 36:13

King Nebukadnesa huhuruni Sedekaea mala eni kaisei nhaꞌa cheke mala leghuni mana. Nhaꞌa cheke igne, phiamare eni ka nanghagna God. Nu ke leghu na, mae Sedekaea ne huhughuni nhaꞌa cheke igne, eghuteuna mana ne theome leghuni King Nebukadnesa. Mana patugama fara ne theome magnahaghei te tughu nagnafa mala teke pulo mei ka Lord.

Nehemaea 9:10

Iagho neke edi fagaglana nei kofubobhoi biꞌo neke jaglo nodi naiknore. Ka puhi igne iagho neke tapla faparini king gna Ijep, baludi nogna mae biꞌo nei keha naikno gna kantri tuana. Naugna iagho lasedi naikno igre fahaehaghe fara, eghuteuna mare paradi fara nou naikno iagho re. Ka puhi igne, iagho fakakhana nou nolaghi na ka mare. Eghuteuna nanghamu iagho na fnakno klignalahu ghilei mei posa gognarogne.

Nehemaea 9:29

“Iagho neke cheke faheta ka mare mala leghudi mare nou cheke iaghore, nu mare fahaehaghe fara nei theome leghudi eghu nou cheke iagho re. Jame ihei te leghudi nou vetula iagho re, mana tangomana te hatini u nakarha te keli na. Nu neuba ngau, mare patugama fara, eghuteuna mare figri tagruni vetula igne, eghuteuna mare tirodi fanomho nei leghu nigho eghu.

Nodi Khoje Hatimare Mae Jiu 106:6

Tahati gne au nakhiboda jateula ku'eda tifa ra eghu. Uve, tahati neke leghudi puhi te diꞌare neke edi glepo te diꞌare.

Nodi Khoje Hatimare Mae Jiu 81:8

Ghotilo nogu naikno iara Israel ra, ghotilo fanomho mei ka iara. Uve, iara magnahagheni fara te fanomho ghotilo ka nogu cheke iara igne!

Eksodas 15:26

Aonu God ne cheke eghu ranghidi naiknore, “Iara nomi Lord God ghotilo, iara neke famafodi khabrumi ghotilo ra. Jame te leghu ghau iara ghotilo te edi glepo te keli ka gaoghathogu iara re, nei leghudi nogu vetula iara re teuna, iara na theome tusu ari ka ghotilo nafnata khabru teke edi iara ranghidi mae Ijep ra teke au papara mare ra.”

Eksodas 32:9

Aonu Lord ne cheke eghu ka Moses, “Iara filodi naikno igre maku jateula thina eghu fara nagnafadi re.

Proveb 29:1

Mae ihei te patugama fabrahu neuba mare ne cheke faheta kmana fata tagna, mae tuana ginauna parani fara, eghuteuna theo kaisei glepo nate toghoni mana na.

Profet Isaia 48:18

Jame te leghudi ghotilo nogu cheke iara igre na, ghotilo ginauna au fabrahu ka pharikeli, eghuteuna nakarhami ghotilo na jateula khoꞌu te loloro fabrahu te theome krango ra eghu. Eghuteuna ghotilo ginauna leghuni fabrahu puhi te doglo na jateula galo te poha ka nusu ba ka khalaꞌe ra eghu.

Profet Isaia 48:4

Iara lase ghamihi ghotilo, eghuteuna phaꞌumi ghotilore ginauna patugama fara jateula thina nei aean eghu na theome leghuni nogu cheke iara na.

Profet Isaia 63:10

Nu mare figri tagruni nei fadiꞌa nagnafani eghu mae Tharunga te Blahi. Eghume, Lord na kela nodi naoka mare, eghuteuna mana nake magra ka mare.

Profet Jeremaea 19:15

“Lord mae ihei te au nolaghi fateote'o, nei nodi God mae Israel teu igne ne cheke eghu, ‘Fanomho fakeli ghotilo ia! Ghotilo naiknomi Jerusalem, nei iheire te au ka vido rhegna namono Jerusalem, phaꞌumi ghotilore maku fara jateula thina eghu theome magnahaghei te nomhini chekegu iara na. Eghume, puhi biꞌo ginauna thoke mei ka ghotilo.’ ”

Profet Jeremaea 2:31

“Ghotilo maemi Israel ra, fanomho ka nogna cheke Lord igne! “Iara neke theome tei koko ghami ghotilo ka namono nagou ia. Theo! Naugna unha si ghotilo ne snaglahi themi teu te tirodi leghu ghau iara gnea?

