Nehemaea 9:12 - Buka Blahi Ka Cheke Holo

¹² Ka narane na, iagho au ke lamna grokho biꞌo mala tei ke uludi mala leghu nigho mare. Eghuteuna ka bongi na, iagho au ke lamna khaꞌaghi biꞌo, eghuteuna naphaemu iagho na falalase nabroudi mare.

Nehemaea 9:12 Iomraidhean Croise

Nehemaea 9:19

“Naugna puhimu iagho te thofno kokhonidi naiknore, iagho neke theome lisa kokodi jare ka namono nagou na. Ka narane na gromno na kegra fadoglo haghe ne batudi ka nabrou na. Ka bongi na khaꞌaghi na kegra fadoglo haghe ne falalase ranghidi nabrou na.

Nodi Khoje Hatimare Mae Jiu 105:39

God ne lilisei kaisei khoveo mala reireghidi nogna naiknore, eghuteuna ka bongiro na mana lilisei kaisei khaꞌaghi biꞌo mala faphaedi.

Nodi Khoje Hatimare Mae Jiu 107:7

Mana neke baubatudi neke tei ka kaisei nabrou te doglo, neke ghilei tei posa ka kaisei namono biꞌo aheva te mala au fakeli mare tagna na.

Nodi Khoje Hatimare Mae Jiu 143:8

Ka hamerane di gre cheke mei sagho mala ghathoni iara nou namha biꞌo iagho na, naugna iagho ngala te rouronu nigho iara na. Leuleghu fata ngala iara te tarai ari ka iagho na. Falalase mei sagho ranghi ghau iara u nabrou te mala leghuni iara na.

Nodi Khoje Hatimare Mae Jiu 78:14

Ka narane tuana, mana neke eni kaisei nafnata khoveo mala batudi mare, eghuteuna fei bongiro na, mana neke batudi ka naphaegna kaisei nafnata khaꞌaghi.

Eksodas 15:13

Iagho neke foli fapulo ghami ka nou namha na neke atha ghami ghehati neke tei. Kate tei ghehati na iagho ginau na baubatu ghami ghehati tei ka vido te blahi fara teke kulu vavahi iagho mala au ghehati teku iagho na.

Profet Esikiel 20:6

Ka narane tuana, iara neke eni kaisei nhaꞌa cheke te rheta mala hata fajifladi Ijep, eghuteuna batu teidi ka kaisei namono aheva teke kulu vahini iara te mala au mare tagna na. Namono igne famane keli fara salaꞌudi keha kantri te gnafa ka nauthoglu igne. Glosegna na thono keli fara, eghuteuna leuleghu fata na au kmana gano tagna.

Naba 9:21

Keha fatare, gromno igne au vuha grafi ghilei thoke hamerane, nu kate thugha gromno na, mare jaola thugha.