Profet Jeremaea 7:26

Nu ghotilo theome fanomho ka nogu cheke iara igre. Phaꞌumi ghotilore jateula thina eghu edi koba glepo te diꞌare salaꞌudi mae kuꞌemi tifa ra.’

Profet Esikiel 5:6

Neuba, naikno te gnafa Jerusalem igre theome magnahaghedi kolho nogu cheke iara re. Puhidi te diꞌa re thono diꞌa fara salaꞌudi puhidi naiknodi keha kantri te au lithuidi mare are. Mare tirodi leghu ghau iara, ba fanomho ka nogu cheke iara re, eghuteuna mare theome magnahaghei te leghudi nogu vetula iara re.

Mae Khuru 7:51

Mae Stivin tudu ne cheke eghu, “Icho idomi, ghotilo mae mala baubatu gre pha'umire thono romno fara. Eghuteuna nagnafami ghotilo re jateula naikno bongihehe eghu, eghuteuna ghotilo tiromi fara te fanomho ka chekegna God na. Leuleghu fata na ghotilo huhughuni fara mae Tharunga te Blahi na jateula mae ku'emi tifa ra eghu.

Letas Teke Riso Tei Mae Pol Ka Khiloau Rom 2:5

Nu ghotilo patugama fara nei theome magnahaghei tughu nagnafa. Eghume u fate ginauna biꞌo fara ke klignami ghotilo. Eghuteuna fate igne ginauna thoke mei ka ghotilo ka narane God nate falalase diꞌatagna na, nei puhigna te doglo na eghu mala fatedi naikno te gnafare.

Diutronomi 31:27

Iara lase ghamihi te patu gama fara ghotilo ranghini Lord. Neuba, kate karha teu te au teu iara balumi ghotilo gognarogne, leuleghu fata na ghotilo figri tagruni Lord. Eghuteuna jame te lehe iara na, iara laseni ghotilo ginauna tangomana nate figri tagruni fara mana na.

Diutronomi 32:15

“Ghotilo iheire te doglo ra neke blokha fara. Ghotilo au ghemi kmana gano fara eghuteuna ghotilo ghamu neke ghilei blokha neke salaꞌui. Eghume ghotilo leghuni puhi te theome doglo na eghuteuna ghotilo tei kokoni God mae ihei teke vuavuha ghami na. Ghotilo figri lao thagrumi re ka God mae ihei nomi vido keli te mala poru ghotilo na.

Diutronomi 5:29

Filo sagho, jame au fabrahu ka mare gaoghatho igne meuna, ginauna thofno keli fara. Iara magnahaghedi fara mare te ghatho tahu ghau iara fabrahu eghuteuna leghudi nogu vetula iara re. Naugna jame te eni mare na, nakarhadi mare nei thudire teure ginauna thofno keli fabrahu.

Diutronomi 9:13

“Eghuteuna Lord ne cheke eghu ka iara, ‘Iara la lasedihi naikno igre, mare patu gama fara.

Diutronomi 9:27

Ghathodi sagho thilo nou mae glokura, Ebraham, Isak nei Jekop. Eghuteuna kate ghathodi iagho thilo mae igre, thosei filo ka nakhibo teke edi naikno te patu gama fara igre.

Diutronomi 9:6

Ghotilo laseni, Lord nomi God ghotilo na neke theome tusu ari ka ghotilo glose igne naugna te naikno doglo ghotilo na. Theo. Ghotilo patu gama fara!

Hibru 3:13

Nu fari totoghoi leghu narane. Eni igne gognaro kani au nomi narane ngau ghotilo, mala theo kaisei naikno te dofu nei meglini eghu naoglagna God na ka nogna chaichaghi mae Satan, mae ihei te batudi nagnafada ka nakhibo.

Hibru 3:15

Ghotilo tangomana te eni igne leghuni unha te cheke eghu ka grioriso te blahi na, “Gognaro na fanomho fakeli ka mana. Thosei patugama nagnafami are, jateula teke eni mae ku'emi tifa teke huhughuni chekegna God na. Mare neke fariuriuni mana ke lamnagna namono nagou.”